Алматы қаласындағы Отандық Суспензия 250 Мг / 5 Мл 60 Мл | PharmaVision Sanayi ve Ticaret A. S.

- препарат компоненттеріне немесе цефалоспориндер класындағы басқа антибиотиктерге жоғары сезімталдық.

- фруктозаның тұқым қуалайтын жақпаушылығы, глюкоза-галактоза мальабсорбциясы

Қолдану кезінде қажетті сақтық шаралары

Цефдинирмен емдеуді бастар алдында сыртартқысында цефдинирге, басқа цефалоспориндерге, пенициллиндерге немесе өзге препараттарға аса жоғары сезімталдық реакциясының болуын болдырмау қажет. Егер цефдинир пенициллинге сезімтал пациенттерде қолданылса, сақ болу керек, өйткені анамнезінде пенициллинге аллергиясы бар пациенттердің 10%-ында пайда болатын β-лактамды антибиотиктер арасындағы айқаспалы жоғары сезімталдық дәлелденген. Цефдинирге аллергиялық реакция туындаған жағдайда препаратты қолдануды дереу тоқтату керек. Аса жоғары сезімталдықтың ауыр жедел реакциялары эпинефринмен емдеуді және оттегімен қамтамасыз етуді, сұйықтықтарды көктамыр ішіне енгізуді, антигистаминдерді, кортикостероидтарды, вазопрессорлық аминдерді көктамыр ішіне қолдануды және клиникалық қажеттілік кезінде тыныс алу жолдарының өткізгіштігін қамтамасыз етуді қоса алғанда, басқа да шұғыл шараларды қолдануды талап етуі мүмкін.

Clostridium difficile-байланысты диарея (CDAD) барлық бактерияға қарсы заттарды, соның ішінде цефдинирді қолданғанда байқалды. CDAD ауырлық дәрежесі жеңіл диареядан өлімге әкелетін колитке дейін өзгеруі мүмкін. Бактерияға қарсы препараттармен емдеу тоқ ішектің қалыпты флорасын өзгертеді, бұл C. difficile шамадан тыс өсуіне әкеледі.

C. difficile CDAD дамуына ықпал ететін А және В токсиндерін шығарады. C. difficile Гипертоксин өндіретін штамдары ауру мен өлімнің жоғарылауын тудырады, өйткені бұл инфекциялар микробқа қарсы терапияға төзімді және колэктомияны қажет етуі мүмкін. Микробқа қарсы препараттарды қолданғаннан кейін диарея пайда болатын барлық пациенттерде CDAD болу ықтималдығын қарастырған жөн. Медициналық анамнезді мұқият жинау керек, өйткені бактерияға қарсы агенттерді қолданғаннан кейін екі айдан астам уақыт ішінде CDAD пайда болғандығы туралы хабарланды.

CDAD-ге күдік туғанда немесе оның бар екендігі расталғанда ағымдағы бактерияға қарсы емді тоқтату талап етіледі. Клиникалық жағдайға сүйене отырып, пациентке сұйықтықтың толықтырылуы, электролиттер мен амин қышқылдарының ерітінділерін енгізу, C. Difficile бактерияға қарсы емі, хирургиялық емдеу көрсетілуі мүмкін.

Антацидтер (құрамында алюминий немесе магний бар)

Құрамында магний немесе алюминий бар антацидті дәрілермен бір мезгілде қолданғанда Родинирдің әсері едәуір төмендейді.

Цефдинирмен емдеу кезінде антацидтерді қолдану қажет болған кезде цефдинирді антацид қабылдаудан кемінде 2 сағат бұрын немесе 2 сағаттан кейін қолдану керек.

Пробенецид

Басқа β-лактамдық антибиотиктер жағдайындағыдай, пробенецид цефдинирдің бүйрек арқылы шығарылуын тежейді, соның нәтижесінде плазмадағы цефдинир концентрациясының ең жоғары деңгейі артады.

Темір препараттары және темірмен байытылған тамақ өнімдері

Родинирдің әсері құрамында темір бар дәрілермен бір мезгілде қолданғанда азаяды. Цефдинирмен емдеу кезінде темір препараттарын қолдану қажет болған жағдайда оны темір препараттарын қабылдаудан кемінде 2 сағат бұрын немесе 2 сағаттан кейін қолдану керек.

Қарапайым темірмен байытылған тағамның (ең алдымен темірмен байытылған дәнді таңғы ас) цефдинирдің сіңуіне әсері зерттелмеген.

Темірмен байытылған балалар қоспаларын (2,2 мг элементар темір/6 унция) бір мезгілде қолдану цефдинир фармакокинетикасына елеулі әсер етпейді. Осылайша, ішуге арналған суспензияны дайындауға арналған цефдинирді темірмен байытылған балалар қоспаларымен бірге қолдануға болады.

Цефдинир қабылдаған пациенттерде нәжісті қызғылт түске бояу жағдайлары туралы хабарланды. Көптеген жағдайларда пациенттер құрамында темір бар препараттарды да қабылдаған. Қызғылт түс асқазан-ішек жолында сіңірілмейтін цефдинир кешенінің немесе оның ыдырауы мен темір өнімдерінің пайда болуы нәтижесінде пайда болады.

Талдау нәтижелеріне әсері

Несептегі кетондарға жалған оң реакция нитропруссидті қолдана отырып талдаулар жүргізу кезінде байқалуы мүмкін, бірақ нитроферрицианидті қолдана отырып талдаулар кезінде байқалмайды. Цефдинирді қабылдау Сlinitest ® , Бенедикт ерітіндісін немесе Фелинг ерітіндісін қолданғанда несептегі глюкозаға жалған оң реакцияға әкелуі мүмкін. Глюкозооксидазаның ферментативті реакцияларына негізделген глюкозаға талдау жүргізу ұсынылады (мысалы, Clinistix ® немесе Tes-Tape ® ). Цефалоспориндер кейде тікелей Кумбс сынамасының оң нәтижесін тудыратыны белгілі.

Дозалау режимі

Балалардағы инфекциялар кезіндегі ұсынылған доза және емдеу ұзақтығы төменде сипатталған; барлық инфекциялар кезіндегі жалпы тәуліктік доза 14 мг/кг, ең жоғары тәуліктік доза 600 мг дейін құрайды. 10 күн ішінде тәулігіне 1 рет қолдану тәулігіне 2 рет қолдану сияқты тиімді. Тәулігіне 1 рет қолдану тері инфекцияларында зерттелмеген; осы себепті осы инфекция кезінде ішке қабылдау үшін цефдинир суспензиясын тәулігіне 2 рет қабылдау керек. Ішуге арналған цефдинир суспензияларын тамақтану уақытына қарамастан қабылдауға болады.

Балалар (6 айдан 12 жасқа дейін қоса алғанда)

Ішке қабылдау үшін суспензия дайындауға арналған 250 мг/5 мл ұнтақ сыйымдылығы 60 мл полипропиленнен жасалған бұралатын қорғаныш қақпағы бар III типті кәріптас түсті шыныдан жасалған құтыда.

1 құтыдан өлшеуіш қасықпен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Ылғалдан қорғалған жерде 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дайындалған суспензияны 10 күннен асырмай сақтау керек.

3 жыл

Жарамдылық мерзімі өткеннен кейін қолдануға болмайды.