Уральске қаласындағы Глидия МВ Таблеткалары 60 Мг №30 | ТОО «Абди Ибрахим Глобал Фарм»

Бір таблетканың құрамында

белсенді зат - 60 мг гликлазид,

қосымша заттар: гипромеллоза 2208, лактоза моногидраты, микрокристалды целлюлоза, магний стеараты, сусыз коллоидты кремнийдің қостотығы.

Диета және дене жүктемесі тиімділігі жеткіліксіз болғанда инсулинге тәуелді емес 2-ші типті қант диабетінде қандағы глюкоза деңгейін бақылау үшін

- әсер етуші затқа, сульфонилмочевинаның басқа препараттарына, сульфаниламидтерге немесе препараттың қосымша заттарының кез келгеніне аса жоғары сезімталдық

- 1-ші типті қант диабеті

- диабеттік прекома және кома, диабеттік кетоацидоз

- бүйректің немесе бауырдың ауыр жеткіліксіздігі: бұл жағдайларда инсулин қабылдау ұсынылады

- миконазолмен бірге емдеу

- жүктілік

- лактация

- балалар мен 18 жасқа дейінгі жасөспірімдер

Гипогликемия

Препаратпен емдеу пациенттің ұдайы тамақтану (таңғы асты қоса) жағдайында ғана тағайындалуға тиіс. Тамақты кеш қабылдағанда, тамақтану жеткіліксіздігінде немесе тамақтың құрамында көмірсу төмен болғанда гипогликемия дамуының жоғары қаупі салдарынан көмірсуды ұдайы тұтыну өте маңызды. Гипогликемияның ұзақ уақыт немесе энергия жұмсалатын дене жүктемесінен кейін калориясы аз тамақ ішудің, алкоголь пайдаланудың немесе біріктірілген гипогликемиялық препараттар қолданудың салдарынан даму ықтималдығы басым. Гипогликемия сульфонилмочевина препараттарын қабылдағаннан кейін, кейбір жағдайларда ауыр дәрежеде және ұзақ уақыт бойына дамуы мүмкін. Ауруханаға жатқызу және бірнеше күн бойына глюкоза енгізу талап етілуі мүмкін. Гипогликемия даму қаупін төмендету үшін пациенттерге дозаны дұрыс таңдау керек және оларға анық ұсыныстар беру керек.

Гипогликемия даму қаупін арттыратын факторлар:

- пациенттің бас тартуы немесе дәрігермен ынтымақтасуға қабілетсіздігі (атап айтқанда егде жастағы пациенттер);

- жеткіліксіз тамақтану, тамақты ретсіз қабылдау, тамақ ішуді өткізіп алу, диета өзгерістері немесе ашығу кезеңдері;

- дене жүктемесі мен көмірсу тұтыну арасындағы теңгерімсіздік;

- бүйрек жеткіліксіздігі;

- бауырдың ауыр жеткіліксіздігі;

- гликлазидтің артық дозалануы;

- жеке-дара эндокриндік бұзылулар: қалқанша без ауруы, гипопитуитаризм және адреналин жеткіліксіздігі;

- белгілі бір препараттарды қатарлас қолдану.

Бүйрек және бауыр жеткіліксіздігі

Гликлазидтің фармакокинетикалық және/немесе фармакодинамикалық параметрлері бауыр жеткіліксіздігі немесе бүйректің ауыр жеткіліксіздігі бар пациенттерде бұзылуы мүмкін. Бұл пациенттердегі гипогликемия көріністері ұзақ болуы мүмкін, сондықтан тиісті шаралар қолданылуы керек.

Пациенттер үшін ақпарат

Барлық симптомдарымен гипогликемия даму қаупі, ем сызбасы және гипогликемия даму шарттары пациенттерге және оның отбасы мүшелеріне мұқият түсіндірілуге тиіс. Сондай-ақ диета сақтаудың, ұдайы дене жүктемесінің және қандағы глюкоза деңгейіне ұдайы мониторинг болуының маңыздылығын түсіндіру керек.

Глюкоза деңгейінің тиісінше бақыланбауы

Диабетке қарсы ем алатын пациенттерде қандағы глюкоза деңгейін бақылау келесі факторлармен бұзылуы мүмкін: құрамында шілтерлі шайқурай бар препараттармен (Hypericum perforatum), қызба, жарақаттар, инфекциялар немесе хирургиялық араласымдар. Кейбір жағдайларда инсулин қолдану талап етіледі.

Гликлазидті қоса, ішу арқылы қабылданатын диабетке қарсы препараттардың гипогликемиялық әсері көптеген пациенттерде диабет ауырлығы үдеуі немесе емге жауап азаюы салдарынан уақыт өте келе әлсірейді. Бұл феномен емге бірінші тиімсіздікпен салыстырғандағы екінші тиімсіздік ретінде белгілі, бұл арада препарат бірінші желідегі ем ретінде тиімсіз. Талапқа сай дозасына таңдау жүргізу және салдарлы тиімсіз ем статусын қойғанға дейін диета сақтау керек.

Дисгликемия

Диабеті бар пациенттерде, бір мезгілде фторхинолондар қабылдайтын, әсіресе егде жастағы пациенттерде гипогликемияны және гипергликемияны қоса, глюкоза деңгейінің ауытқу жағдайлары туралы хабарланған. Сондықтан бір мезгілде ГлиДиа® МВ 60 мг препаратын және фторхинолондар қабылдайтын барлық пациенттерде қандағы глюкоза деңгейіне мұқият мониторинг жүргізу ұсынылады.

Зертханалық тесттер

Қандағы глюкоза деңгейіне бақылауды бағалау үшін гликирленген гемоглобин деңгейін өлшеу керек (немесе ашқарында венадағы қанның глюкозасын анықтау). Сондай-ақ глюкоза деңгейіне өз бетінше өлшеу жүргізу дұрыс.

Г6ФД-тапшылығы бар пациенттерді сульфонилмочевина препараттарымен емдеу гемолиздік анемия дамуына әкелуі мүмкін. Гликлазид сульфонилмочевина препараттары класына қатысты болғандықтан, Г6ФД-жеткіліксіздігі бар пациенттерде қолданғанда сақ болу керек және баламалы ем қолданған дұрыс.

Порфириясы бар пациенттер

Порфириясы бар пациенттерде басқа кейбір сульфонилмочевина препараттарын қолданған кезде жедел порфирия жағдайлары сипатталған.

Басқа дәрілік препараттармен өзара әрекеттесуі

Келесі препараттарды қолдану гипогликемияның даму қаупі артуына әкеледі

Қолдануға болмайтын біріктірілімдер

Миконазол (жүйелі енгізу, ауыз қуысында қолдануға арналған гель): комаға дейін дамитын гипогликемиялық симптомдар пайда болу мүмкіндігі бар гипогликемиялық әсерін арттырады.

Ұсынылмайтын біріктірілімдер

Фенилбутазон (жүйелі енгізу): сульфонилмочевина препараттарының (плазма ақуыздарында байланысында орын алмасуы және/немесе олардың элинимациясын азайтады) гипогликемиялық әсерін күшейтеді. Қабынуға қарсы басқа препарат пайдалану, сондай-ақ пациентке ескерту және симптомдарға өз бетінше мониторинг жасау маңыздылығын ескеру ұсынылады. Қажет болғанда қабынуға қарсы препаратпен ем кезінде және емнен кейін тиісінше доза таңдау керек.

Алкоголь: гипогликемиялық кома симптомдары дамуына әкелуі мүмкін гипогликемиялық әсерін күшейтеді (компенсаторлық реакциялар жолымен).

Алкогольмен және құрамында алкоголь бар препараттармен бірге қолданудан аулақ болу керек.

Қолданғанда сақтықты талап ететін біріктірілімдер

Кейбір препараттарды қабылдағанда қант төмендететін әсерін күшейту дамуы мүмкін және кейбір жағдайларда гипогликемия дамуы мүмкін: басқа диабетке қарсы препараттар (инсулиндер, акарбоза, метформин, тиазолидиндиондар, дипептидил пептидаза-4 тежегіштері, GLP-1 агонистерінің рецепторлары), бета-блокаторлар, флуконазол, ангиотензин өзгертуші фермент тежегіштері (каптоприл, эналаприл), Н2-рецепторлары антагонистері, МАО тежегіштері, сульфонамидтер, кларитромицин және қабынуға қарсы стероидты емес препараттар.

Келесі препараттармен қолдану қандағы глюкоза деңгейінің артуына әкелуі мүмкін

Ұсынылмайтын біріктірілімдер

Даназол: диабетогендік әсері

Бірге қолданудан аулақ болу мүмкін болмаған жағдайда пациентке қан және несептегі глюкоза деңгейінің мониторингінің маңыздылығын ескерту және атап айту керек. Қажет болған жағдайда даназолмен ем кезінде және емнен кейін диабетке қарсы препараттың дозасын түзету керек.

Қолданғанда сақтық талап ететін біріктірілімдер

Хлопромазин (нейролептик): жоғары дозаларда қабылдағанда (тәулігіне ˃100 мг хлорпромазин) қандағы глюкоза деңгейі артады (инсулин босап шығуын төмендетеді). Пациентке глюкоза деңгейінің мониторингінің маңыздылығын ескерту және атап айту керек. Қажет болса нейролептиктермен ем кезінде және емнен кейін диабетке қарсы препараттың дозасын түзету керек.

Глюкокортикостероидтар (жүйелі және жергілікті қолдану: буын ішіне, теріге және ректальді қолдану) және тетракозактрин: кетоз дамуы ықтимал (глюкокортикостероидтар әсерінен көмірсуларға толеранттылық азаюы) қандағы глюкоза деңгейі артуы. Пациентке глюкоза деңгейінің мониторингінің маңыздылығын ескерту және атап айту керек. Глюкокортикостероидтармен ем кезінде және емнен кейін диабетке қарсы препараттың дозасын түзету керек.

Ритодрин, салбутамол, тербуталин: (в/і)

β2-агонистерінің әсері салдарынан қандағы глюкоза деңгейі жоғарылауы. Пациентке глюкоза деңгейінің мониторингінің маңыздылығын ескерту және атап айту керек. Қажет болғанда инсулинге ауысуға болады.

Шілтерлі шайқурай (Hypericum perforatum)

Шілтерлі шайқурай әсерімен гликлазид экспозициясы төмендейді. Пациентке глюкоза деңгейінің мониторингінің маңыздылығын ескерту және атап айту керек.

Келесі препараттарды қолдану дисгликемияның даму қаупі артуына әкеледі.

Қолданғанда сақтық талап ететін біріктірілімдер

Фторхинолондар: ГлиДиа® МВ 60 мг препаратын және фторхинолондарды бірге қолданған жағдайда пациентті дисгликемияның даму мүмкіндігі туралы ескерту және қандағы глюкоза деңгейіне мониторингтің маңыздылығын атау керек.

Антикоагулянттық ем (мысалы, варфарин): сульфонилмочевина препараттары бірге қолданғанда антикоагулянттық әсерінің көтермеленуіне әкелуі мүмкін. Қажет болғанда антикоагулянттық емнің сызбасын өзгертуге болады.

Балалар

Гликлазидтің балалар мен жасөспірімдердегі қауіпсіздігі мен тиімділігі анықталмаған.

Егде жастағы пациенттер

ГлиДиа® МВ 60 мг препаратын 65 жастан асқан пациенттерге ұсынылған режимде қолдану керек.

Гипогликемияның даму қаупі бар пациенттер:

- тамақтануы жеткіліксіз немесе теңдестірілмеген

- ауыр немесе декомпенсацияланған эндокриндік бұзылулар (гипопитуитаризм, гипотиреоидизм, адреналин жеткіліксіздігі);

- ұзақ емді тоқтату және/немесе кортикостероидтардың жоғары дозаларымен емді тоқтату;

- ауыр васкулярлық бұзылулар (коронарлық артериялардың ауыр аурулары, каротидты аймақтың патологиясы, диффуздық васкулярлық аурулар).

Емдеуді тәулігіне 30 мг ең төмен дозадан бастау ұсынылады.

Бүйрек жеткіліксіздігі бар пациенттер

Жеңіл және орташа дәрежедегі бүйрек жеткіліксіздігі бар пациенттерде тиісті клиникалық мониторинг кезінде бүйрек функциясы қалыпты пациенттердегідей доза қолданылуы мүмкін. Бұл деректер клиникалық зерттеулерде расталған.

Қосымша заттар

ГлиДиа® МВ 60 мг препаратын сирек тұқым қуалайтын галактоза жақпаушылығы, Lapp (ЛАПП)-лактаза тапшылығы, глюкоза-галактоза мальабсорбциясы бар пациенттерге тағайындауға болмайды.

Жүктілік

Дұрысы, жүктілік кезінде ГлиДиа® МВ 60 мг препаратын қолданудан аулақ болу керек. Бақыланбайтын қант диабетіне байланысты туа біткен ауытқулар дамуынан аулақ болу үшін ұрықтанғанға дейін диабетті бақылауға қол жеткізу керек. Гипогликемиялық препараттарды ішу арқылы қабылдау ұсынылмайды, сондықтан инсулин жүктілік уақытында диабетті емдегенде алғашқы таңдау препараты болып табылады. Инсулинмен емге ауысуды жүктілік басталғанға дейін немесе жүктілік фактісі анықталғаннан кейін қысқа мерзімде жүргізу керек.

Лактация

Гликлазидтің және оның метаболиттерінің адам сүтіне өтуі белгісіз. Неонатальді гипогликемия даму қаупін ескеріп, гликлазидті бала емізу уақытында қолдануға болмайды. Жаңа туған нәрестелер/сәбилер үшін қаупі жоққа шығарылуы мүмкін емес.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Гликлазидтің механизмдерді жүргізу және басқару қабілетіне әсері елеусіз болып табылады. Осыған қарамастан пациенттерге гипогликемия симптомдарының болжамды дамуы туралы және әсіресе емдеудің басында, механизмдерді жүргізгенде және басқарғанда сақ болу керегін ескерту керек.

Дозалану режимі

Кез келген басқа да гипогликемиялық препараттар жағдайындағы сияқты, дозаны пациенттің жеке қажеттіліктеріне сәйкес (қандағы глюкоза деңгейі, Hb1Ac) таңдау керек.

Бастапқы доза

Ұсынылатын бастапқы доза тәулігіне 30 мг (1/2 таблетка 60 мг) құрайды. Глюкозаның қадағалануы талапқа сай болған жағдайда бұл дозада демеуші емді жалғастыруға болады. Талапқа сай емес қадағалануы жағдайында дозаны тәулігіне қадаммен 60, 90 немесе 120 мг дейін ұлғайтуға болады. Қандағы глюкоза деңгейі емнің 2 аптасы бойына төмендемейтін пациенттерді қоспағанда, дозаның әр ұлғаюы арасындағы аралық 1 айдан кем болмауға тиіс. Бұндай жағдайларда дозаны 2 апталық кезең аяғында арттыруға болады.

Ең жоғары ұсынылатын тәуліктік доза 120 мг құрайды.

Препараттың модификацияланып босап шығатын 60 мг бір таблеткасы препараттың модификацияланып босап шығатын 30 мг екі таблеткасына баламалы. Модификацияланып босап шығатын таблеткаларда бөлуге арналған сызық болғандықтан, қажетті дозаны таңдауға болады.

Гликлазид 80 мг таблеткаларынан ГлиДиа® МВ 60 мг таблеткаларына ауысу

Бір таблетка гликлазид 80 мг модификацияланып босап шығатын 30 мг таблеткасына тең (оның ішінде ГлиДиа® МВ 60 мг препаратының ½ таблеткасы). Сондықтан, қандағы глюкоза деңгейіне мұқият мониторинг жасаған жағдайда ауысуға болады.

ГлиДиа® МВ 60 мг препаратына басқа ішу арқылы қабылданатын диабетке қарсы препараттан ауысу:

ГлиДиа® МВ 60 мг препаратын басқа ішу арқылы қабылданатын диабетке қарсы препараттарды алмастыру үшін пайдалануға болады, бұл ретте алдыңғы диабетке қарсы препараттың дозасын және жартылай шығарылу кезеңін ескеру керек.

Ауысу кезеңінің, әдетте, қажеттілігі жоқ. Бастапқы доза 30 мг құрайды, жоғарыда сипатталғандай одан әрі қарай пациенттің жеке қажеттіліктеріне сәйкес таңдау керек. Жартылай шығарылу кезеңі ұзартылған басқа сульфонилмочевина препаратынан ауысқанда екі препараттың аддитивті әсерінен аулақ болу үшін препараттарды қабылдау аралығында үзіліс талап етілуі мүмкін, өйткені гипогликемия дамуы мүмкін.

Препаратты бастапқы қолданудың сызбасы ГлиДиа® МВ 60 мг препаратына ауысқанда, оның ішінде қажет болуына қарай дозаны кейіннен қадам бойынша арттыратын бастапқы 30 мг доза пайдаланылуы мүмкін.

Диабетке қарсы басқа препараттармен біріктіріп емдеу:

ГлиДиа® МВ 60 мг препаратын бигуанидтермен, альфа-глюкозидаза тежегіштерімен немесе инсулинмен біріктіріп қолдануға болады.

ГлиДиа® МВ 60 мг препаратын қабылдаған кезде талапқа сай бақыланатын пациенттерде инсулин мұқият медициналық бақылаумен қолданылуы мүмкін.

Енгізу әдісі және жолы

Таблеткалар пероральді қабылданады.

Таблеткаларды сындырмай тұтас және шайнамай жұту ұсынылады.

Қабылдау уақыты көрсетілген қолдану жиілігі

Препараттың тәуліктік дозасы ішу арқылы қабылданатын ½ таблеткадан 2 таблеткаға дейін ауытқуы мүмкін, оның ішінде таңғы ас уақытында бір рет ішу арқылы қабылданғанда 30-дан 120 мг дейін.

Артық дозалану жағдайында қабылдау қажет болатын шаралар

Сульфонилмочевина препараттарының артық дозалануы гипогликемия дамуына әкелуі мүмкін. Естен тануы болмайтын ауырлығы орташа дәрежедегі гипогликемияны немесе неврологиялық симптомдарды көмірсулар қабылдаумен, доза түзетумен және/немесе диета өзгертумен түзетуге болады. Пациент қауіп аймағынан тыс болғанша үздіксіз мониторинг жалғастырылуы керек. Кома дамуы бар ауыр гипогликемия, құрысулар немесе басқа да неврологиялық бұзылулар шұғыл медициналық көмекті, дереу ауруханаға жатқызуды талап етеді. Пациентте гипогликемиялық комаға күдік болғанда немесе анықталғанда пациентке вена ішіне 50 мл концентрацияланған глюкоза ерітіндісін (20-30%) енгізеді, соңынан қандағы глюкоза деңгейін 1 г/л деңгейде ұстап тұруды қамтамасыз ететін жылдамдықпен сұйылтылған глюкоза ерітіндісін (10%) ұзақ уақыт енгізеді. Пациент мұқият мониторингте болуға тиіс. Гликлазид плазма ақуыздарымен берік байланыста болуына байланысты, диализ гликлазидтің артық дозалануы бар пациенттер үшін тиімді шара болып табылмайды.

Дәрілік препараттың бір немесе бірнеше дозаларын өткізіп алғанда қажет болатын шаралар

Дозаны өткізіп алған жағдайда келесі қабылдау кезінде дозаны арттыру қажет емес.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Егер Сізде осы препаратты қолдану туралы қосымша сұрақтар туындаса, дәрігерден кеңес алыңыз.

Сульфонилмочевина препараттарының артық дозалануы гипогликемия дамуына әкелуі мүмкін. Естен тануы болмайтын ауырлығы орташа дәрежедегі гипогликемияны немесе неврологиялық симптомдарды көмірсулар қабылдаумен, доза түзетумен және/немесе диета өзгертумен түзетуге болады. Пациент қауіп аймағынан тыс болғанша үздіксіз мониторинг жалғастырылуы керек. Кома дамуы бар ауыр гипогликемия, құрысулар немесе басқа да неврологиялық бұзылулар шұғыл медициналық көмекті, дереу ауруханаға жатқызуды талап етеді. Пациентте гипогликемиялық комаға күдік болғанда немесе анықталғанда пациентке вена ішіне 50 мл концентрацияланған глюкоза ерітіндісін (20-30%) енгізеді, соңынан қандағы глюкоза деңгейін 1 г/л деңгейде ұстап тұруды қамтамасыз ететін жылдамдықпен сұйылтылған глюкоза ерітіндісін (10%) ұзақ уақыт енгізеді. Пациент мұқият мониторингте болуға тиіс. Гликлазид плазма ақуыздарымен берік байланыста болуына байланысты, диализ гликлазидтің артық дозалануы бар пациенттер үшін тиімді шара болып табылмайды.

Дәрілік препараттың бір немесе бірнеше дозаларын өткізіп алғанда қажет болатын шаралар

Дозаны өткізіп алған жағдайда келесі қабылдау кезінде дозаны арттыру қажет емес.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Егер Сізде осы препаратты қолдану туралы қосымша сұрақтар туындаса, дәрігерден кеңес алыңыз.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

Пішінді ұяшықты 3 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде 25оС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 25оС-ден аспайтын температурада сақтау керек.

Балалардың қолы жетпейтін жерде сақтау керек!