Уральске қаласындағы Декстанол Таблеткалары 25 Мг №10 | Нобел Алматинская Фармацевтическая Фабрика

Бір таблетканың құрамында: белсенді зат –36.90 мг декскетопрофен трометамолы (25 мг декскетопрофенге баламалы);

қосымша заттар: микрокристалды целлюлоза РН 101, микрокристалды целлюлоза РН 102, құрғатылмаған жүгері крахмалы, натрий крахмалы гликоляты А типі, глицерол дибегенат (Kompritol 888 ATO);

қабықтың құрамы Opadry® кв White: поливинилді спирт және полиэтиленгликоль сополимері, коповидон (Колидон VA 64), титанның қостотығы (Е171), каолин, натрий лаурилсульфаты.

Бұлшықет-қаңқа ауыруы, ауырсынумен жүретін етеккірлер, тіс ауыруы сияқты қарқындылығы жеңіл және орташа ауыруды симптоматикалық емдеуде.

ДЕКСТАНОЛ таблеткалар препаратын келесі жағдайларда қолдануға болмайды:

- әсер етуші затқа, кез келген басқа да ҚҚСП-ға немесе қосымша заттардың кез келгеніне аса жоғары сезімталдық

- егер әсері ұқсас заттар (мысалы, ацетилсалицил қышқылы және басқа қабынуға қарсы стероидты емес препараттар) демікпе ұстамаларының, бронх түйілуінің, жедел риниттің дамуына түрткі болса немесе мұрын полиптерінің дамуын, есекжемнің немесе ангионевроздық ісінудің дамуын туғызса

- кетопрофенмен немесе фибраттармен емдеу кезіндегі фотоаллергиялық немесе фотоуытты реакциялар дамуы мүмкін пациенттерге

- анамнезінде алдыңғы ҚҚСП емімен байланысты асқазан-ішектен қан кету немесе перфорация бар пациенттерге

- белсенді пептикалық ойық жарасы/асқазан-ішектен қан кету немесе анамнезінде асқазан-ішектен қан кету, ойық жарасы немесе перфорациясы бар пациенттерге

- созылмалы диспепсиясы бар пациенттерге

- белсенді фазада қан кетуі немесе жоғары қан кетуі бар пациенттерге

- Крон ауруы, ойық жаралы колиті бар пациенттерге

- ауыр жүрек жеткіліксіздігі бар пациенттерге

- орташа немесе ауыр дәрежедегі бүйрек функциясы бұзылған пациенттерге (креатинин клиренсі ≤59мл/мин)

- бауыр функциясының ауыр бұзылыстары бар пациенттерге (Чайлд-Пью шкаласы бойынша 10-15 балл)

- геморрагиялық диатезі және қанның ұюының басқа да бұзылыстары бар пациенттерге

- айқын дегидратациясы бар пациенттерге (құсудан, диареядан немесе сұйықтықты жеткіліксіз тұтынудан туындаған)

- жүктіліктің үшінші триместрі және лактация кезеңі

Анамнезінде аллергиялық жағдайы бар пациенттер сақтықпен қабылдау керек.

ДЕКСТАНОЛ препаратын циклооксигеназа-2 селективті тежегіштерін қоса, басқа ҚҚСП-мен бір мезгілде қолданудан аулақ болу керек.

Жағымсыз әсерлерді симптомдарды бақылау үшін қажетті ең қысқа уақыт ішінде ең төмен тиімді дозаны қолдану арқылы азайтуға болады.

Асқазан-ішек жолына қатысты қауіпсіздік

Өлімге әкелуі мүмкін асқазан-ішектен қан кету, ойық жаралану немесе тесілу барлық ҚҚСП-ны қабылдауда ем кезінде кез келген уақытта, алдын алу симптомдары бар немесе оларсыз немесе анамнезінде ауыр асқазан-ішек оқиғалары болған кезде тіркелген. ДЕКСТАНОЛ алатын пациенттерде асқазан-ішектен қан кету немесе ойық жара пайда болған кезде емдеуді тоқтату керек.

Асқазан-ішектен қан кету, ойық жара немесе тесілу қаупі анамнезінде ойық жарасы бар пациенттерде, әсіресе, егер ол қан кетумен немесе тесілу мен асқынған болса, және егде жастағы адамдарда ҚҚСП дозалары ұлғайған кезде жоғары болады.

Егде жастағы адамдар: егде жастағы адамдарда ҚҚСП-ға жағымсыз реакциялардың, әсіресе өлімге әкелуі мүмкін асқазан-ішек қан кетулерінің және тесілудің жиілігі жоғары. Бұл пациенттер емді ең төмен қолжетімді дозадан бастауы тиіс.

Барлық ҚҚСП жағдайындағыдай, декскетопрофенмен емдеуді бастар алдында келесі аурулардың ремиссия кезеңінде екеніне көз жеткізу үшін анамнезінде эзофагиттің, гастриттің және / немесе ойық жара ауруының болуын анықтау қажет.

Асқазан-ішек симптомдары немесе анамнезінде асқазан-ішек жолы аурулары бар пациенттер ас қорыту бұзылыстарына, әсіресе асқазан-ішектен қан кетулерге бақылауда болуы тиіс.

ҚҚСП-ны анамнезінде асқазан-ішек аурулары (ойық жаралы колит, Крон ауруы) бар пациенттерге сақтықпен тағайындау керек, өйткені олардың жай-күйі өршуі мүмкін.

Бұл пациенттерге протектор-препараттармен (мысалы, мизопростолмен немесе протон сорғысының тежегіштерімен), сондай-ақ төмен дозаларда ацетилсалицил қышқылымен немесе асқазан-ішек қаупін арттыруы мүмкін басқа препараттармен бір мезгілде емдеуді қажет ететін пациенттерге біріктірілген ем жүргізу мүмкіндігін қарастыру керек.

Анамнезінде асқазан-ішек уыттылығы бар пациенттер, әсіресе егде жастағы адамдар, әсіресе емдеудің бастапқы кезеңдерінде іш аумағының кез келген ерекше симптомдары (әсіресе асқазан-ішектен қан кету) туралы хабарлауы тиіс.

Пероральді кортикостероидтар, варфарин сияқты антикоагулянттар, серотонинді кері қармаудың селективті тежегіштері немесе ацетилсалицил қышқылы сияқты антиагреганттар сияқты ойық жара түзілуі немесе қан кету қаупін арттыратын қатар жүретін дәрілерді қабылдаған пациенттерге сақтықпен қарау керек.

Бүйрекке қатысты қауіпсіздік

Бүйрек функциясы бұзылған пациенттерге сақ болу керек. Бұл пациенттерде ҚҚСП қабылдау бүйрек функциясының нашарлауына, сұйықтықтың іркілуіне және ісінуге әкелуі мүмкін. Диуретиктермен ем қабылдайтын пациенттерге немесе гиповолемия дамуы мүмкін адамдарға да сақтық қажет, өйткені нефроуыттылық қаупі жоғары.

Емдеу кезінде сусызданудың алдын алу үшін және осыдан болуы мүмкін бүйректің уыттылығының жоғарылауына байланысты сұйықтықтың жеткілікті мөлшерде тұтынылуын қамтамасыз ету керек.

Барлық ҚҚСП сияқты, ол мочевина азотының және плазмадағы креатинин деңгейін жоғарылатуы мүмкін. Простагландиндер синтезінің басқа тежегіштері сияқты, оны қолдану бүйрек тарапынан гломерулонефритке, интерстициальды нефритке, папиллярлық некрозға, нефроздық синдромға және бүйрек функциясының жедел жеткіліксіздігіне әкелетін жағымсыз әсерлермен бірге жүруі мүмкін.

Егде жастағы пациенттер бүйрек функциясының бұзылуынан жиірек зардап шегеді.

Бауырға қатысты қауіпсіздік

Бауыр функциясы бұзылған пациенттерге сақ болу керек.

Басқа ҚҚСП сияқты, декскетопрофен бауырдың кейбір көрсеткіштерінің уақытша және елеусіз ұлғаюына, сондай-ақ АСТ және АЛТ белсенділігін айтарлықтай өсуін туындатуы мүмкін. Көрсетілген көрсеткіштердің едәуір жоғарылауы кезінде терапияны тоқтату керек.

Егде жастағы пациенттер бауыр функциясының бұзылуына көбірек бейім.

Жүрек-қантамыр жүйесі мен ми қанайналымына қатысты қауіпсіздік

Артериялық гипертензиясы және / немесе ауырлығы жеңіл және орташа дәрежедегі жүрек жеткіліксіздігі бар пациенттерге тиісті мониторинг пен ұсынымдар қажет. Анамнезінде жүрек аурулары бар, атап айтқанда, жүрек функциясы жеткіліксіздігінің алдыңғы эпизодтары бар пациенттерді емдеу кезінде ерекше сақ болу керек – препаратты қолдану аясында жүрек функциясы жеткіліксіздігінің даму қаупі артады, өйткені ҚҚСП емдеу кезінде тіндерде сұйықтықтың іркілуі және ісінудің пайда болуы орын алды.

Клиникалық зерттеулер мен эпидемиологиялық деректер кейбір ҚҚСП (әсіресе жоғары дозаларда және ұзақ емдегенде) пайдалану артериялық тромбоздық оқиғалардың (мысалы, миокард инфарктісі немесе инсульт) шамалы жоғары қаупімен байланысты болуы мүмкін деп болжайды. Декскетопрофен үшін мұндай қауіпті болдырмау үшін деректер жеткіліксіз.

Бақыланбайтын артериялық гипертензиясы, іркілісті жүрек жеткіліксіздігі, жүректің ишемиялық ауруы, шеткері артерия зақымдануы және / немесе цереброваскулярлық бұзылыстары бар пациенттерді емдеуде пайда-қауіп арақатынасын мұқият бағалағаннан кейін ғана декскетопрофенді тағайындау керек. Дәл осындай бағалауды жүрек-қан тамырлары ауруларының (мысалы, гипертензия, гиперлипидемия, қант диабеті, шылым шегу) қауіп факторлары бар пациенттерді неғұрлым ұзақ емдеуді бастар алдында жүргізу қажет.

Барлық селективті емес ҚҚСП тромбоциттер агрегациясын бәсеңдетуі және простагландиндер синтезін тежеу есебінен қан кету уақытын арттыруы мүмкін. Сондықтан варфарин немесе басқа кумариндер немесе гепариндер сияқты гемостазды бұзатын басқа ем қабылдаған пациенттерде декскетопрофенді пайдалану ұсынылмайды.

Егде жастағы пациенттер жүрек-қан тамырлары функциясының бұзылуынан жиі зардап шегеді.

Тері реакциялары

Ауыр тері реакциялары туралы өте сирек хабарланды, олардың кейбіреулері, соның ішінде эксфолиативтік дерматит, Стивенс-Джонсон синдромы және ҚҚСП қолданумен байланысты уытты эпидермалдық некролиз өлімге әкеп соқтырды. Пациенттер емдеу курсының басында осы реакциялардың ең жоғары қаупіне ұшырайды, көп жағдайларда реакцияның басталуы емдеудің бірінші айында болады. ДЕКСТАНОЛ таблеткаларын қабылдауды тері бөртпесі, шырышты қабықтардың зақымдануы немесе аса жоғары сезімталдықтың кез келген басқа белгілері алғаш пайда болған кезде тоқтату керек.

Негізгі инфекциялардың симптомдарын жасыру

Декскетопрофен инфекция симптомдарын бүркемелеуі мүмкін, бұл тиісті емнің басталуын кешіктіруге және сол арқылы инфекцияның нәтижесін нашарлатуға әкелуі мүмкін. Бұл ауруханадан тыс бактериялық пневмонияда және желшешектің бактериялық асқынуларында байқалды. ДЕКСТАНОЛ препаратын инфекцияға байланысты ауырсынуды жеңілдету үшін енгізгенде, инфекцияны бақылау ұсынылады. Ауруханамен байланысты емес жағдайларда, егер симптомдар сақталса немесе нашарласа, пациент дәрігерге қаралу керек.

Ерекше жағдайларда желшешек тері мен жұмсақ тіндердің күрделі инфекциялық асқынуларын тудыруы мүмкін. Бүгінгі күні бұл инфекциялардың өршуіндегі ҚҚСП рөлін жоққа шығаруға болмайды, сондықтан желшешек кезінде ДЕКСТАНОЛ препаратын қолданудан аулақ болу ұсынылады.

Қосымша ақпарат

Пациенттерге келесі жағдайларда ерекше сақ болу қажет:

- порфириндер алмасуының туа біткен бұзылуымен (мысалы, жедел ауыспалы порфирия)

- сусызданумен

- ауқымды хирургиялық араласулардан кейін бірден.

Егер дәрігер декскетопрофенмен ұзақ мерзімді ем қажет деп санаса, бауыр мен бүйректің функциясын, сондай-ақ қан талдауын үнемі тексеріп отыру керек.

Өте сирек жағдайларда аса жоғары сезімталдықтың ауыр реакциялары (мысалы, анафилаксиялық шок) байқалды. ДЕКСТАНОЛ препаратын қабылдағаннан кейін аса жоғары сезімталдықтың ауыр реакцияларының алғашқы белгілерінде емдеуді тоқтату қажет. Симптомдарға байланысты медициналық талап етілетін кез-келген емшараларды денсаулық сақтау саласының мамандары бастауы керек.

Созылмалы ринитпен, созылмалы синуситпен және / немесе мұрын полипозымен бірге демікпесі бар пациенттерде ацетилсалицил қышқылына және / немесе ҚҚСП аллергиясының тұрғындардың басқа бөлігіндегілерге қарағанда жоғары қаупі бар. Бұл дәрілік затты қабылдау, әсіресе ацетилсалицил қышқылы немесе ҚҚСП аллергиясы бар субъектілерде демікпе немесе бронх демікпесі ұстамаларын тудыруы мүмкін.

ДЕКСТАНОЛ препаратын гемопоэтиялық бұзылулардан, жүйелі қызыл жегі немесе дәнекер тіннің аралас ауруларынан зардап шегетін пациенттерге сақтықпен тағайындау керек.

Бұл препараттың бір дозасында натрий мөлшері 1 ммольден (23 мг) кем, яғни дәрілік заттың «құрамында натрий жоқ» деп есептеуге болады.

Балаларда қолдану

ДЕКСТАНОЛ препаратын балалар мен жасөспірімдерде қолдану қауіпсіздігі расталмаған.

Келесі өзара әрекеттесулер жалпы қабынуға қарсы стероидты емес препараттарға (ҚҚСП) қатысты:

Жағымсыз біріктірілімдер:

• Басқа ҚҚСП (циклооксигеназа-2 селективті тежегіштерін қоса) және салицилаттардың жоғары дозалары (≥ 3 г / күн): бірнеше ҚҚСП бір мезгілде қабылдау синергиялық әсер есебінен асқазан-ішек ойық жаралары мен қан кету қаупін арттыруы мүмкін.

• Антикоагулянттар: ҚҚСП декскетопрофеннің плазма ақуыздарымен жоғары байланысуына және тромбоциттер функциясының тежелуіне және асқазан мен он екі елі ішектің шырышты қабығының зақымдалуына байланысты варфарин сияқты антикоагулянттардың әсерін күшейте алады. Егер біріктірілімді болдырмау мүмкіндігі болмаса, мұқият клиникалық бақылау және зертханалық көрсеткіштерге мониторинг жүргізу керек.

• Гепариндер: қан кету қаупінің жоғарылауы (тромбоциттер функциясының бәсеңдеуіне және гастродуоденальді аймақтың шырышты қабығының зақымдалуына байланысты). Егер біріктірілімді болдырмау мүмкіндігі болмаса, мұқият клиникалық бақылау және зертханалық көрсеткіштерге мониторинг жүргізу керек.

• Кортикостероидтар: асқазан-ішек ойық жаралары немесе қан кету қаупінің жоғарылауы.

• Литий (бірнеше ҚҚСП -мен сипатталған): ҚҚСП қандағы литий деңгейін жоғарылатады, ол улы мәндерге жетуі мүмкін (литийдің бүйрек экскрециясының төмендеуі). Сондықтан, бұл параметр декскетопрофенмен емдеуді бастау, түзету және емді тоқтату кезінде мониторингтеуді қажет етеді..

• Аптасына 15 мг және одан да көп жоғары дозаларда қолданылатын метотрексат: негізі қабынуға қарсы дәрілердің әсерінен оның бүйрек клиренсін төмендету есебінен метотрексаттың гематологиялық уыттылығын арттыру.

• Гидантоиндер мен сульфаниламидтер: бұл заттардың уытты әсері артуы мүмкін.

Сақтықты қажет ететін біріктірілімдер:

* Диуретиктер, АӨФ тежегіштері, бактерияға қарсы аминогликозидтер және ангиотензин II рецепторларының антагонистері: Декскетопрофен диуретиктер мен гипотензивті препараттардың әсерін төмендетуі мүмкін. Бүйрек функциясы бұзылған кейбір пациенттерде (мысалы, сусызданған пациенттер немесе бүйрек функциясы бұзылған егде пациенттер) циклооксигеназды тежейтін агенттерді және АӨФ тежегіштерін, ангиотензин II рецепторларының антагонистерін немесе бактерияға қарсы аминогликозидтерді бірлесіп енгізу бүйрек функциясының одан әрі нашарлауына алып келуі мүмкін, бұл әдетте қайтымды. Декскетопрофен мен диуретикті біріктіріп тағайындаған жағдайда пациенттің жеткілікті ылғалдану деңгейі бар екеніне көз жеткізу және емнің басында бүйрек функциясын бақылау маңызды.

• Төмен дозаларда қолданылатын метотрексат аптасына 15 мг-ден аз: метотрексаттың гематологиялық уыттылығы оның бүйрек клиренсін жалпы қабынуға қарсы препараттармен төмендету есебінен жоғарылайды. Біріктірілімді қабылдаудың алғашқы апталары ішінде қан талдауын апта сайын мониторингтеу. Бүйрек функциясының шамалы бұзылуы болған кезде, сондай-ақ егде жастағы адамдарда бақылауды күшейту.

• Пентоксифиллин: қан кету қаупі артады. Клиникалық бақылау және қан кету уақыты сияқты көрсеткішті жиі тексеру қажет.

• Зидовудин: ретикулоциттерге әсер етуінен эритроциттердің уыттылығының жоғарылау қаупі, бұл ретте ҚҚСП қабылдау басталғаннан кейін бір аптадан соң ауыр анемия пайда болады. ҚҚСП қолдану басталғаннан кейін бір-екі апта ішінде қанның жалпы талдауын жасап, ретикулоциттердің санын тексеру керек.

• Сульфонилмочевина: ҚҚСП плазма ақуыздарымен байланысатын сайттарды ауыстыру арқылы сульфонилмочевинаның гипогликемиялық әсерін күшейте алады.

Ескеру қажет біріктірілімдер:

• Бета-адреноблокаторлар: ҚҚСП емдеу простагландиндер синтезін тежеу есебінен олардың гипертензияға қарсы әсерін төмендетуі мүмкін.

• Циклоспорин және такролимус: нефроуыттылық бүйрекке простагландиндердің жанама әсерлері есебінен ҚҚСП-мен күшеюі мүмкін. Біріктірілген ем кезінде бүйрек функциясын өлшеу керек.

• Тромболитиктер: қан кету қаупінің жоғарылауы.

• Тромбоциттер агрегациясының тежегіштері және серотонинді кері қармаудың селективті тежегіштері (СКҚСТ): асқазан-ішектен қан кету қаупінің жоғарылауы.

• Пробенецид: плазмадағы декскетопрофен концентрациясы жоғарылауы мүмкін; бұл өзара әрекеттесу бүйрек өзекшелері мен глюкуроноконъюгация секрециясын бәсеңдету механизмімен байланысты болуы мүмкін және декскетопрофен дозасын түзетуді қажет етеді.

• Жүрек гликозидтері: ҚҚСП плазмадағы жүрек гликозидтерінің концентрациясын жоғарылатуы мүмкін.

• Мифепристон: теория бойынша, простагландин синтетаза тежегіштері мифепристонның тиімділігіне әсер етуі мүмкін. Шектеулі деректер простагландинді енгізген күні ҚҚСП бірге қолдану мифепристон немесе простагландиннің жатыр мойнының жетілуіне немесе жатырдың жиырылуына әсеріне теріс әсер етпейтінін және медициналық көрсетілімдер бойынша жүктілікті үзудің клиникалық тиімділігін төмендетпейтінін көрсетеді.

• Хинолонды антибиотиктер: жануарлардан алынған мәліметтер хинолондардың жоғары дозалары ҚҚСП -мен бірге құрысулар қаупін арттыруы мүмкін екенін көрсетеді.

• Тенофовир: ҚҚСП-мен бір мезгілде қабылдау мочевина азотын және плазмадағы креатининді арттыруы мүмкін, бүйрек функциясына ықтимал синергиялық әсерін тексеру үшін бүйрек функциясын бақылау керек.

• Деферазирокс: ҚҚСП-мен бір мезгілде қабылдау асқазан-ішек уыттылығы қаупін арттыруы мүмкін. Деферазирокс осы заттармен үйлескен кезде мұқият клиникалық мониторинг қажет.

• Пеметрексед: ҚҚСП-мен бір мезгілде қабылдау пеметрекседтің шығарылуын төмендетуі мүмкін, сондықтан ҚҚСП-ның неғұрлым жоғары дозаларын тағайындау кезінде сақ болу керек. Жеңіл және ауырлығы орташа дәрежедегі бүйрек жеткіліксіздігі бар пациенттерде (креатинин клиренсі 45-тен 79 мл / мин дейін) пеметрекседті қабылдағаннан кейін 2 күн және қабылдау алдында 2 күн бойы ҚҚСП дозаларымен пеметрекседті бір мезгілде қабылдаудан аулақ болу керек.

ДЕКСТАНОЛ препаратын жүктіліктің үшінші триместрінде және лактация кезеңінде қолдануға болмайды.

Жүктілік

Жүктіліктің соңғы үш айында ДЕКСТАНОЛ препаратын қабылдамаңыз, себебі бұл сіздің туылмаған балаңызға зиян тигізуі немесе босану кезінде қиындықтар тудыруы мүмкін. Бұл сіздің туылмаған балаңызда бүйрек және жүрек ауруларын тудыруы мүмкін. Сіздің және сіздің балаңыздың қан кету бейімділігіне әсер етуі мүмкін және мерзімнен артық жүктілікке (кешігіп босану) немесе ұзаққа созылған босануға себеп болуы мүмкін.

Жүктіліктің алғашқы 6 айында ДЕКСТАНОЛ препаратын шұғыл қажеттілік болған жағдайда және дәрігердің тағайындауымен ғана қабылдау қажет. Егер сізге осы уақыт аралығында ДЕКСТАНОЛ қабылдау қажет болса немесе жүкті болуды жоспарласаңыз, ең аз дозаны ең қысқа мерзімде қолдану керек. Жүктіліктің 20-шы аптасынан бастап ДЕКСТАНОЛ препаратын бірнеше күннен артық қолдану сіздің туылмаған балаңызда бүйрек ауруларын тудыруы мүмкін, бұл ұрықты қоршаған амниотикалық сұйықтықтың азаюына әкелуі мүмкін (қағанақ суының аздығы). Егер сізге бірнеше күннен артық емдеу қажет болса, дәрігер қосымша бақылауды ұсынуы мүмкін.

Лактация

Емшекпен емізу кезінде ДЕКСТАНОЛ препаратын қабылдауға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ДЕКСТАНОЛ таблеткалары бас айналу, көру қабілетінің бұзылуы немесе ұйқышылдық сияқты жағымсыз әсерлерді тудыруы мүмкін. Мұндай жағдайларда жауап беру қабілеті, жол қозғалысына белсенді қатысу және механизмдерді басқару қабілеті бұзылуы мүмкін.

Дозалау режимі

Ересектер

Ауырсынудың сипаты мен ауырлығына байланысты ұсынылатын доза әдетте әр 4-6 сағат сайын 12,5 мг немесе әр 8 сағат сайын 25 мг құрайды. Жалпы тәуліктік доза 75 мг аспауы тиіс.

Жағымсыз әсерлерді симптомдарды бақылау үшін қажетті қысқа уақыт ішінде ең аз тиімді дозаны пайдалана отырып, барынша азайтуға болады.

ДЕКСТАНОЛ таблеткалары ұзақ қабылдауға арналмаған және емдеу симптоматикалық кезеңмен шектелуі керек.

Артық дозалану симптомдары белгісіз. Осыған ұқсас дәрілік заттар асқазан-ішек жолының (құсу, анорексия, іштің ауыруы) және жүйке жүйесінің тарапынан (ұйқышылдық, бас айналу, дезориентация, бас ауыруы) бұзылулар тудырады.

Кездейсоқ қабылдаған немесе артық дозаланған кезде пациенттің клиникалық жағдайына сәйкес симптоматикалық емді дереу бастау керек. Егер ересек пациент немесе бала дене салмағының > 5 мг/кг дозасын қабылдаса, 1 сағат ішінде белсендірілген көмірді қабылдау қажет.

Декскетопрофен трометамол организмнен диализдің көмегімен шығарылады.

10 таблеткадан мөлдір емес ПВХ/ПЭ/ ПВДХ үлбірден және баспалы алюминий фольгадан жасалған пішінді ұяшықты қаптамаға салынған.

1, 2 немесе 3 пішінді қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге өндіруші-фирманың голограммасы бар картон қорапшаға салынған.

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!