Уральске қаласындағы Кальций Глюконаты Таблеткалары 500 Мг №50 | Борисовский ЗМП

Бір таблетканың құрамында:

белсенді зат – 500 мг кальций глюконаты;

қосымша заттар - тальк, картоп крахмалы, магний стеараты, сусыз коллоидты кремнийдің қостотығы.

Сыртқы түрінің, иісінің, дәмінің сипаттамасы

Дөңгелек, жалпақ цилиндр пішінді, сызығы және ойығы бар ақ түсті таблеткалар.

Кальций тапшылығымен қатар жүретін жай-күйлер. Остеопороз емінде қосымша дәрі ретінде.

- препаратқа аса жоғары сезімталдық

- гиперкальциемия

- несеп-тас ауруы

- тромбозға бейімділік

- нефроуролитиаз

- саркоидоз

- ауыр бүйрек жеткіліксіздігі

- 6 жасқа дейінгі балаларға

- жүрек гликозидтерін бір мезгілде қабылдау

Сақтықпен

- дегидратация

- электролиттік бұзылулар (гиперкальциемия даму қаупі)

- диарея

- мальабсорбция синдромы

- кальцийлік нефроуролитиаз (анамнезде)

- елеусіз гиперкальциурия

- орташа созылмалы бүйрек жеткіліксіздігі

- созылмалы жүрек жеткіліксіздігі

- кең таралған атеросклероз

- гиперкоагуляция

Тиазидті диуретиктер кальцийдің несеппен экскрециясын төмендетеді, бұл гиперкальциемияның даму қаупін арттырады. Жүрек гликозидтерін қабылдайтын пациенттерге кальций препараттары қарсы көрсетілімді. Кальций препараттары тетрациклин қатары препараттарының АІЖ-да сіңуін азайтуы мүмкін, осыған байланысты, осы препараттарды қабылдау арасындағы үзіліс 3 сағаттан кем болмауы тиіс.

Педиатрияда қолдану

6 жасқа дейінгі балалар жасында қолдануға қарсы көрсетілімді.

Егде жастағы пациенттер

Доза ересектердегісімен бірдей. Креатинин клиренсінің төмендеуі мүмкін екенін ескеру керек. Профилактика мен емдеу үшін қолдану ұзақтығын дәрігер белгілейді.

Жүктілік немесе лактация кезінде

Кальций препараттарын D дәруменімен бірге қабылдап жүрген жүкті әйелдерде гиперкальциемияның даму ықтималдығы артады. Кальций препараттарын ұсынылған дозаларда қабылдау шарана үшін қандай да бір теріс зардаптарды туындатпайды, бала емізу кезінде де қолдану қауіпсіз.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсер етпейді.

Ас ішу алдында iшке тағайындалады. Жұтар алдында таблетканы ұсақтау немесе шайнау қажет.

Ересектерде қолдану:

- кальций тапшылығында: тәулігіне 1-3 рет бір таблеткадан;

- остеопороз кезіндегі қосымша ем: тәулігіне 1-3 рет бір таблеткадан.

6 жастан бастап балаларда қолдану:

- кальций тапшылығында: тәулігіне 1-2 рет бір таблеткадан.

Бүйрек функциясының бұзылулары бар тұлғаларда қолдану. Бүйрек функциясының ауыр бұзылуы бар пациенттерде қолдану ұсынылмайды. Бүйрек функциясының ауырлығы бірқалыпты және орташа дәрежедегі бұзылулары бар пациенттерде дозаны немесе қолдану жиілігін арнайы түзету қажет емес.

Бауыр функциясының бұзылулары бар тұлғаларда қолдану. Бауыр функциясының бұзылулары бар пациенттерде дозаны немесе қолдану жиілігін арнайы түзету қажет емес.

Егде жастағы тұлғаларда қолдану. Доза ересектердегісімен бірдей. Креатинин клиренсінің төмендеуі мүмкін екенін ескеру керек.

Кальций тапшылығының профилактикасы мен емдеу үшін қолдану ұзақтығын дәрігер белгілейді және орта есеппен он күннен бір жарым айға дейін созылады.

Артық дозалану жағдайында қабылдау қажет болатын шаралар

Әдейі артық дозалану ықтималдығы аз.

Симптомдары: анорексия, сылбырлық, жүрек айну, құсу, бас ауыру, қатты шөлдеу, бас айналу, қанда мочевина деңгейінің жоғарылауы. Кальций бүйректе, артерия жақтауларында жиналуы мүмкін.

Емі: кальций тұтынуды әбден азайту, гиперкальциемияға ықпал ететін препараттарды (тиазидтер, D дәрумені) тоқтату, сусыздану мен электролит теңгерімсіздігін түзету, қажет болса, ілмекті диуретиктер (фуросемид) тағайындау. Ауыр жағдайларда кальцийдің елеулі мөлшерін перитонеальді диализ арқылы шығаруға болады. Артық дозалану симптомдары бар пациенттер тіке түсетін күн сәулесінің әсерінен аулақ болуы тиіс. Кальциймен артық дозалануды емдегенде бүйрек немесе бауыр функциясының бұзылулары бар пациенттерге ерекше көңіл бөлу керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Қосымша парақты толықтай мұқият оқып шығыңыз. Егер Сіз препаратты қалай қолдану керектігін түсінбесеңіз, медицина қызметкерінің кеңесіне жүгінуді ұсынамыз.

Әдейі артық дозалану ықтималдығы аз.

Симптомдары: анорексия, сылбырлық, жүрек айну, құсу, бас ауыру, қатты шөлдеу, бас айналу, қанда мочевина деңгейінің жоғарылауы. Кальций бүйректе, артерия жақтауларында жиналуы мүмкін.

Емі: кальций тұтынуды әбден азайту, гиперкальциемияға ықпал ететін препараттарды (тиазидтер, D дәрумені) тоқтату, сусыздану мен электролит теңгерімсіздігін түзету, қажет болса, ілмекті диуретиктер (фуросемид) тағайындау. Ауыр жағдайларда кальцийдің елеулі мөлшерін перитонеальді диализ арқылы шығаруға болады. Артық дозалану симптомдары бар пациенттер тіке түсетін күн сәулесінің әсерінен аулақ болуы тиіс. Кальциймен артық дозалануды емдегенде бүйрек немесе бауыр функциясының бұзылулары бар пациенттерге ерекше көңіл бөлу керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Қосымша парақты толықтай мұқият оқып шығыңыз. Егер Сіз препаратты қалай қолдану керектігін түсінбесеңіз, медицина қызметкерінің кеңесіне жүгінуді ұсынамыз.

Сирек:

- жүрек ырғағының бұзылулары және брадикардия

- аллергиялық реакциялар

- гиперкальциемия, аритмия, сананың шатасуы, үрей сезімі, ентігу немесе тыныс тарылуы, аяқтағы ауырлық немесе әлсіздік сезімі

- асқазан-ішек бұзылыстары, жүрек айну, іш қату, диарея

10 таблеткадан поливинилхлоридті үлбірден және дәрілік препараттарды қаптауға арналған пластиктелмеген ПВХ үлбірінен және алюминий фольгадан немесе дәрілік препараттарға арналған алюминий фольга негізіндегі бүктемелі қаптамадан немесе фольга негізінде біріктірілген материалдан жасалған пішінді ұяшықты қаптамаға салады.

10 таблеткадан полиэтиленді беткейі бар қаптамалы қағаздан немесе қағаз және картон негізінде біріктірілген материалдан жасалған пішінді ұяшықсыз қаптамада.

Пішінді ұяшықсыз қаптамалар (қорапшаға салынбаған) медициналық қолдану жөніндегі қазақ және орыс тілдеріндегі нұсқаулықтармен бірге картон қорапқа салынады. Медициналық қолдану жөніндегі нұсқаулықтар саны қаптамалар санына сәйкес келуі тиіс.

1, 2, 3, 5 пішінді ұяшықсыз қаптамадан немесе 1, 2, 3, 5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге хром-эрзац картоннан немесе целлюлоза картоннан жасалған қорапшаға салынады.

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!