Уральске қаласындағы Этодин Дуо Таблеткалары 500 Мг/8 Мг №14 | Nobel Ilac Sanayii ve Ticaret A.S.

ЭТОДИН® ДУО препараты ересектер мен 16 жастан асқан жасөспірімдерде остеоартрозды, омыртқа діңінің ауыру синдромдарын, буынмен байланыссыз ревматизмді, омыртқаның жедел патологиясы кезіндегі бұлшықеттің ауырып түйілулерін емдеу үшін және жарақаттар мен хирургиялық араласымдардан кейінгі ауырулар кезінде қолданылады.

этодолакқа және/немесе құрамында тиоколхикозид бар қосылыстарға, сондай-ақ, препарат құрамындағы заттардың кез келгеніне жоғары сезімталдықта;

болуы мүмкін айқаспалы дәрі-дәрмектік реакцияларға байланысты немесе анамнезінде жедел демікпе, ринит немесе есекжем болған пациенттерде аспиринмен немесе басқа да ҚҚСП препараттарымен емдеу кезінде дамыған аллергиялық реакция жағдайында;

ҚҚСП препараттарымен алдыңғы емге байланысты анамнездегі асқазан-ішектен қан кетулер немесе тесілу жағдайында;

Шунттаудың және кардиохирургияның алдындағы немесе одан кейінгі жүрек жеткіліксіздігінде;

асқазанның белсенді ойық жарасы немесе анамнездегі асқазанның ойық жарасы жағдайында (басқа ҚҚСП препараттарынан туындаған, асқазан-ішектен қан кетулерді қоса);

босаң салдануда;

бұлшықет гипотониясы кезінде;

Жүктілік және лактация кезеңінде;

16 жас шамасындағы және одан кіші педиатриялық пациенттер, сондай-ақ,

Ұрпақ өрбіту жасындағы, контрацепцияның тиімді әдістерін пайдаланып жүрмеген әйелдер.

Этодолакпен байланысты өзара әрекеттесу:

Ангиотензин өзертуші фермент тежегіштері:

Хабарламалар ҚҚСП АӨФ тежегіштерінің гипертензияға қарсы әсерін әлсіретуі мүмкін екенін айғақтайды. Бұл өзара әрекеттесуді ҚҚСП пациенттер АӨФ тежегіштерімен бір мезгілде қабылдағанда ескеру керек.

Аспирин

Аспиринмен ЭТОДИН® ДУО қолдану кезінде оның ақуызбен байланысуы азаяды, бірақ бос этодолактың клиренсі өзгермейді. Бұл өзара әрекеттесудің клиникалық маңыздылығы белгісіз, алайда басқа ҚҚСП жағдайындағы сияқты этодолак пен аспиринді бір мезгілде қолдану, әдетте, қолайсыз салдарларды күшейту мүмкіндігіне байланысты ұсынылмайды.

Фуросемид

Клиникалық зерттеулер, сондай-ақ постмаркетингтік бақылаулар ЭТОДИН® ДУО кейбір пациенттерде фуросемид пен тиазидтердің натрийуретиктік әсерін азайтуы мүмкін екенін көрсетті. Бұл жауап бүйректегі простагландиндер синтезін тежеуімен байланысты болды. Қатарлас ҚҚСП емі кезінде бүйрек жеткіліксіздігі белгілерін, сондай-ақ несеп айдайтын дәрілердің тиімділігін қамтамасыз ету үшін пациентті мұқият бақылау қажет.

Литий

ҚҚСП қолдану нәтижесінде плазмолитий деңгейі жоғарылап, литий концентрациясы 15% - ға артты, ал бүйрек клиренсі азайып, бүйректің литий клиренсі азаяды. Орташа минималды шамасы 20%. Бұл әсерлер ҚҚСП бүйректегі простагландин синтезінің тежелуімен түсіндіріледі. Осылайша, ҚҚСП мен литийді бір мезгілде қолданған кезде адамдарды литийдің уыттылық белгілері тұрғысынан мұқият бақылау керек.

Метотрексат

ҚҚСП үй қоянының бүйрек бөліктерінде метотрексат жинақталуын бәсекелес тежейтіні туралы хабарланған, бұл олардың метотрексаттың уыттылығын арттыруы мүмкін екенін көрсетеді. ҚҚСП метотрексатпен бір мезгілде енгізгенде сақ болу керек.

Варфарин

Варфарин мен ҚҚСП асқазан-ішек жолынан қан кетуіне әсері синергиялық болып табылады, сондықтан екі препаратты бірге қолданушыларда асқазан-ішек жолынан күрделі қан кету қаупі екі препаратты жеке дара қолданушыға қарағанда жоғары.

Жүрек-қантамырға әсері бар гликозидтер:

ҚҚСП препараттары жүрек жеткіліксіздігін ауырлатуы, УГФ төмендетуі және плазма гликозидінің деңгейін арттыруы мүмкін.

Циклоспориндер:

Циклоспорин-астасқан нефроуыттылық артуы мүмкін.

Фенилбутазон және пробенецид:

Фенилбутазон және пробенецид жағымсыз әсерлердің туындау қаупін арттыруы мүмкін.

Туберкулезге қарсы препараттар (мысалы, варфарин, гепарин) және серотонинді кері қармаудың селективті тежегіштері (СКҚСТ) (мысалы, флуоксетин) асқазан-ішек жолынан қан кету қаупін арттыруы мүмкін.

Кортикостероидтар:

Асқазан-ішек қан кету қаупі артуы мүмкін.

Такролимус:

Такролимуспен ҚҚСП қолданған кезде, олар нефроуыттылық қаупін арттыруы мүмкін.

Зидовудин:

ҚҚСП препараттары зидовудинмен бірге пайдаланған кезде гематологиялық уыттылық қаупін арттырады.

Мифепристон:

Мифепристонды қабылдағаннан кейін 8-12 күн ішінде ҚҚСП қолдануға болмайды, өйткені ҚҚСП мифепристонның әсерін азайтуы мүмкін.

Хинолонды антибиотик:

Жануарлар бойынша деректер хинолондардың жоғары дозалары ҚҚСП-мен бірге конвульсиялардың даму қаупін арттыра алатынын айғақтайды. Осы себепті конвульсия қаупі ҚҚСП және хинолонды антибиотиктерді бірлесіп пайдаланған кезде артады.

Этодолак қабылдайтын пациенттердегі несеп этодолактың фенольды метаболиттері болуына байланысты несептегі билирубинге (уробилинге) жалған оң реакция беруі мүмкін. Несептегі кетон денелерін анықтау үшін қолданылатын тест-жолақтың диагностикалық әдісі этодолакпен ем қабылдаған кейбір пациенттерде жалған оң нәтижелерге әкелді. Жалпы, бұл құбылыс басқа клиникалық маңызды оқиғалармен байланысты емес. Ешқандай дозаға тәуелділік байқалмады.

Этимодолакпен емдеу сарысулық несеп қышқылы деңгейінің аздаған азаюына байланысты. Клиникалық зерттеулерде емнің 4 аптасынан кейін этанолак (600 мг-нан 1000 мг/күніне дейін) алған артритпен ауыратын науқастарда 1-2 мг/дл орташа төмендеуі байқалды. Содан кейін бұл деңгейлер 1 жыл ем бойына тұрақты болды

Тиоколхикозидке байланысты өзара әрекеттесу

Жуырдағы клиникалық тәжірибені ескере отырып, тиоколхикозид қабынуға қарсы стероидты емес дәрілермен, фенилбутазонмен, анальгетиктермен және невритті, анаболикалық стероидтерді, седативті препараттарды, барбитураттар мен сукцинилхолинді емдеуде қолданылатын препараттармен дұрыс және қауіпсіз енгізіледі.

Тірек-қимыл жүйесіне бұлшықет босаңсытып әсер ететін басқа препараттармен тиоколхикозид қабылдау ұсынылмайды, себебі олар бір-бірінің тиімділігін арттыра алады. Сол себепті, тегіс бұлшықетке әсер ететін басқа дәрілік затпен қолданғанда, сол себеппен жағымсыз әсерді арттыру мүмкіндігінен пациент мұқият бақылауда болуы тиіс.

Дозалау режимі

Басқа ҚҚСП жағдайындағы сияқты, әрбір пациент үшін ең аз дозаны табу қажет.

Ересектерге 1 таблеткадан күніне ең көп дегенде 2 рет, әр 12 сағат сайын қабылдау керек. Емдеу ұзақтығы 7 күн.

Енгізу әдісі және жолы

Ішке, ас ішуге байланыссыз.

Балалар:

Қауіпсіздік мақсаттарында, ол 16 жасқа толмаған пациенттерде қолданылмайды.

Егде жастағы пациенттер:

Егде жаста, әдетте, дозаны түзету қажет емес. Егде жастағы пациенттерде жағымсыз реакциялардың туындау қаупі жоғары. Ең төмен тиімді дозаны, симптомдарды бақылау үшін қажетті ең қысқа уақытты пайдалана отырып, жағымсыз әсерлерді мүмкіндігінше көбірек азайтуға болады. Пациенттер ҚҚСП емі кезінде асқазан-ішектен қан кету қаупіне мұқият бақылануы тиіс. Бүйрек пен бауыр функциясының жасы үлкеюіне қарай төмендегенін ескеру керек.

Бауыр жеткіліксіздігі бар пациенттер:

Бауыр жеткіліксіздігі бар адамдарда этодолак фармакокинетикасы зерттелмеген. Этодолак препаратын енгізгеннен кейін плазмалық ақуыздың байланыстырылуы және толық және еркін этодолактың диспозициясы компенсацияланған бауыр циррозы болған кезде өзгерген жоқ. Бауырдың созылмалы аурулары бар пациенттерде дозаны түзету жиі талап етілмесе де, этодолак клиренсі бауыр функциясына байланысты және бауырдың ауыр жеткіліксіздігі пациенттерде төмендеуі мүмкін.

Бүйрек жеткіліксіздігі бар пациенттер:

Бүйрек жеткіліксіздігі бар адамдарда этодолак фармакокинетикасы зерттелмеген. Этодолак клиренсі этодолакты қабылдағаннан кейін орташа бүйрек жеткіліксіздігі кезінде (креатинин клиренсі 37-88 мл/мин) өзгерген жоқ. Бүйрек элиминациясы этодолак метаболиттерін бөлудің маңызды жолы болып табылатынына қарамастан, бүйрек дисфункциясының жеңіл және орташа ауырлық дәрежесі бар пациенттерде, әдетте, дозаны түзетудің қажеті жоқ. Бүйректің ауыр жеткіліксіздігімен пациенттерде Этодолак препаратының плазма ақуыздарымен байланысуы азаяды. Этодолак препаратын мұндай пациенттерде сақтықпен қолдану керек, өйткені басқа ҚҚСП сияқты кейбір пациенттерде ол бүйрек функциясының одан әрі төмендеуіне әкелуі мүмкін. Этодолак гемодиализден өтетін пациенттерде қаннан айтарлықтай жойылмайды. Бүйрек жеткіліксіздігі бар пациенттерде тиоколхикозид қауіпсіздігі мен тиімділігі зерттелмеген

Мөлдір емес поливинилхлорид/ полиэтилен/ поливинилдихлорид (ПВХ/ПЭ/ПВДХ) үлбірден және баспалы алюминий фольгадан жасалған пішінді ұяшықты қаптамаға 14 таблеткадан салынған.

Пішінді 1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі 2 жыл

Жарамдылық мерзімі өткеннен кейін қолдануға болмайды!