Шымкенте қаласындағы Слидерон Таблеткалары 4 Мг №20 | Balkanpharma-Razgrad AD

Слидерон препараты глюкокортикоидты емді қолдануды қажет ететін аурулар кезінде қолданылады:

Эндокриндік аурулар

- бүйрекүсті безі қыртысының бастапқы және салдарлы жеткіліксіздігі (бірінші таңдау гидрокортизон немесе кортизон болып табылады; синтетикалық аналогтар қолданылатын минералокортикоидтармен бірге қолданылуы мүмкін; нәресте кезінде минералокортикоидтарды қосу ерекше маңызға ие):

- бүйрекүсті безінің туа біткен гиперплазиясы

- іріңді емес тиреоидит

- обыр туындатқан гиперкальциемия.

Эндокриндік емес аурулар

- ревматизмдік аурулар (қысқа мерзімді енгізу үшін қосымша терапия ретінде (жедел эпизодтан немесе асқынудан кейін пациентті емдеу үшін): ревматоидты артрит, оның ішінде ювениальді ревматоидты артрит (жекелеген жағдайларда төмен дозалы демеуші ем қажет болуы мүмкін), шорбуынданатын спондилоартрит, остеоартроз кезіндегі синовит, жедел және жеделге жуық бурсит, жедел спецификалық емес теносиновит, жарақаттанудан кейінгі остеоартроз, псориаздық артрит, эпикондилит, жедел подагралық артрит

- коллагендік аурулар (асқыну кезінде немесе жекелеген жағдайларда демеуші ем ретінде): жүйелі қызыл жегі, жүйелі дерматомиозит (полимиозит), жедел ревмокардит

- тері аурулары (дерматологиялық аурулар): сулы бөртпе, буллездік герпестік түрдегі дерматит, ауыр мультиформалы эритема (Стивенс-Джонсон синдромы), ауыр себореялық дерматит, эксфолиативтік дерматит, зең тәрізді микоз, ауыр псориаз

- аллергиялық жай-күйлер, талапқа сай әдеттегі емдеу әдістеріне сәйкес келмейтін ауыр немесе мүгедектікке әкелетін аллергиялық жағдайларды бақылау: маусымдық және жыл бойы аллергиялық ринит, дәрілік заттарға аса жоғары сезімталдық реакциялары, сарысу құю ауруы, жанаспалы дерматит, бронх демікпесі, атопиялық дерматит, ангионевроздық ісіну, есекжем

- офтальмологиялық аурулар (көздің және оның қосымшаларының қатысуымен ауыр, жедел және созылмалы аллергиялық және қабыну процестері): ирит және иридоциклит, көру жүйкесінің невриті, көздің алдыңғы бөлігінің қабынуы, аллергиялық мөлдір қабықтың жиектік ойық жаралары, диффузды артқы увеит және хориоидит, симпатикалық офтальмия, кератит, офтальмологиялық белдемелі герпес, аллергиялық конъюнктивит, хориоретинит

- тыныс алу ағзаларының аурулары: симптоматикалық саркоидоз, шұғыл немесе диссеминацияланған өкпе туберкулез тиісті туберкулезге қарсы химиотерапиямен, аспирациялық пневмонит, бериллиоз, басқа дәрілермен емдеуге келмейтін Леффлер синдромы

- гематологиялық аурулар: идиопатиялық тромбоцитопениялық пурпура, ересектердегі салдарлы тромбоцитопения, жүре пайда болған (аутоиммунды) гемолитикалық анемия, эритробластопения (эритроциттік аплазия), туа біткен (эритроидты) гипопластикалық анемия)

- ісік аурулары (паллиативті емдеу): ересектердегі лейкоздар мен лимфомалар, балалар жасындағы жедел лейкоз

- ісіну жағдайлары: уремиясыз немесе идиопатиялық типтегі нефроздық синдромда немесе қызыл жегі кезіндегі диурез индукциясы немесе протеинурия ремиссиясы

- асқазан-ішек аурулары (науқасты осындай жағдайларда аурудың қатер шегіндегі кезеңінен шығару үшін): ойық жаралы колит, аумақтық энтерит)

- жүйке жүйесі: жайылған склероздың жедел өршуі, ми ісігімен байланысты ісінуді емдеу

- ағзаларды трансплантациялау

- басқа да аурулар (тиісті туберкулезге қарсы химиотерапиямен бір мезгілде қолданғанда субарахноидты блокадасы немесе жақындап келе жатқан блокадасы бар туберкулезді менингит, неврологиялық зақымдануы немесе миокард зақымдануы бар трихинеллез.

- препарат компоненттеріне жоғары сезімталдық

- туберкулез, басқа жедел және созылмалы бактериялық немесе вирустық инфекциялар (тиісті дәрілік қорғаныссыз)

- жүйелі зеңдік инфекциялар

- иммунитетті төмендететін препарат дозаларын қабылдайтын пациенттерге тірі немесе тірі әлсіз вакциналарды енгізу.

Метилпреднизолон P450 цитохромы ферментінің субстраты болып табылады, ол негізінен CYP3A4 метаболизденеді, ол CYP тектестігінің негізгі ферменті болып табылады және ересек адамның бауырында жиі кездеседі. Ол стероидтардың 6-бета-гидроксилденуін катализдейді және эндогенді және синтетикалық кортикостероидтар метаболизмінің маңызды бастапқы сатысы болып табылады. Көптеген басқа заттар CYP3A4 субстраттары болып табылады және кейбір дәрілік заттар CYP3A4 индукциялау немесе тежеу арқылы глюкокортикоидтардың метаболизмін өзгертетіні көрсетілген.

CYP3A4 тежегіштері: CYP3A4 тежейтін дәрілік заттар әдетте бауыр клиренсін азайтады және CYP3A4 субстраттары болып табылатын (метилпреднизолон сияқты) дәрілік заттардың қан сарысуындағы концентрациясын арттырады. Пациент CYP3A4 тежегішін қабылдаған кезде, стероидтар туындатқан уыттылықты болдырмау үшін метилпреднизолон дозасын титрлеу қажет болуы мүмкін.

Құрамында кобицистаты бар препараттар сияқты CYP3A тежегіштерін қолдану жүйелі жағымсыз әсерлердің қаупін арттырады деп күтілуде. Егер емдеуден пайда кортикостероидтардың жүйелі жағымсыз реакцияларының жоғары қаупінен аспаса, бұл біріктіруді қолданудан аулақ болу керек және пациенттерде жүйелі кортикостероидтарға жағымсыз жанама реакциялардың дамуын бақылау қажет.

Осы топтағы дәрілік препараттарға мыналар жатады: эритромицин, кларитромицин, тролеандомицин, кетоконазол, итраконазол, изониазид, дилтиазем, мифефрадиил, апрепитант, фосапрепитант, АИТВ протеаза тежегіштері (мысалы, индинавир және ритонавир), циклоспонин және циклоспонол. Грейпфрут шырыны да CYP3A4 тежегіші болып табылады.

CYP3A4 индукторлары: CYP3A4 индукциялайтын дәрілік заттар, әдетте бауыр клиренсін арттырады және осылайша, қандағы CYP3A4 субстраттарының деңгейін төмендетеді. CYP3A4 индукторларын бір мезгілде қолданғанда, қажетті емдік жауапқа қол жеткізу үшін метилпреднизолон дозасын арттыру қажет болуы мүмкін

Осы топтағы дәрілік препараттарға мыналар жатады: рифампицин, карбамазепин, фенобарбитал, примидон және фенитоин.

CYP3A4 субстраттары: пациент басқа CYP3A4 субстратын бір мезгілде қабылдаған кезде метилпреднизолонның бауыр клиренсі өзгеруі мүмкін, бұл метилпреднизолонның тиісті дозасын түзетуді қажет етуі мүмкін. Мұндай препараттардың біріктірілімі осы препараттардың бірімен байланысты жағымсыз әсерлердің ықтималдығын арттыруы мүмкін: метилпреднизолон мен такролимусты бір мезгілде қабылдау такролимустың концентрациясын төмендетуі мүмкін, циклоспорин мен метилпреднизолонды бір мезгілде қабылдау олардың өзара метаболизміне кедергі келтіреді, бұл плазмадағы бір немесе екі препараттың концентрациясының жоғарылауына әкелуі мүмкін. Демек, монотерапиямен байланысты жағымсыз әсерлердің оларды бір мезгілде қолданған кезде ықтималдығы жоғары болуы мүмкін. Метилпреднизолон мен циклоспоринді бір мезгілде қолданғанда құрысулар туралы хабарланған. Кортикостероидтар АИТВ протеаза тежегіштерінің метаболизмін тездетуі, осылайша, олардың плазмадағы деңгейін төмендетуі мүмкін. Метилпреднизолон ацетилдену жылдамдығына және изониазид клиренсіне әсер етуі мүмкін.

CYP3A4 байланысты әсерлер: төмендегі кестеде метилпреднизолонды қолданумен байланысты басқа да өзара әрекеттесулер мен әсерлер көрсетілген

Дозалау режимі

Слидерон препаратының бастапқы дозасы аурудың ауырлығына байланысты тәулігіне 4-тен 48 мг-ға дейін өзгеруі мүмкін. Бастапқы дозаны қанағаттанарлық реакция белгілі болғанға дейін ұстап тұру немесе түзету керек.

Егер белгілі бір кезең өткеннен кейін клиникалық жауап қанағаттанарлық болмаса, Слидерон препаратын қабылдауды тоқтатып, пациентке басқа емді тағайындау керек.

Дозаның құбылмалы екенін және емделетін ауруға және пациенттің реакциясына байланысты жеке таңдалуы керек екенін атап өткен жөн.

Оң жауаптан кейін талапқа сай клиникалық жауапты сақтау үшін ең төменгі тиімді дозаға жеткенге дейін тиісті уақыт аралықтарында препараттың бастапқы дозасын азғана төмендетумен азайту арқылы демеуші дозаны анықтау қажет. Препараттың дозасын бақылау және үнемі бейімдеу маңызды болып табылады.

Дозаны түзетуді қажет етуі мүмкін жағдайларға мыналар жатады: ремиссияға немесе ауырсыну процесінің асқынуына қатысты клиникалық жағдайдың өзгеруі, препаратқа жеке реакция, науқастың аурудың өзімен тікелей байланысты емес стресстік жағдайларға бейімділігіне әсері; бұл соңғы жағдайда Слидерон препаратының дозасын пациенттің жағдайына байланысты тиісті уақыт кезеңіне ұлғайту қажет болуы мүмкін. Егер ұзақ терапиядан кейін емдеуді тоқтату қажет болса, онда күрт төмендету емес, біртіндеп төмендету ұсынылады.

Ересектер

Дозалау бойынша нұсқаулар төменде келтірілген кестеде көрсетілген, бұл бастапқы тәуліктік дозалар. Ұсынылған орташа жалпы тәуліктік доза бір реттік доза түрінде немесе бөлінген дозалар түрінде берілуі мүмкін (емнің баламалы сызбасын қоспағанда).

Баламалы емдеу тәсілінде Слидерон препаратының ең төменгі күнделікті дозасы екі еселенеді және күнара бір реттік доза түрінде таңертең 8.00-де қабылданады. Доза емді қажет ететін жағдайға және пациенттің реакциясына байланысты. Пациенттің жай-күйі тұрақтандырылған соң дәрігер дозаны азайтуы мүмкін.

Баламалы күндізгі емнің (БКЕ) артықшылықтары:

а) кортикостероидтардың қабынуға қарсы немесе емдік әсері организмде препараттың болуына және оның метаболизмге әсеріне қарағанда ұзағырақ сақталады;

б) кортикостероидты таңертең, күнара қолдану гипоталамо-гипофизарлы-бүйрекүсті безі жүйесінің қалыпты қызметін препаратты қабылдамаған күндері қалпына келтіруге мүмкіндік береді.

Жағымсыз әсерлер ең төменгі қолдану кезеңі ішінде ең төменгі тиімді дозаларды пайдалану кезінде барынша азайтылуы мүмкін.

Баламалы күндізгі ем (БКЕ) қарастырған кезде кортикостероидтармен емдеудің негізгі принциптері мен көрсетілімдерін қолдану және БКЕ артықшылықтарын ескеру қажет. БКЕ кортикостероидтармен ұзақ емделетін пациенттерге арналған. Кортикостероидты емдеуді қажет ететін күрделілігі төмен ауруларда емдеуді БКЕ -ден бастауға болады. Ауыр жағдайларда, ауру симптомдарын бастапқы бақылау үшін әдетте препаратты күнделікті қабылдау қажет.

Балалар: дозаны дәрігер анықтайды және ол клиникалық жауапқа негізделеді. Емдеуді ең қысқа қажетті уақыт кезеңінде ең төменгі тиімді дозада жүргізу керек. Мүмкіндігінше, баламалы емдеу сызбасын пайдалану керек.

4 мг метилпреднизолон 5 мг преднизолонның, 4 мг триамцинолон мен 0,75 мг дексаметазонның баламасы болып табылады.

Бүйрекүсті безі жеткіліксіздігі кезінде ішке тәулігіне 3 қабылдауға 0,14 мг/кг немесе 4 мг/м2, басқа көрсетілімдер бойынша — үш қабылдауға бөлінген ішке 0,417–1,67 мг/кг немесе 12,5–50 мг/м2. Мүмкіндігінше, тәуліктік дозаны күнара бір рет қабылдау керек.

Қызғылт сары түсті поливинилхлоридті/поливинилдихлоридті мөлдір үлбірден және алюминий фольгадан жасалған пішінді ұяшықты қаптамаға 10 таблеткадан салынған.

2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Түпнұсқалық қаптамасында, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!