Уральске қаласындағы Буфомикс Изихейлер Ингаляцияға Арналған Ұнтақ 320 Мкг / 9 Мкг 60 Доза | Орион Корпорейшн

Бронх демікпесі

Буфомикс Изихейлер 320 мкг/9 мкг біріктірілімін (ингаляциялық кортикостероидтарды және ұзақ әсер ететін β2-адренорецепторлардың агонистерін) пайдалану орынды саналған жағдайда бронх демікпесін ұдайы емдеу үшін қолданылады:

- «қажеттілігіне қарай» ингаляциялық кортикостероидтар және қысқа мерзімдік әсер ететін β2-адренорецептор агонистері жәрдемімен талапқа сай бақылауға қол жеткізе алмаған пациенттерде,

немесе

- ингаляциялық кортикостероидтарды да, сонымен қатар ұзақ әсер ететін β2-адренорецепторлар агонистерін де қолданған кезде талапқа сай бақылауға қол жеткізген пациенттерде.

Өкпенің созылмалы обструкциялық ауруы (ӨСОА)

Буфомикс Изихейлер препараты 18 жастағы және одан үлкен ересектер үшін, анамнезінде өршуі қайталаған ӨСОА бар (1 с ішінде қарқынды дем шығару көлемі есептелген қалыпты шаманың <70%-ы болатын), ұзақ әсер ететін бронходилататорлармен ұдайы емдеуге қарамастан, елеулі симптомдары қалған пациенттерді симптоматикалық емдеу үшін көрсетілген.

Дозалау режимі

Бронх демікпесі

Буфомикс Изихейлер бронх демікпесінің бастапқы еміне арналмаған. Буфомикс Изихейлер препаратының компоненттері әр адамға жекелей дозаланады және оны аурудың ауырлығына қарай түзету керек. Мұны препарат біріктірілімімен емдеуді бастағанда ғана емес, сонымен қатар демеуші дозаны түзеткенде де ескеру керек. Егер жеке пациент ингалятордағы біріктірілімнен айырмашылықтары бар дозалар біріктірілімін керек етсе, жекелеген ингаляторлардағы β2-адренорецепторлар агонистерінің және/немесе кортикостероидтардың тиісті дозаларын жазып беру керек.

Ұсынылатын дозалар:

Ересектер (18 жас және одан үлкен): тәулігіне екі рет 1 ингаляция. Кейбір пациенттерге тәулігіне 2 ингаляция (ең жоғары доза) қажет болуы мүмкін.

Жасөспірімдер (12–17 жас): тәулігіне екі рет 1 ингаляция.

Дозаны ең төмен дозаға дейін титрлеу керек, онда симптомдарды тиімді бақылау қамтамасыз етіледі. Дәрігер жазып берген Буфомикс Изихейлер препаратының дозасы оңтайлы болуы үшін пациент медицина маманында ұдайы тексерілуден өтуі тиіс. Ұсынылатын ең төмен доза симптомдарды ұзақ уақыт бақылауға мүмкіндік берген жағдайда, келесі қадам бір ингаляциялық кортикостероидтың сынағын ғана қамтуы мүмкін.

Әдеттегі іс тәжірибеде, тәулігіне екі реттік режимде симптомдарды бақылауға қол жеткізген жағдайда, тиімді ең төмен дозаға дейін титрлеу Буфомикс Изихейлер препаратын тәулігіне бір рет қолдануды қамтуы мүмкін, препаратты жазып берген медицина маманының пікірі бойынша, бақылауды демеу үшін ингаляциялық кортикостероидтармен біріктірілген, ұзақ әсер ететін бронходилататор керек болады.

Тез әсер ететін жекелей бронходилататорды пайдаланудың өсуі негізгі аурудың нашарлағанын айғақтайды және бронх демікпесін емдеуді қайта қарау қажеттілігін көрсетеді.

Балалар (6 жас және одан үлкен): 6-дан 11 жасқа дейінгі балалар үшін Буфомикс Изихейлер препаратының төменірек дозасы (80 мкг / 4,5 мкг / ингаляция) қолайлы.

6 жасқа дейінгі балалар: шектеулі ғана деректер бар болғандықтан, Буфомикс Изихейлер препараты 6 жастан кіші балалар үшін ұсынылмайды.

Буфомикс Изихейлер препаратының 320 мкг / 9 мкг демеуші ем ретінде ғана пайдалану керек. Демеуші және жеңілдетуші емдеу режимі үшін азғантай дозалар (160 мкг / 4,5 мкг / және 80 мкг / 4,5 мкг / ингаляция) қолайлы.

Буфомикс Изихейлер препаратын пайдаланып қол жеткізу мүмкін емес дозалар жағдайында, будесонид/формотерол біріктірілімі бар дәрілік заттардың басқа да дозаланулары жеткілікті.

Өкпенің созылмалы обструкциялық ауруы (ӨСОА)

Ұсынылатын дозалар:

Ересектер: тәулігіне екі рет 1 ингаляция.

Пациенттердің ерекше топтары:

Егде жастағы пациенттер үшін ерекше талаптар жоқ. Буфомикс Изихейлер препаратын бауыр немесе бүйрек функциясының жеткіліксіздігі бар пациенттерге қолдану туралы деректер жоқ. Будесонид және формотерол көбіне организмнен бауыр метаболизмі арқылы шығарылатын болғандықтан, бауыр циррозының ауыр дәрежесі бар науқастарда әсерінің жоғарылайтынын күтуге болады.

Енгізу әдісі және жолы

Ингаляциялық