Уральске қаласындағы Эсзол Таблеткалары 100 Мг №10 | Кусум Хелткер Пвт. Лтд.

ЭСЗОЛ® мынадай зең ауруларында қолданылады:

Беткейлік микоздар: вульвовагинальдық кандидоз, кебек тәрізді теміреткі, дерматофитоз, ауыз қуысының шырышты қабығының кандидозы және зеңдік кератит. Дерматофиттер және/немесе ашытқы тәрізді саңырауқұлақтар туындатқан онихомикоздар.

Жүйелік микоздар: аспергиллез және кандидоз, криптококкоз (криптококктық

менингитті қоса алғанда): иммундық тапшылығы бар пациенттерде және орталық жүйке жүйесінің криптококкозы бар барлық пациенттерде ЭСЗОЛ®, егер

емдеудің бірінші желі препараттары осы жағдайда қолданылмайтын немесе тиімді емес жағдайларда ғана тағайындалуы тиіс; гистоплазмоз, споротрихоз, паракокцидиоидомикоз, бластомикоз және басқа да сирек жүйелі микоздар.

- итраконазолға немесе аталған қосымша заттардың кез келгеніне аса жоғары сезімталдық

- CYP3A4 субстраттарын бір мезгілде қабылдау. Жоғарыда аталған препараттарды итраконазолмен бірге қолданылуына байланысты олардың қан плазмасындағы концентрациясының жоғарылауы, жағымсыз әсерлерді күшейтіп жіберуі және өмірге қауіп төндіруі ықтимал жағдайларды қоздыруы мүмкін. Мысалы, жоғарыда аталған препараттардың қан плазмасындағы концентрациясының жоғарылығы QT аралығының артуына, сондай-ақ, "пируэт" типті қарыншалық тахикардия немесе өлімге соқтыруы ықтимал аритмия жағдайларын қоса, қарыншалық тахиаритмияға алып келуі мүмкін.

- ЭСЗОЛ® таблеткалары өмірге қауіп төндіретін немесе басқа күрделі инфекцияларды емдеу жағдайларын қоспағанда, қарыншалық дисфункция белгілері бар, мысалы, жүрек функциясының іркілістік жеткіліксіздігі бар (ЖФІЖ) немесе анамнезінде ЖФІЖ болған пациенттерге тағайындалмауы тиіс.

- өмірге қауіп төндіретін жағдайларды қоспағанда, жүктілік кезеңі.

- ЭСЗОЛ® таблеткаларын қабылдап жүрген, бала тууға қабілетті жастағы әйелдер контрацепцияның тиісінше әдістерін қолдануы тиіс. Тиімді контрацепция ЭСЗОЛ® таблеткаларымен емдеу аяқталғаннан кейінгі алғашқы етеккір кезеңінде де жалғастырылуы тиіс.

- балалар мен 18 жасқа дейінгі жасөспірімдер.

Итраконазол көбінесе CYP3A4 изоферменті арқылы метаболизденеді. Осы изоферменттің қатысуымен метаболизденетін немесе оның белсенділігін өзгертетін дәрілік препараттар итраконазолдың фармакокинетикасына әсер етуі мүмкін. Осы сияқты, итраконазол осы изоферменттің қатысуымен метаболизденетін дәрілік заттардың фармакокинетикасына әсер етуі мүмкін. Итраконазол CYP3A4 изоферменті мен P-гликопротеиннің күшті тежегіштеріне жатады. Итраконазолды басқа дәрілік заттармен бірге пайдаланғанда, препарат метаболизмінің тәсілін анықтау және оның дозасын өзгерту қажеттілігі туралы мәселені шешіп алу үшін қолдану жөніндегі нұсқаулықпен танысып шығу ұсынылады.

Қан плазмасындағы итраконазолдың концентрациясын төмендетуі мүмкін дәрілік препараттар

Асқазан сөлінің қышқылдылығын төмендетуі мүмкін дәрілік препараттар (мысалы, алюминий гидроксиді сияқты антацидтік дәрілер немесе H2-гистаминдік рецепторлардың антагонистері сияқты тұз қышқылының секрециясын бәсеңдететін дәрілер, және протондық помпа тежегіштері) ЭСЗОЛ® таблеткасы препаратының сіңірілуін бұзады. Ол дәрілік препараттарды ЭСЗОЛ® таблеткасы препаратымен бірге сақтықпен қолдану ұсынылады:

Асқазан сөлінің қышқылдылығын төмендететін дәрілік заттарды бірге пайдаланған кезде итраконазолды қышқыл сусындармен (диеталық емес кола сияқты) бірге қолдану ұсынылады.

Тұз қышқылын бейтараптандыратын дәрілік препараттарды (мысалы, алюминий гидроксидін), ЭСЗОЛ® таблеткасы препаратын қабылдаудан кемінде 1 сағат бұрын немесе қабылдағаннан кейін 2 сағаттан соң қабылдау ұсынылады.

Дәрілік заттарды бірге қабылдаған кезде итраконазолдың зеңге қарсы белсенділігін бақылап отыру және қажеттілігі туындаса, препараттың дозасын арттыру ұсынылады.

Итраконазолды CYP3A4 изоферментінің күшті индукторларымен бірге қолдану итраконазол мен гидроксиитраконазолдың биожетімділігін, дәрілік заттың тиімділігі елеулі дәрежеде азаятындай деңгейге дейін төмендеуіне ықпал етуі мүмкін. Мысал ретінде, келесі препараттар қамтылған:

• Бактерияға қарсы дәрілер: изониазид, рифабутин, рифампицин.

• Құрысуға қарсы препараттар: карбамазепин, фенобарбитал, фенитоин.

• Вирусқа қарсы препараттар: эфавиренз, невирапин.

Осылайша, CYP3A4 изоферментінің күшті индукторларын итраконазолмен бірге пайдалану ұсынылмайды. Күтілетін пайдасы итраконазол тиімділігінің төмендеуімен байланысты ықтимал қаупінен асып түсетін жағдайларда болмаса, аталған дәрілік заттардың итраконазолды қабылдау басталғанға дейін екі апта бойы және препаратпен емдеу кезінде тағайындалуын болдырмау ұсынылады. Дәрілік заттарды бірге қабылдаған кезде итраконазолдың зеңге қарсы белсенділігін бақылап отыру және қажеттілігі туындаса, препараттың дозасын арттыру ұсынылады.

Итраконазолдың қан плазмасындағы концентрациясының артуын туындатуы мүмкін дәрілік препараттар

Итраконазол мен CYP3A4 изоферментінің күшті тежегіштерін бір мезгілде қабылдау итраконазолдың биожетімділігінің артуына алып келуі мүмкін. CYP3A4 изоферментінің күшті тежегіштерінің мысалдары:

• Бактерияға қарсы препараттар: ципрофлоксацин, кларитромицин, эритромицин.

• Вирусқа қарсы дәрілер: ритонавирмен күшейтілген дарунавир, ритонавирмен күшейтілген фосампренавир, индинавир, ритонавир.

Бұл дәрілік препараттарды итраконазолмен бірге сақ болып пайдалану ұсынылады. Итраконазолдың емдік әсерлерінің күшеюі немесе ұзаруының симптомдары мен белгілерін дер кезінде анықтау үшін, итраконазолды CYP3A4 изоферментінің күшті тежегіштерімен бірге қабылдаған пациенттердің жағдайын мұқият бақылау ұсынылады, қажет болса, итраконазолдың дозасын төмендетуге болады. Мүмкіндігінше итраконазолдың қан плазмасындағы концентрациясын бақылауда ұстау ұсынылады.

Итраконазолмен бірге пайдаланылғанда қан плазмасындағы концентрациясы артуы мүмкін дәрілік заттар

Итраконазол мен оның негізгі метаболиті гидроксиитраконазол CYP3A4 изоферменті арқылы метаболизденетін дәрілік препараттардың метаболизмін бұзуы және P-гликопротеиннің әсерінен препараттардың тасымалдануына кедергі келтіруі мүмкін. Бұл итраконазолмен бірге қабылданғанда, аталған дәрілік препараттардың және/немесе олардың белсенді метаболиттерінің плазмалық концентрациясының артуына алып келуі мүмкін. Плазмалық концентрациясының жоғарылауы, өз кезегінде, аталған дәрілік заттардың емдік және жағымсыз әсерлерінің күшеюін немесе ұзаруын туындатуы мүмкін, соның нәтижесінде өмірге қауіп төндіруі ықтимал жағдайлар туындауы мүмкін. Сонымен, кейбір препараттардың концентрациясының жоғарылауы QT аралығының ұзаруына және өмірге төндіретін қаупі зор жағдайларға жататын "пируэт" типті қарыншалық тахикардия жағдайларын қоса, қарыншалық тахиаритмияға алып келуі мүмкін. Емдеу тоқтатылғаннан кейін итраконазолдың плазмадағы концентрациясы, препараттың дозасы мен емдеудің ұзақтығына байланысты, 7 күннен 14 күнге дейінгі аралықта анықталмайтын дерлік деңгейге дейін төмендейді. Бауыр циррозы бар немесе CYP3A4 ферментінің тежегіштерін бір мезгілде қабылдайтын пациенттерде препарат концентрациясының төмендеуі тіпті баяуырақ жүруі де мүмкін. Бұл әсіресе, метаболизміне итраконазол әсер ететін дәрілік препараттарды пайдала отырып ем жүргізуді бастау кезінде маңызды.

Өзара әрекеттесетін дәрілік заттар келесі санаттарға бөлінеді:

- «Қолдануға болмайды»: Бұл дәрілік препаратты ешбір жағдайда итраконазолмен біріктіріп және итраконазолды қабылдау аяқталғаннан кейін екі апта бойы қолдануға болмайды.

- «Ұсынылмайды»: Күтілетін пайдасы жүргізіліп отырған еммен байланысты ықтимал қаупінен асып түсетін жағдайларда болмаса, бұл дәрілік заттың итраконазолды қабылдау кезінде және қабылдау аяқталғаннан кейін екі апта бойы қолданылуын болдырмау ұсынылады. Егер дәрілік заттардың бұл біріктірілімін пайдаланбауға болмайтын болса, препараттардың әсерлерінің күшеюі немесе ұзаруының симптомдары мен белгілерін немесе жағымсыз әсерлерінің дамуын дер кезінде анықтау үшін, пациенттің жағдайын қадағалау ұсынылады, қажет болса, емдеуді тоқтатуға немесе дәрілік заттардың дозасын азайтуға болады. Мүмкіндік болса, препараттардың плазмадағы концентрациясын бақылау ұсынылады.

- «Сақтықпен пайдалану керек»: дәрілік препаратты итраконазолмен бірге пайдаланғанда мұқият мониторинг жүргізу керек. Дәрілік заттарды бірге пайдаланған кезде, препараттардың әсерлерінің күшеюі немесе ұзаруының симптомдары мен белгілерін немесе жағымсыз әсерлерінің дамуын дер кезінде анықтау үшін, пациенттің жағдайын қадағалау ұсынылады, қажет болған жағдайда емдеуді тоқтата тұруға немесе дәрілік заттардың дозасын азайтуға болады. Мүмкіндік болса, препараттардың плазмадағы концентрациясын бақылау ұсынылады.

Төменде итраконазолдың әсерінен плазмадағы концентрациясы артуы мүмкін дәрілік заттардың мысалдары келтірілген. Препараттар кластары бойынша бөлінген, сонымен қатар итраконазолмен бірге қолданылуы жөнінде ұсынымдар беріледі:

Аса жоғары сезімталдықтың айқаспалы реакциялары

Итраконазол мен азолдық қатардың зеңге қарсы басқа препараттары арасында аса жоғары сезімталдықтың айқаспалы реакцияларының дамуы мүмкіндігі жөнінде деректер  жоқ. Басқа азолдарға аса жоғары сезімталдық болған жағдайда, итраконазолды сақтықпен тағайындау керек.

Жүрекке әсері

Дені сау еріктілердің қатысуымен жүргізілген, итраконазолдың в/і енгізілетін дәрілік түрін зерттеуде солжақ қарыншаның лықсыту фракциясының өтпелі симптомсыз төмендеуі туралы хабарланды. Бұл көрсеткіш препараттың келесі инфузиясына дейін қалпына келіп отырған. Препараттың пероральді дәрілік түрлері үшін бұл қадағалаудың клиникалық маңыздылығы белгісіз. Қолжетімді деректерге сәйкес, итраконазолдың теріс инотроптық әсері бар, ал итраконазол препаратымен емдеу аясында жүрек функциясының іркілістік жеткіліксіздігі жағдайлары туралы хабарланды. Жүрек функциясының жеткіліксіздігі, төменірек жалпы тәуліктік дозаларында емдеу туралы хабарламалармен салыстырғанда препаратпен жалпы тәуліктік 400 мг дозасында емдеу жөніндегі өздігінен келіп түскен хабарламаларда жиі аталып отырды, бұл итраконазолдың жалпы тәуліктік дозасында жүрек функциясының жеткіліксіздігі қаупінің жоғарылайтындығы туралы болжам жасауға мүмкіндік береді. ЭСЗОЛ® препараты, ондай емнің пайдасы қаупінен сөзсіз асып түсетін жағдайларда болмаса, жүрек функциясының іркілістік жеткіліксіздігі бар немесе жүрек функциясының іркілістік жеткіліксіздігін бастан өткерген пациенттерге ұсынылмайды. Жекелеген пациенттер үшін пайда/қауіп арақатынасын бағалау кезінде, көрсетілімдерінің күрделілігі, дозалау режимі сияқты факторларды (мысалы, жалпы тәуліктік дозасын) және жүрек функциясының іркілістік жеткіліксіздігі туындауының жекелеген қауіп факторларын ескеру қажет.

Оларға жүректің ишемиялық ауруы мен жүрек қақпақшаларының зақымдануын қоса, жүрек аурулары, өкпенің созылмалы обструкциялық ауруын қоса, тыныс алу ағзаларының ауыр аурулары, бүйрек функциясының жеткіліксіздігі және ісінуге бейімділікпен қатар жүретін басқа аурулар жатқызылады. Ондай пациенттерге жүрек функциясының іркілістік жеткіліксіздігінің белгілері мен симптомдары туралы ескертілуі тиіс және емдеу кезінде ерекше көңіл бөлуді және ондай кезде жүрек функциясының іркілістік жеткіліксіздігінің симптомдарын бақылап отыруды қажет етеді. Тиісінше симптомдары анықталған жағдайда, ЭСЗОЛ® препаратын қабылдауды тоқтату керек. Кальций өзекшелерінің блокаторлары теріс инотроптық әсерге ие, бұл аталған препараттарды бір мезгілде тағайындаған кезде итраконазолдың сәйкесінше әсерінің күшеюіне алып келуі мүмкін.  Бұдан өзге, итраконазол кальций өзекшелері блокаторларының метаболизмін тежейді. Осылайша, ЖФІЖ даму қаупінің жоғарылауына байланысты, итраконазолмен және кальций өзекшелерінің блокаторларымен бір мезгілде емдеу сақтықпен жүргізілуі тиіс.

Бауырға әсері

Итраконазол препаратымен емдеу аясында ауыр гепатоуыттылық жағдайлары, оның бауыр функциясының ішінде өлімге әкелетін жедел жеткіліксіздігінің бірнеше жағдайлары туралы өте сирек хабарланды. Олардың көпшілігі осының алдында бауыр зақымдануы болған, итраконазолды жүйелі көрсетілімдер бойынша қабылдаған, сонымен қатар басқа елеулі аурулар бар және/немесе гепатоуытты әсері бар басқа дәрілік препараттарды қабылдаған пациенттерде дамыды. Кейбір пациенттерде бауыр зақымдануының нақты қауіп факторлары болмаған.  Бірнеше жағдайы емдеудің алғашқы айында, соның ішінде алғашқы аптасында хабарланды. ЭСЗОЛ® препаратымен емдеу аясында бауыр функциясын бақылап отыру керек. Пациенттерге анорексия, жүрек айну, құсу, қажу, іштің ауыруы немесе несептің қараюы сияқты гепатитті білдіруі мүмкін симптомдарының пайда болуы туралы бірден дәрігерге хабарлау қажеттілігі ескертілуі тиіс. Бұл жағдайларда ЭСЗОЛ® препаратын қабылдауды дереу тоқтату және бауыр функциясына бағалау жүргізу қажет.

Итраконазолдың пероральдік дәрілік түрлерін бауыр функциясының жеткіліксіздігі бар пациенттерде қолдану жөніндегі деректер шектеулі. Пациенттердің қарастырылып отырған тобын емдеуді сақтықпен жүргізілуі тиіс.

Бауыр функциясының бұзылулары бар пациенттерге итраконазолды қабылдау кезінде өз жағдайын мұқият бақылау ұсынылады. Бауыр циррозы бар науқастарда құрамында итраконазол бар капсулаларға клиникалық сынақ жүргізу кезінде анықталған итраконазолдың жартылай шығарылу кезеңін, CYP3A4 арқылы метаболизденетін басқа дәрілік заттармен емдеуді бастау туралы шешім қабылдаған кезде ескеру ұсынылады.

Бауыр ферменттерінің деңгейлері жоғарылаған, бауырдың белсенді ауруы бар немесе басқа дәрілік препараттардан туындаған гепатоуыттылық белгілері бар пациенттерге емдеуді тек, оның күтілетін пайдасы бауырдың зақымдану қаупінен асып түсетін жағдайда ғана жүргізуге болады. Ондай пациенттерге бауыр ферменттерінің деңгейлерін бақылау қажет.

Асқазан қышқылдылығының төмендеуі

Асқазан қышқылдылығының төмендеуі ЭСЗОЛ® таблеткаларындағы итраконазолдың сіңірілуінің бұзылуына алып келеді. Аурудың салдарынан (мысалы, ахлоргидриясы бар пациенттерге) немесе дәрілік препараттарды қабылдаудың салдарынан (мысалы, асқазан сөлінің секрециясын бәсеңдететін дәрілік заттар) асқазан сөлінің қышқылдылығы төмендеген пациенттерге, ЭСЗОЛ® таблеткаларын қышқыл сусындармен (диеталық емес кола) бір мезгілде қабылдау ұсынылады. Препаратың зеңге қарсы белсенділігін бақылау және қажет болса, итраконазолдың дозасын арттыру керек.

Балаларда қолдану

ЭСЗОЛ® таблеткалары препаратының пациенттерде қолданылуы жөніндегі клиникалық деректер шектеулі. Егер қолданылуының күтілетін пайдасы ықтимал қаупінен асып түсетіні анықталмаса, ЭСЗОЛ® препаратын балалық жастағы пациенттердің пайдалануы ұсынылмайды.

Егде жастағыларда қолданылуы

Итраконазолдың егде жастағы пациенттерде қолданылуы жөнінде деректер шектеулі. ЭСЗОЛ® препаратын тек, ықтимал пайдасы ықтимал қауіптерінен асып түсетін жағдайларда ғана пайдалану ұсынылады. Тұтас алғанда, пациенттердің аталған тобында дозасын түзету қажеттілігіне бағалау жүргізу ұсынылады, өйткені егде жастағы адамдарда бауыр, бүйрек немесе жүрек функциясының төмендеуі, сондай-ақ қатарлас аурулар мен дәрі-дәрмектік ем жиі орын алып отырады.

Бүйрек функциясының жеткіліксіздігі

Итраконазолдың пероральді дәрілік түрлерін бүйрек функциясының жеткіліксіздігі бар пациенттерде қолдану жөніндегі деректер шектеулі. Итраконазолдың әсер ету деңгейі кейбір пациенттерде төмендеуі мүмкін. Пациенттердің қарастырылып отырған тобын емдеу сақтықпен және дозасын түзету мүмкіндігімен жүргізілуі тиіс.

Естімей қалу

Итраконозолмен емдеу кезінде уақытша немесе тұрақты түрде естімей қалу туралы хабарланды. Кейбір хабарламаларда хинидиннің бір мезгілде қолданылғаны айтылды, бұл қолдану жөніндегі нұсқауларға қайшы келеді. Есту, әдетте, емдеуді тоқтатқаннан кейін қалпына келеді, алайда, кейбір пациенттерде естімей қалу сақталып қалуы мүмкін.

Иммунитеті төмендеген пациенттер

Иммунитеті төмендеген кейбір адамдарда (мысалы, нейтропениясы, ЖИТС бар немесе ағзалардың трансплантациясын бастан өткерген) ЭСЗОЛ® таблеткаларындағы итраконазолдың пероральді биожетімділігі төмендеуі мүмкін.

Өмірге қауіп төндіретін микоздары бар пациенттер

Итраконазолдың фармакокинетикалық қасиеттеріне байланысты ЭСЗОЛ® таблеткаларын өмірге қауіп төндіретін микоздары бар пациенттерді емдеу үшін бастамалау көрсетілмейді.

ЖИТС-ке шалдыққан пациенттер

ЖИТС-ке шалдыққан, ем жүргізгеннен кейін споротрихоз, бластомикоз, гистоплазмоз немесе криптококкоз (менингеальдық және менингеальдық емес түрлері) сияқты жүйелі микоздар қайталануының қаупі бар пациенттерге демеуші емнің қажеттілігін емдеуші дәрігер анықтайды.

Нейропатия

ЭСЗОЛ® таблеткаларын қабылдаумен байланысты болуы мүмкін нейропатия дамыған жағдайда, препаратты қабылдау тоқтатылуы тиіс.

Көмірсу алмасуының бұзылулары

Сирек тұқым қуалайтын фруктозаны көтере алмаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттер бұл препаратты қолданбауы тиіс.

Айқаспалы резистенттілік

Егер Candida зеңдерінің ауру тудыратын түрлері флуконазолға резистентті екендігіне күдік болса, олар итраконазолға сезімтал болады деп кесіп айтуға болмайды. Сондықтан, ЭСЗОЛ® препаратымен емдеуді бастар алдында сезімталдыққа тест жүргізу қажет.

Өзара алмастырылымдылығы

Таблеткаларды ішуге арналған ерітіндімен алмастыру ұсынылмайды, өйткені ішуге арналған ерітіндіні қолдану, таблеткаларды дәл осындай дозаларда қолдануға қарағанда, әсерінің жоғарырақ көрсеткіштерімен сипатталады.

Өзара әрекеттесулер ықтималдылығы

Белгілі бір дәрілік препараттарды итраконазолмен бірге қолдану итраконазолдың және/немесе бірге енгізілген препараттың тиімділігінің өзгерістеріне, сондай-ақ өмірге қауіп төндіретін салдарларға және/немесе кенеттен болатын өлімге алып келуі мүмкін. Итраконазолмен бірге қолдануға болмайтын, пайдалану ұсынылмайтын немесе сақтықпен пайдалану ұсынылған дәрілік заттардың тізімі «Дәрілік өзара әрекеттесулер бөлімінде келтірілген.

Лактоза

ЭСЗОЛ® препаратының құрамында лактоза бар. Препаратты галактозаны көтере алмаушылықтың сирек тұқым қуалайтын қиындықтары бар, Лапп лактоза тапшылығы немесе глюкоза және галактоза мальабсорбциясы синдромы бар пациенттер қабылдамауы керек.

Осы дәрілік препараттың құрамында 100 мг таблеткаға кем дегенде натрийдің 1 ммоль (23 мг) бар, яғни, іс жүзінде «натрийсіз».

Жүктілік немесе лактация кезінде

Өмірге қауіп төндіретін жағдайларда, немесе егер анасы үшін күтілетін оң әсері шарана үшін болуы мүмкін қауіптен асып түсетін жағдайда болмаса, ЭСЗОЛ® препараты жүктілік кезінде қолданылмауы тиіс.

Итраконазол препаратының жүктілік кезінде пайдаланылуы туралы деректер жеткіліксіз. Препаратты тіркеуден кейін клиникада қолдану барысында туа біткен аномалиялар жағдайлары байқалды. Ондай жағдайларға көрудің, қаңқаның, несеп-жыныс және жүрек-қантамыр жүйелері бұзылуларының дамуы, сондай-ақ хромосомалық бұзылулар мен көптеген даму ақаулары жатады. Алайда, итраконазол препаратын қолданудың, аталған бұзылулардың туындауына себеп болатын-болмайтындығы нақты анықталған жоқ.

Негізінен, вульвовагинальдық кандидоздарға қатысты қысқа мерзімді емді қабылдаған пациент әйелдердегі итраконазол препаратының, жүктіліктің алғашқы триместріне әсер етуіне қатысты эпидемиологиялық деректерден, белгілі тератогендік факторлардың бірде-біреуінің әсеріне ұшырамаған бақылау тобымен салыстырғанда, туа біткен аномалиялардың даму қаупінің жоғарылағаны анықталған жоқ.

Бала тууға қабілетті жастағы, ЭСЗОЛ® препаратын қабылдап жүрген әйелдер барлық емделу кезеңі бойына, ол аяқталғаннан кейін алғашқы етеккір басталғанға дейін контрацепцияның талапқа сай әдістерін пайдалануы қажет.

Бала емізу

Итраконазол емшек сүтіне өтуі мүмкін болғандықтан, бала емізу кезеңінде қолдану қажет болса, ЭСЗОЛ® препаратын қолданып жүрген әйелдер бала емізуді тоқтатуы керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЭСЗОЛ® дәрілік затының көлік құралдарын басқару және техникамен жұмыс жасау қабілетіне әсерін зерттеулер жүргізілген жоқ. Бас айналу, көрудің бұзылуы және естімей қалу сияқты жағымсыз реакциялардың туындауы мүмкіндігін ескеру қажет. Сипатталған жағымсыз құбылыстар пайда болған жағдайда, көрсетілген қызмет түрлерін атқарудан бас тарту қажет.

Дозалау режимі

ЭСЗОЛ® таблеткалары оңтайлы сіңірілуі үшін оны тойып тамақ ішкеннен кейін бірден қабылдау керек. Таблеткаларды тұтастай жұту керек.

Беткейлік зең инфекцияларын емдеу

Симптомдары: Артық дозаланғанда байқалатын симптомдары, препараттың әдеттегі дозаларын қолдану кезіндегі  дозасына тәуелді жағымсыз реакцияларымен салыстырмалы болды.

Емі: Артық дозаланған жағдайда демеуші ем жүргізу керек. Ішкеннен кейінгі алғашқы сағат ішінде асқазанды шаю керек. Сорбент ретінде, егер талапқа сай болса, белсендірілген көмірді беруге болады. ЭСЗОЛ® препараты организмнен гемодиализ жолымен шығарылмайды. Спецификалық антидоты жоқ.

Дәрілік препаратты қолданар алдында дәрігермен немесе фармацевпен кеңесіңіз.

10 таблеткадан пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!