Таразе қаласындағы Флуконазол Капсулалары 150 Мг №1 | Валента Фармацевтика ОАО

Флуконазол ересектерде келесі ауруларды емдеу үшін көрсетілген:

криптококкты менингит;

кокцидиоидомикоз;

инвазиялық кандидоз;

шырышты қабықтар кандидозы, оның ішінде орофарингеальді кандидоз, өңеш кандидозы, кандидурия және созылмалы тері-шырышты қабық кандидозы;

ауыз қуысының гигиенасын қадағалау немесе жергілікті емдеу жеткіліксіз болғанда ауыз қуысының созылмалы атрофиялық кандидозы (тіс протездерін салумен байланысты);

жергілікті емге қатысты емес жедел немесе қайталамалы қынаптық кандидоз;

жергілікті емге қатысты емес кандидозды баланит;

дерматомикоздар, оның ішінде жүйелі емдеу көрсетілген кездегі табан дерматофитиясы, тұтас дене дерматофитиясы, шап дерматофитиясы, түрлі-түсті теміреткі және тері кандидозы;

басқа препараттармен емдеуге болмайтын тырнақ дерматофитиясы (онихомикоз).

Флуконазол ересектерде келесі аурулардың профилактикасында

көрсетілген:

қайталану қаупі жоғары пациенттерде криптококкты менингит қайталанулары;

қайталану қаупі жоғары АИТВ инфекциясын жұқтырған пациенттерде орофарингеальді кандидоз және өңеш кандидозының қайталанулары;

қынаптық кандидоздың қайталану жиілігін (жылына 4 немесе одан көп көрініс) төмендету үшін;

нейтропения ұзаққа созылатын пациенттерде (химиялық ем алатын гемобластоздар бар пациенттер немесе гемопоэздік дің жасушаларының трансплантациясы жасалған пациенттер) кандидозды инфекциялар профилактикасы үшін.

әсер етуші затқа, тектес азол қосылыстарына немесе қосымша заттардың кез келгеніне аса жоғары сезімталдық;

флуконазолды 400 мг/тәулік және одан көп дозада бірнеше рет қолдану кезінде терфенадинді бір мезгілде қабылдау;

цизаприд, астемизол, пимозид, хинидин, амиодарон және эритромицин сияқты QT аралығын ұзартатын және CYP3A4 ферменті арқылы метаболизденетін дәрілік препараттарды бір мезгілде қабылдау;

тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар тұлғалар;

жүктілік және лактация кезеңі;

балалар және 18 жасқа дейінгі жасөспірімдер.

Бауыр жеткіліксіздігі

Флуконазол препаратын бауыр функциясының бұзылуы бар пациенттерге сақтықпен тағайындау керек.

Негізінен күрделі көріністік аурулары бар пациенттерде флуконазолмен ем аясында, оның ішінде өліммен аяқталған күрделі гепатоуыттылықтың сирек жағдайлары сипатталған. Флуконазолды қабылдау аясындағы гепатоуыттылық жағдайларында жалпы тәуліктік дозамен, емдеу ұзақтығымен, пациенттің жынысымен немесе жасымен нақты байланыс байқалмады. Флуконазолды қабылдау аясындағы гепатоуыттылық, әдетте, емді тоқтатудан кейін қайтымды болды.

Флуконазолмен ем аясында бауырдың функционалдық сынамаларында ауытқулар пайда болатын пациенттер бауырдың өте ауыр зақымдануының дамуын жоққа шығару үшін қатаң қадағалауда болуы тиіс. Пациентке бауырдың күрделі зақымдануын көрсететін симптомдар туралы (астения, тәбет болмауын, үнемі жүрек айну, құсу және сарғаюды қоса) ескерту қажет. Флуконазолмен емдеуді дереу тоқтатып, дәрігермен кеңесу қажет.

Бүйрек жеткіліксіздігі

Флуконазол препаратын бауыр функциясының бұзылуы бар пациенттерге сақтықпен тағайындау керек.

Бүйрек үсті безінің жеткіліксіздігі

Кетоконазол бүйрек үсті безінің жеткіліксіздігін тудыратыны белгілі. Аса сирек болса да, бұл флуконазолды қолдану кезінде болуы мүмкін. Преднизолонды бір мезгілде қабылдаумен байланысты бүйрек үсті безінің жеткіліксіздігі жағдайы «Флуконазолдың басқа дәрілік заттарға әсері» бөлімінде сипатталған.

Басқа жай-күйлер

Құрғақ теміреткі

Флуконазолды балалардағы құрғақ теміреткіні емдеуге қолдану зерттеулері жүргізілді. Оның тиімділігі жағынан гризеофулвиннен артық еместігі және сәтті емдеудің жалпы көрсеткіші 20%-дан аспайтыны анықталды. Осылайша, Флуконазол препаратын құрғақ теміреткіні емдеуге қолдануға болмайды.

Криптококкоз

Флуконазолдың басқаша орналасқан криптококкозды емдеу тиімділігіне дәлелдер (мысалы, өкпе және тері криптококкозы) шектеулі, бұл дозалау бойынша нұсқаулар ұсынуға мүмкіндік бермейді.

Кандидоз

Зерттеулер Candida штаммдары инфекцияларының C. albicans ерекше түрлерінен басым болатынын көрсетті. Олар флуконазолға төзімділігін (мысалы, C. krusei және C. auris) немесе сезімталдығының төмендігін (C. glabrata) жиі танытады. Осындай инфекцияларға, флуконазолмен емдеу тиімсіз болғанда, зеңге қарсы баламалы ем қажет болуы мүмкін. Дәрігерлерге әр алуан Candida түрлерінің флуконазолға төзімділігінің таралуын есепке алуға кеңес беріледі.

Терең эндемиялық микоздар

Флуконазолдың паракокцидиоидомикоз, лимфоциттік споротрихоз және гистоплазмоз сияқты эндемиялық микоздардың басқа түрлерін емдеу тиімділігіне дәлелдер шектеулі, бұл дозалау туралы нақты нұсқаулар ұсынуға мүмкіндік бермейді.

Галофантрин

Галофантрин ұсынылған емдік дозада қолданылғанда QTc аралығын ұзартатыны және CYP3A4 изоферментінің субстраты екені анықталды. Осылайша, флуконазол мен галофантринді бір мезгілде қолдану ұсынылмайды.

Жүрек-қантамыр жүйесі

Кейбір азолдар, оның ішінде флуконазол, электрокардиограммада QT аралығының ұзаруын туындатады. Флуконазол түзеткіш калий ағысын (Ikr) тежеумен QT аралығының ұзаруын тудырады. Басқа дәрілік препараттарды (амиодарон сияқты) қабылдау кезінде QT аралығының ұзаруы P450 (CYP) 3A4 цитохромының изоферментін тежегенде күшеюі мүмкін. Тіркеуден кейінгі қадағалау барысында флуконазол қабылдап жүрген пациенттерде QT аралығы ұзаруының және «пируэт» типті полиморфты қарыншалық тахикардияның өте сирек жағдайлары болды. Бұл хабарламаларда күрделі аурулары және органикалық жүрек аурулары, электролиттік бұзылулар және осы жағымсыз құбылыстың дамуына ықпал ететін препараттарды бір мезгілде қабылдау сияқты көптеген қатарлас қауіп факторлары бар пациенттер сипатталды. Гипокалиемия және үдемелі жүрек жеткіліксіздігі бар пациенттер өмірге қатерлі қарыншалық аритмиялардың, оның ішінде «пируэт» типті полиморфты қарыншалық тахикардияның жоғары даму қаупіне бейім.

Флуконазол препаратын аритмияның дамуына ықпал ететін жай-күйі бар пациенттерге сақтықпен тағайындау керек.

QT аралығын ұзартатын және P450 (CYP) 3A4 цитохромымен метаболизденетін басқа дәрілік препараттарды бір мезгілде қолдану қарсы көрсетілімді.

Тері реакциялары

Флуконазолмен емдеуге байланысты эозинофилиямен және жүйелі симптомдармен (DRESS-синдром) болатын дәрілік реакция жағдайлары мәлімделді.

Флуконазолмен емдеу кезінде пациенттерде сирек жағдайларда Стивенс-Джонсон синдромы және уытты эпидермалық некролиз сияқты эксфолиативті тері реакциялары дамыды. ЖИТС бар пациенттер көп препараттарды қолданғанда ауыр тері реакцияларының дамуына бейімірек. Пациентте беткейлік зең инфекциясын емдеу кезінде флуконазолды қолданумен байланысты болуы мүмкін бөртпе білінсе, осы препаратпен одан әрі емдеуді тоқтату керек. Инвазиялық/жүйелі зеңді инфекциялары бар пациенттерде бөртпе пайда болса, мұқият қадағалау жүргізу және буллезді зақымданулар немесе көп пішінді эритема дамығанда флуконазолды тоқтату қажет.

Аса жоғары сезімталдық реакциялары

Анафилаксиялық реакциялар дамуы туралы бірлі-жарым хабарламалар алынды.

P450 цитохромы

Флуконазол – CYP2C9 және CYP3A4 изоферменттерінің орташа тежегіші. Флуконазол, сонымен бірге, CYP2C19 изоферментінің қуатты тежегіші болып табылады. Флуконазол препаратын және CYP2C9, CYP2C19 және CYP3A4 изоферменттерімен метаболизденетін емдік диапазоны тар дәрілік препараттарды бір мезгілде қабылдау кезінде пациенттер мұқият қадағалауда болуы тиіс.

Терфенадин

Флуконазолды тәулігіне кемінде 400 мг дозаларда және терфенадинді бір мезгілде қолдануды қатаң бақылаумен жүргізу қажет.

Қосымша заттар

Флуконазол капсуласының құрамында лактоза бар. Тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге осы дәрілік препаратты қабылдау қарсы көрсетілімді.

Флуконазол капсуласының құрамында 50 мг (натрий мөлшері 0,096 мг) және 150 мг (натрий мөлшері 0,145 мг) шамасына 1 ммоль-ден аз натрий бар, яғни, шын мәнінде, құрамында натрий жоқ.

Келесі дәрілік заттармен бір мезгілде қолдану қарсы көрсетілімді.

Цизаприд

Флуконазол мен цизапридті бір мезгілде қолданғанда жүрек тарапынан жағымсыз құбылыстар, оның ішінде «пируэт» типті полиморфты қарыншалық тахикардия болды. Флуконазолды тәулігіне 1 рет 200 мг дозада және цизапридті тәулігіне 4 рет 20 мг дозада бір мезгілде қабылдау қан плазмасында цизаприд концентрациясының едәуір жоғарылауына және QTc аралығының ұзаруына әкеледі. Флуконазол мен цизапридті бір мезгілде қабылдау қарсы көрсетілімді.

Терфенадин

Флуконазолды 200 мг тәуліктік дозада қолданғанда QTc аралығының ұзаруын анықтау мүмкін болмады. Тәулігіне 400 және 800 мг флуконазолды қолдану кезінде 400 мг/тәулік және одан жоғары дозаларда флуконазолдың терфенадиннің плазмасындағы концентрациясын өзімен бір мезгілде қолданғанда едәуір арттыратыны көрсетілді. Флуконазолды 400 мг және одан көп дозаларда және терфенадинді бір мезгілде қолдану қарсы көрсетілімді. Флуконазолды тәулігіне кемінде 400 мг дозаларда және терфенадинді бір мезгілде қолдануды қатаң бақылаумен жүргізу қажет.

Астемизол

Флуконазолды астемизолмен бір мезгілде қолдану астемизол клиренсін төмендетуі мүмкін. Бұл қан плазмасында астемизол концентрациясының жоғарылауымен қатар жүреді, ол QT аралығының ұзаруына және сирек жағдайларда – пируэт типті полиморфты қарыншалық тахикардия дамуына әкелуі мүмкін. Флуконазол мен астемизолды бір мезгілде қолдану қарсы көрсетілімді.

Пимозид

Флуконазол мен пимозидті бір мезгілде қолдану пимозид метаболизмінің бәсеңдеуіне әкелуі мүмкін. Қан плазмасында пимозид концентрациясының жоғарылауы, өз кезегінде, QT аралығының ұзаруына және сирек жағдайларда – «пируэт» типті полиморфты қарыншалық тахикардия дамуына әкелуі мүмкін. Флуконазол мен пимозидті бір мезгілде қолдану қарсы көрсетілімді.

Хинидин

Флуконазол мен хинидинді бір мезгілде қолдану хинидин метаболизмінің бәсеңдеуіне әкелуі мүмкін. Хинидинді қолдану QT аралығының ұзаруымен және сирек жағдайларда – «пируэт» типті полиморфты қарыншалық тахикардия дамуымен қатар жүреді. Флуконазол мен хинидинді бір мезгілде қолдану қарсы көрсетілімді.

Эритромицин

Флуконазол мен эритромицинді бір мезгілде қолдану кардиоуытты әсерлердің (QT аралығының ұзаруы, «пируэт» типті полиморфты қарыншалық тахикардия) және соның салдарынан жүректен болатын кенет өлім қаупін арттыруы мүмкін. Флуконазол мен эритромицинді бір мезгілде қолдану қарсы көрсетілімді.

Келесі дәрілік заттармен бір мезгілде қолдану ұсынылмайды.

Галофантрин

Флуконазол CYP3A4 изоферментін тежеу әсеріне байланысты қан плазмасында галофантрин концентрациясын арттыруы мүмкін. Флуконазол мен галофантринді бір мезгілде қолдану кардиоуытты әсерлердің (QT аралығының ұзаруы, «пируэт» типті полиморфты қарыншалық тахикардия) және соның салдарынан жүректен болатын кенет өлім қаупін арттыруы мүмкін. Бұл біріктірілімнен аулақ болу керек.

Бір мезгілде қолдану кезінде сақтық шарасын қадағалау керек.

Амиодарон

Флуконазолды амиодаронмен бір мезгілде қолдану QT аралығының ұзаруына әкелуі мүмкін. Флуконазол мен амиодаронды бір мезгілде қолдану қажет болса, әсіресе, флуконазолды жоғары дозаларда (800 мг) тағайындағанда сақ болу керек.

Әріқарай тізбеленген дәрілік заттармен бір мезгілде қолдану сақ болуды және дозаны түзетуді талап етеді

Басқа дәрілік заттардың флуконазолға әсері

Рифампицин

Флуконазол мен рифампицинді бір мезгілде қолдану флуконазолдың концентрация-уақыт қисығы астындағы ауданының (AUC) 25% азаюына және оның жартылай шығарылу кезеңінің 20% қысқаруына әкеледі. Рифампицинді бір мезгілде қабылдап жүрген пациенттерде флуконазол дозасын арттырудың мақсатқа сай болуын қарастыру қажет.

Флуконазолды тамақ, циметидин, антацидтермен бір мезгілде немесе денені түгел сәулелеуден соң ішке қабылдағанда сүйек кемігін трансплантациялауға дайындық кезінде флуконазол сіңуінің клиникалық мәнді бұзылуы болмайды.

Гидрохлоротиазид

Гидрохлоротиазид пен флуконазолды бір мезгілде бірнеше рет қабылдау қан плазмасында флуконазол концентрациясының 40% артуына алып келді. Осылай ықпал ету дәрежесі бір мезгілде диуретиктер қабылдап жүрген пациенттерде флуконазолды дозалау режимін өзгертуді талап етпейді.

Флуконазолдың басқа дәрілік заттарға әсері

Флуконазол – Р450 (CYP) 2C9 және 3A4 цитохромы изоферменттерінің орташа тежегіші. Флуконазол, сонымен бірге, CYP2C19 изоферментінің қуатты тежегіші болып табылады. Төменде атап көрсетілген бақыланатын/дәлелденген өзара әрекеттесулерден тыс, флуконазолмен бір мезгілде қолдану кезінде CYP2C9, CYP2C19 және CYP3A4 изоферменттерімен метаболизденетін басқа қосылыстардың қан плазмасындағы концентрациясының жоғарылау қаупі бар. Осылайша, бұл біріктірілімдерді қолдану кезінде сақ болу керек, ал пациенттер мұқият қадағалауда болуы тиіс. Флуконазолдың ферменттерді тежеу әсері ұзаққа созылатын жартылай шығарылу кезеңіне байланысты оны қабылдауды тоқтатудан кейін 4-5 күн бойы сақталады.

Алфентанил

Флуконазолды (400 мг) бір мезгілде қабылдау және алфентанилді (20 мкг/кг) вена ішіне енгізу кезінде CYP3A4 тежелуіне байланысты, ықтималды түрде, алфентанил AUC10 2 есе ұлғайды. Алфентанил дозасын түзету қажет болуы мүмкін.

Амитриптилин, нортриптилин

Флуконазол амитриптилин мен нортриптилиннің әсерін күшейтеді. Біріктірілген емнің басында және бір апта өткенде 5-нортриптилин және/немесе S-амитриптилин концентрациясын анықтауға болады. Қажет болса, амитриптилин/нортриптилин дозасын түзету керек.

Амфотерицин В

Флуконазол мен амфотерицин В бір мезгілде қолданғанда C. albicans туғызған жүйелі инфекцияларда зеңге қарсы аздаған аддитивті әсері, Cryptococcus neoformans туғызған бассүйекішілік инфекция кезінде өзара әрекеттесуінің болмауы және Aspergillus fumigatus туғызған жүйелі инфекция кезінде екі препарат антагонизмі білінді. Осы зерттеулер нәтижелерінің клиникалық мәні анық емес.

Антикоагулянттар

Азол қатарындағы басқа зеңге қарсы препараттарды қолдану кезіндегі сияқты, бір мезгілде флуконазол мен варфарин алатын пациенттерде протромбин уақытының ұзаруына байланысты қан кетулер (қанталау, мұрыннан, асқазан-ішектен қан кету, гематурия және мелена) байқалды. Флуконазол мен варфаринді бір мезгілде қолдану кезінде протромбин уақыты варфаринді метаболиздейтін CYP2C9 изоферментінің тежелуіне байланысты, ықтималды түрде, 2 есе ұзарды. Флуконазолмен бір мезгілде кумарин немесе индандион қатарының антикоагулянттарын алатын пациенттерде протромбин уақытын мұқият бақылап отыру қажет. Антикоагулянттар дозасын түзету қажет болуы мүмкін.

Бензодиазепиндер (қысқа әсер ететін), мысалы, мидазолам, триазолам Мидазоламды ішке қабылдаудан кейін флуконазол мидазолам концентрациясын және оның психомоторлық әсерлерін едәуір арттырды. Флуконазолды 200 мг дозада және мидазоламды 7,5 мг дозада бір мезгілде ішке қабылдағанда мидазолам AUC және жартылай шығарылу кезеңі, тиісінше, 3,7 және 2,2 есе ұлғаяды. Флуконазолды тәулігіне 200 мг дозада және триазоламды 0,25 мг дозада бір мезгілде ішке қабылдағанда триазолам AUC және жартылай шығарылу кезеңі, тиісінше, 4,4 және 2,3 есе ұлғаяды. Флуконазолмен бір мезгілде қолданғанда триазолам әсерінің көтермеленуі және әсер ету ұзақтығының артуы байқалады. Флуконазол қабылдап жүрген пациенттерде бензодиазепиндермен емдеу қажет болса, бензодиазепиндер дозасын төмендетудің мақсатқа сай болуын қарастыру қажет. Пациенттер мұқият қадағалауда болуы тиіс.

Карбамазепин

Флуконазол карбамазепин метаболизмін тежейді және қан сарысуында оның концентрациясын 30% арттырады. Карбамазепиннің уытты әсерінің даму қаупі бар. Карбамазепин дозасын оның концентрациясы/әсер ету шамасына қарай түзету қажет болуы мүмкін.

Кальций өзекшелерінің блокаторлары

Кальций өзекшелерінің кейбір антагонистері (нифедипин, израдипин, амлодипин, верапамил және фелодипин) CYP3A4 изоферментімен метаболизденеді. Флуконазол кальций өзекшелері антагонистерінің жүйелі концентрациясын арттыруы мүмкін. Жағымсыз құбылыстарды дер мезгілінде анықтау үшін жүйелі бақылау ұсынылады.

Целекоксиб

Флуконазол (тәулігіне 200 мг) және целекоксибті (200 мг) бір мезгілде қабылдағанда қан плазмасында целекоксибтің ең жоғары концентрациясы (Cmax) және AUC, тиісінше, 68% және 134% артты. Флуконазолмен бір мезгілде қолданғанда целекоксиб дозасын екі есе төмендету қажет болуы мүмкін.

Циклофосфамид

Циклофосфамид және флуконазолмен біріктірілген ем қан сарысуында билирубин және креатинин концентрациясының жоғарылауына әкеледі. Бұл біріктірілімді қан сарысуында билирубин мен креатинин концентрациясының жоғарылау қаупін ескере отырып, қолдануға болады.

Фентанил

Фентанилдің флуконазолмен болжамды әрекеттесуі салдарынан фентанилмен улануға байланысты бір өліммен аяқталу оқиғасы тіркелді. Одан өзге, флуконазол фентанилдің шығарылуын едәуір баяулататыны көрсетілді. Фентанил концентрациясының жоғарылауы тыныс тарылуына әкелуі мүмкін. Тыныс алу функциясының ықтималды бәсеңдеу қаупіне байланысты пациенттер мұқият қадағалауда болуы тиіс. Фентанил дозасын түзету қажет болуы мүмкін.

ГМГ-КоА-редуктаза тежегіштері

Флуконазолды CYP3A4 (аторвастатин және симвастатин) немесе CYP2C9 (флувастатин) изоферментімен метаболизденетін ГМГ-КоА-редуктаза тежегіштерімен бір мезгілде қолданғанда миопатия мен рабдомиолиз даму қаупі артады. Біріктірілген ем қажет болса, пациенттер миопатия және рабдомиолиз симптомдарын анықтау мақсатында қадағалауда болуы тиіс; сондай-ақ креатинфосфокиназа белсенділігін бақылап отыру қажет. Креатинфосфокиназа белсенділігінің айқын жоғарылауы немесе расталған/болжамды миопатия/рабдомиолиз диагнозы кезінде ГМГ-КоА-редуктаза тежегіштерімен емді тоқтату қажет.

Ибрутиниб

Флуконазол сияқты CYP3A4 изоферментінің орташа тежегіштері қан плазмасында ибрутиниб концентрациясын жоғарылатады және уытты әсерлерінің даму қаупін арттыруы мүмкін. Егер осы препараттарды біріктіріп қолдану қатаң түрде қажет болса, тежегішті қабылдау кезеңінде ибрутиниб дозасын тәулігіне 1 рет 280 мг дейін (2 капсула) төмендету және пациенттің клиникалық жай-күйін қатаң бақылауды қамтамасыз ету керек.

Ивакафтор

Муковисцидоз (CFTR) кезінде жарғақша аралық өткізгіштік реттегішінің стимуляторы - ивакафтормен бір мезгілде қолдану ивакафтордың жүйелі концентрациясын 3 есе, ал гидроксиметиливакафторда (М1) 1,9 есе арттырады. Флуконазол және эритромицин сияқты CYP3A изоферментінің орташа тежегіштерін бір мезгілде қабылдайтын пациенттерге ивакафтор дозасын тәулігіне 1 рет 150 мг дейін төмендету ұсынылады.

Олапариб

Флуконазол сияқты CYP3A4 изоферментінің орташа тежегіштері қан плазмасында олапариб концентрациясын арттырады; бір мезгілде қолдану ұсынылмайды. Егер біріктіріп қолдану аса қажет болса, олапариб дозасын тәулігіне 2 рет 200 мг дейін төмендету керек.

Толваптан

Толваптан, СYР3А4 субстратын және флуконазол, СYР3А4 орташа тежегішін бірге қолданғанда толваптан экспозициясы елеулі ұлғаяды (AUC 200%, Сmах 80%). Осы орайда, атап айтқанда, жоғары диурез, дегидратация және жедел бүйрек жеткіліксіздігі сияқты жағымсыз құбылыстардың даму жиілігінің елеулі арту қаупі бар. Аталған препараттарды бір мезгілде қолданғанда толваптан дозасын азайту және пациенттің жай-күйін мұқият қадағалау керек.

Иммунодепрессанттар (яғни циклоспорин, эверолимус, сиролимус және такролимус):

Циклоспорин

Флуконазол циклоспорин концентрациясын және AUC мәнін едәуір арттырады. Флуконазолды тәулігіне 200 мг дозада және циклоспоринді (2,7 мг/кг/тәулік) бір мезгілде қолдану кезеңінде циклоспорин AUC 1,8 есе ұлғайды. Осындай біріктірілімді, егер циклоспорин дозасын оның концентрациясына байланысты төмендетсе, қолдануға болады.

Эверолимус

Флуконазол CYP3A4 изоферментін тежеу есебінен қан сарысуында эверолимус концентрациясын арттыруы мүмкін.

Сиролимус

Флуконазол CYP3A4 изоферменті мен Р-гликопротеин тежелісіне байланысты сиролимус метаболизмін бәсеңдетіп, жорамалды түрде, қан плазмасында сиролимус концентрациясын арттырады. Бұл біріктірілімді оның әсеріне/концентрациясына байланысты сиролимус дозасын түзетуден кейін қолдануға болады.

Такролимус

Флуконазол ішекте такролимус метаболизмін қамтамасыз ететін CYP3A4 изоферментінің бәсеңдеуіне байланысты ішке қабылданатын такролимустың сарысулық концентрациясын 5 есе арттыруы мүмкін. Такролимус вена ішіне енгізілгенде маңызды фармакокинетикалық өзгерістер байқалмады. Такролимус концентрациясының жоғарылауы нефроуытты әсерге әкелуі мүмкін. Ішке қабылдау үшін такролимус дозасын оның концентрациясына байланысты төмендету қажет.

Лозартан

Флуконазол лозартанның өзінің белсенді метаболитіне (E-31 74) трансформациялануын бәсеңдетеді, бұл ангиотензин II рецепторларына антагонизммен байланысты әсерлердің басым бөлігінің дамуы себебінен болады. Пациенттерде артериялық қысымды жүйелі бақылап отыру қажет.

Метадон

Флуконазол қан сарысуында метадон концентрациясын жоғарылатуы мүмкін. Метадон дозасын түзету қажет болуы мүмкін.

Қабынуға қарсы стероидты емес препараттар

Монотерапия түрінде қолданумен салыстырғанда, флуконазолмен бір мезгілде қабылдағанда флурбипрофен Cmax және AUC, тиісінше, 23% және 81% артты. Сол сияқты, фармакологиялық белсенді изомердің Cmax және AUC [S-(+)-ибупрофен] мәндері флуконазолды рацемиялық ибупрофенмен (400 мг) бір мезгілде қабылдағанда, тиісінше, 15% және 82% артты.

Флуконазол CYP2C9 изоферментімен метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелі концентрацияларын арттыруы мүмкін. ҚҚСП жағымсыз құбылыстары мен уыттылығын жүйелі бақылау ұсынылады. ҚҚСП дозасын түзету қажет болуы мүмкін.

Фенитоин

Флуконазол бауырда фенитоин метаболизмін бәсеңдетеді. Флуконазолды 200 мг дозада және фенитоинді 250 мг дозада вена ішіне бір мезгілде көп рет қолдану фенитоин AUC24 мәнінің 75%, ал ең төменгі концентрациясының 128% артуын тудырды. Бір мезгілде қолданғанда фенитоиннің уытты әсерін болдырмау үшін қан сарысуында фенитоин концентрациясын бақылап отыру қажет.

Преднизолон

Флуконазолмен үш айлық емді тоқтатудан кейін преднизолон қабылдаған бауыр трансплантациясынан кейінгі пациентте бүйрек үсті бездері қыртысының жедел жеткіліксіздігінің жағдайы сипатталды. Болжамды түрде, флуконазолды тоқтату CYP3A4 изоферменті белсенділігінің жоғарылауын туындатты, бұл преднизолон метаболизмінің күшеюіне әкелді. Флуконазол және преднизолонмен ұзақ уақыт ем алып жүрген пациенттер флуконазолды тоқтату кезінде бүйрек үсті бездерінің қыртысы жеткіліксіздігінің белгілерін анықтау мақсатында мұқият қадағалауда болуы тиіс.

Рифабутин

Флуконазол қан сарысуында рифабутин концентрациясын жоғарылатып, рифабутин AUC 80% артуына алып келеді. Флуконазол мен рифабутинді бір мезгілде қабылдаған пациенттерде увеит дамуы туралы хабарламалар бар. Біріктірілген ем жүргізгенде рифабутиннің уыттылық симптомдарын қадағалап отыру қажет.

Саквинавир

Флуконазол CYP3A4 изоферментімен жүзеге асатын бауырдағы саквинавир метаболизмінің бәсеңдеуіне және Р-гликопротеин тежелуіне байланысты саквинавир AUC және Cmax мәндерін шамамен 50% және 55% арттырады. Саквинавир/ритонавирмен өзара әрекеттесу сипатталмаған және аса айқын болуы мүмкін. Саквинавир дозасын түзету қажет болуы мүмкін.

Сульфонилмочевина препараттары

Флуконазол ішке қабылдауға арналған сульфонилмочевина препараттарының (мысалы, хлорпропамид, глибенкламид, глипизид, толубутамид) жартылай шығарылу кезеңін ұзартады. Флуконазолмен бір мезгілде қолданғанда қан глюкозасының деңгейін жүйелі бақылау және сульфонилмочевина препараттарының дозасын тиісінше төмендету ұсынылады.

Теофиллин

Флуконазолды 200 мг дозада 14 күн бойы қабылдау теофиллиннің плазмалық клиренсінің орташа жылдамдығының 18% төмендеуіне әкелді. Теофиллинді жоғары дозаларда алатын немесе теофиллиннің уытты әсерінің даму қаупі жоғары пациенттер флуконазолды қабылдау аясында теофиллиннің уыттылық белгілерін анықтау үшін қадағалауда болуы тиіс. Уытты әсер ету белгілері дамығанда емді түзету қажет.

Тофацитиниб

Тофацитинибтің жүйелі концентрациясы тофацитинибті CYP3A4 изоферментінің орташа тежегіштері және CYP2C19 изоферментінің қуатты тежегіштері болып табылатын препараттармен (мысалы, флуконазол) бір мезгілде қолданғанда артады. Осылайша, егер ол осындай препараттармен бір мезгілде қолданылса, тофацитиниб дозасын тәулігіне 1 рет 5 мг дейін төмендету ұсынылады.

Қабіршөп алкалоидтары

Флуконазол қан плазмасында қабіршөп алкалоидтарының (мысалы, винкристин және винбластин) концентрациясын жоғарылатуы және CYP3A4 изоферментінің тежелуіне байланысты болуы ықтимал нейроуыттылық белгілерінің дамуына әкелуі мүмкін.

Педиатрияда қолдану

Флуконазол препаратын балалар мен 18 жасқа дейінгі жасөспірімдерде қолдану қарсы көрсетілімді.