Таразе қаласындағы ДК-Мерц 500 Мл №2 Құтылар | Б.БраунМедикал

- Паркинсон ауруы, паркинсонизм синдромы (акинетикалық криз, күрделі декомпенсация)

- комаға түсу жағдайынан кейін жіті байқағыштық (белсенділік) қабілеттің бұзылуы

PK-Merz инфузиясы егер, пациентте төмендегі жағдайлар бар болса, қолдануға болмайды:

- амантадинге немесе қосымша заттардың кез келгеніне аса жоғары сезімталдық

- жүректің іркілген ауыр жеткіліксіздігі (Нью-Йорк Кардиологиялық Ассоциациясының шкаласы бойынша ІV класс),

- кардиомиопатия немесе миокардит

- ІІ және ІІІ дәрежедегі атриовентрикулярлық блокада

- жүректің жиырылу жиілігі минутына 55 реттен аз болатын брадикардия

- QT аралығының ұзақтығы 420 мс-тен асу (Базетт бойынша QTc > 420 мс), немесе айқын U-толқын немесе отбасылық анамнезде туабітті QT синдромының болуы

- torsade de pointes қоса алғанда, анамнезде қарыншаның күрделі аритмиясының болуы

- будипинмен немесе QT аралығын ұзартатын өзге де препараттармен бір мезгілде емдеу

- қан құрамында калий немесе магний мөлшерінің азаюы

- жүктілік және бала емізу кезеңі

- 18 жасқа дейінгі балалар

ПK-Merz инфузиясын төмендегі жағдайлар кезінде қолданбаған жөн:

- күрделі бүйрек жеткіліксіздігі (креатинин клиренсі минутына 10 мл аз)

ПК-Мерц инфузиясы егер пациентте мына жағдайлар болатын болса, аса сақтықпен қолданылуы мүмкін:

- қуық асты безінің ұлғаюы

- жабық бұрышты глаукома

- бүйрек қызметінің жеткіліксіздігі (ауырлықтың түрлі деңгейі; бүйректің сүзу қызметінің нашарлауына байланысты уытты заттардың жиналу қаупі

- ақыл-естің шатасуы немесе қозу жағдайы

- анамнезде көзге елестер көрініп, сандырақтау синдромы немесе экзогендік (сыртқы факторлық) психоздың болуы

- мемантинмен бір мезгілде емдеу.

Амантадинді QT аралығын ұзартатын препараттармен, атап айтқанда мыналармен бір мезгілде қолдануға болмайды:

- аритмияға қарсы ІА класына жататын (мысалы, кинидин, дизопирамид, прокаинамид) және ІІІ класқа жататын кейбір препараттар (мысалы, амиодарон және соталол)

- кейбір психозға қарсы препараттар (мысалы, тиоридазин, хлорпромазин, пимозид)

- кейбір трициклді және тетрациклді депрессияға қарсы дәрілер (мысалы, амитриптилин)

- кейбір гистаминге қарсы препараттар (мысалы, астемиозол, терфенадин)

- кейбір макролидтік антибиотиктер (мысалы, эритромицин, кларитромицин)

- кейбір гираза тежегіштері (мысалы, спарфлоксацин)

- азолдар тобына жататын зеңге қарсы дәрілер және басқа да препараттар, атап айтқанда бидупин, галофантрин және ко-тримоксазол, пентамидин, цизаприд және бепридил.

Триамтерен/гидрохлортиазид біріктірілімі болып табылатын несеп айдайтын дәрілерді бір мезгілде қабылдау амантадиннің плазмадағы концентрациясының артуына әкеп соқтыруы мүмкін.

Паркинсон ауруына қарсы басқа препараттармен, мысалы леводопа, бромокриптин, мемантин, тригексифенидилмен бір мезгілде қабылдаған кезде жағымсыз зардаптарға, атап айтқанда психоздық реакцияларға жол бермеу үшін бір мезгілде қабылданатын препараттың, не болмаса екі препараттың да дозасын төмендету қажет.

Антихолинергиялық дәрілер, симпатикалық ынталандыру заттары және мемантин жағымсыз әсерлерді күшейтеді.

Орталық жүйке жүйесін белсендіретін дәрілер (оның ішінде психиканы ынталандыратын дәрілер), этанол жағымсыз әсерлердің даму қаупін арттырады.

Арнайы ескертулер

Қабылдауды бастамас бұрын, сондай-ақ 1 және 3 апталық емдеуден кейін ЭКГ (50 мм/с) бақылауы қажет. Bazett формуласы бойынша QT (QTc) түзетілген шамасы қолмен есептеп анықталады. Бұл ЭКГ дозаны әрбір келесі арттыру алдында және одан кейінгі 2 аптадан кейін жүргізу қажет. Бұдан әрі ЭКГ тұрақты бақылануы тиіс. Егер, QTс бастапқы мәні 420 мс-тен асатын болса, емдеу кезінде QT 60 мс-тен асып ұлғайған кезде немесе QTc мәні 480 мс-тен артық болса, сондай-ақ ЭКГ-да U толқындары көрінетін пациенттерде амантадин қабылдауды бастауға болмайды немесе тоқтату керек.

Зәр айдайтын препараттар пайдалану немесе жиі құсу және/немесе іш өту нәтижесінде болған электролиттік үйлесімсіздік қаупі бар пациенттер, шұғыл (ургенттік) жағдайларда инсулин қабылдайтын пациенттер, бүйрек немесе анорексия аурулары бар пациенттер зертханалық көрсеткіштер бақылауы және электролиттерді, әсіресе калий мен магнийді қалыпты деңгейге дейін толықтыру бойынша тексерістен өтуі тиіс.

Жүрек соғуының жиілеуі, бас айналу немесе естен тану сияқты симптомдар туындаған жағдайда, ПК-Мерц инфузиясын дереу тоқтату және QT аралығының ұзаруына 24 сағат бойы науқасты бақылау қажет. Егер, QT аралығының ұзаруы орын алмаса, қарсы көрсетілімдері мен өзара әрекеттесулерін ескере отырып, дәрілік затты қабылдауды қалпына келтіру туралы мәселені қарастыруға болады.

Электрлік кардиостимуляторы бар пациенттерде QT уақытын дәл анықтау мүмкін емес, сондықтан ПК-Мерц инфузиялық емін тағайындау туралы шешімді кардиологпен кеңескеннен кейін әр пациентке жекелей қабылдау керек.

А вирусынан туындаған тұмаудың алдын алу және емдеу үшін амантадинді қосымша енгізу ұсынылмайды, өйткені артық дозалану қаупі туындауы мүмкін.

Бір мезгілде нейролептиктер мен ПК-Мерц инфузиясына арналған ерітіндіні қабылдайтын пациенттер, ПК-Мерц препараты кенеттен тоқтатылған жағдайда қатерлі нейролептикалық синдромының даму қаупіне ұшырайды.

Бүйрек жеткіліксіздігі бар пациенттерде уыттану процесі дамуы мүмкін.

Бас миының органикалық аурулары бар пациенттерге немесе анамнезінде құрысу синдромы бар пациенттерге инфузияға арналған ерітіндіні тағайындаған кезде, құрысу ұстамаларының дамуы немесе жекелеген симптомдардың күшею қаупі бар болғандықтан аса сақ болу қажет.

Белгілі жүрек-қантамыр ауруы бар пациенттер инфузияның көмегімен жалғаспалы ем алу кезінде тұрақты медициналық бақылауда болуы тиіс.
Жүректің соғуы, бас айналу немесе естен тану сияқты симптомдар пайда болғанда, амантадинді енгізуді тоқтатыңыз және 24 сағат ішінде QT ұзаруы мүмкіндігіне пациентті тексеріп қараңыз. QT аралығының ұзаруы орын алмаса, қарсы көрсетілімдер мен өзара әрекеттесулерін ескере отырып, амантадинді қайта қолдануға болады.

Паркинсон ауруы бар пациенттерде қан қысымының төмендеуі, сілекей ағу, тершеңдік, дене температурасының көтерілуі, жылудың жиналуы, денедегі сұйықтықтың тұрып қалуы және депрессия сияқты клиникалық симптомдар жиі байқалады. Мұндай пациенттерде ПК-Мерц препаратының өзара әрекеттестігі мен жағымсыз әсерлеріне қажетті назар аударып отырған жөн.

Көздің көруінің бұлдырауы немесе көзге байланысты өзге де мәселелер туындаған жағдайда, көздің мүйізгек /қасаң/ қабығының ісіп кетпеуін болдырмау үшін көз дәрігеріне (офтальмолог) көріну керек. Көздің қасаң қабығында ісіктің бар екені туралы диагноз қойылса, онда амантадинмен емдеуді тоқтату қажет.

Егер, пациенттерде зәр шығару мәселесі орын алса, дәрігерден кеңес алуы тиіс.

Инфузияға арналған 500 мл ерітінді бар инфузиялық құтыда 77 ммоль натрий (1770 мг натрий) бар. Мұны құрамында натрий мөлшері төмен диета ұстап жүрген адамдар назарға алуы тиіс.

Импульстік бақылаудың бұзылуы

Пациенттер импульстік бақылау бұзылуының дамуына үнемі бақыланып отыруы тиіс. Пациенттер және оларға күтім жасайтын адамдар импульстік бақылау бұзылуының мінез-құлық симптомдары, оның ішінде ПК-Мерц инфузиясына арналған ерітіндіні қоса алғанда, дофаминергиялық препараттармен емделіп жүрген пациенттерде құмар ойындарға тәуелділік, жоғары либидо, гиперсексуалдылық, компульсивті жұмсалатын шығындар немесе сатып алулар, сондай-ақ тамақты шектен тыс көп жеу және компульсивті тамақтану пайда болуы мүмкін екендігінен хабардар болуы керек. Осы симптомдар пайда болса, препаратты қабылдау дозасын азайту мүмкіндігін немесе дозаны біртіндеп тоқтату мәселесін қарастыру қажет.

Балаларға қолдану

Мәліметтердің болмауына байланысты, 18 жасқа дейінгі балаларға қолданылмайды.

Ұрықтану

Мәліметтер жоқ.

Жүктілік
Жүкті әйелдерде амантадинді қолдану тәжірибесі жеткіліксіз. Кейбір жағдайларда дені сау балалардың туылғаны туралы, бірақ, мұнымен қатар, жүктіліктің асқынуы және туабітті ақаулары (жүрек-тамыр ақаулары, аяқ-қолдарының ауытқуы) бар бес жағдай туралы хабарлама бар. Жануарларға жүргізілген зерттеулерде амантадиннің эмбриоуытты және тератогенді болып табылатыны көрсетілді.

Адам үшін орын алуы мүмкін қаупі белгісіз.

Сондықтан, жүктілік кезінде амантадин тек өте қажет жағдайда ғана қолданылуы мүмкін. Егер, терапия жүктіліктің 1-ші триместрінде өткізілсе, онда ультрадыбыстық зерттеу жүргізу қажет.

Егер, амантадин бала туу қабілеті бар әйелге тағайындалатын болса, онда пациентке егер, ол балалы болғысы келсе немесе аяғы ауыр екенін білген жағдайда, шұғыл түрде дәрігермен хабарласу қажеттігі туралы нұсқауық жүргізілу керек.

Бала емізу

Амантадин емшек сүтіне түседі. Егер емшекпен емізу міндетті болса, нәресте дәрінің орын алуы мүмкін реакциялары (тері бөртпесі, несептің іркілуі, құсу) бойынша бақылауда болуы тиіс. Препаратты бала емізу кезеңінде қолдану қажет болған жағдайда, бала емізуді тоқтату туралы мәселені шешіп алу керек.

Көлік түрлерін және осыған ұқсас қауіпті механизмдерді басқару қабілетіне әсері

Жұмыс кезінде көлік жүргізушілері және жоғары зейін қоюды талап ететін мамандықтағы адамдар сақтықпен қолдану керек.

500 мл-ден бекітуге арналған арнайы бейімдегішпен жабдықталған тығыздығы төмен полиэтиленнен жасалған құтыда. Құты тығыздығы жоғары полиэтиленнен жасалған қосарлы қақпақпен герметикалық жабылған. Қақпақтың жоғарғы бөлігінде алюминий фольга салынған.

2 құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.

25 С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Құты ашылғаннан кейін сақтау мерзімі 24 сағат

Жарамдылық мерзімі өткеннен кейін қолдануға болмайды.

Сақтау шарттары

25 С-ден аспайтын температурада сақтау керек.

Балалардың қолы жетпейтін жерде сақтау керек!