Уральске қаласындағы Каптоприл-КМП Таблеткалар 0,025 №20 | Киевмедпрепарат ОАО

- Артериялық гипертензия.

- Жүрек жеткіліксіздігі. Каптоприл қарыншалардың систолалық функциясының төмендеуімен жүректің созылмалы жеткіліксіздігін емдеу үшін, сондай-ақ диуретиктермен, ал қажет болса, дигиталиспен және бета-блокаторлармен біріктірілімде тағайындалады.

- Миокард инфарктісінен кейінгі сол жақ қарынша дисфункциясы:

• миокард инфарктісін өткеруден кейін 24 сағат ішінде жай-күйі тұрақты

пациенттерге каптоприлді қысқа мерзімді (4 апта) емдеу үшін

тағайындауға болады;

• сол жақ қарыншаның симптомсыз дисфункциясымен (лықсыту

фракциясы ≤ 40%) клиникалық жай-күйі тұрақты пациенттерге

препарат симптоматикалық жүрек жеткіліксіздігінің ұзаққа созылатын

профилактикасы үшін көрсетілген.

- I типті қант диабеті бар пациенттерде макропротеинуриямен көрініс беретін диабеттік нефропатия.

- каптоприлге, кез келген қосымша затқа немесе басқа АӨФ тежегіштеріне жоғары сезімталдық;

- ангионевроздық ісіну (оның ішінде анамнездегі, АӨФ тежегіштерін қолданудан кейін, тұқым қуалайтын/идиопатиялық);

- гемодинамикаға әсер ететін бүйрек артерияларының екі жақты стенозы немесе гемодинамикаға әсер ететін жалғыз бүйрек артериясының стенозы;

- порфирия;

- галактоза жақпаушылығы, лапп (Lapp)-лактаза ферментінің тапшылығы, глюкоза-галактозалық мальабсорбция синдромы;

- жүктілік; жүкті болуды жоспарлайтын әйелдерге де қарсы көрсетілімді;

- бала емізу кезеңі:

- жәндіктер уына қарсы десенсибилизациялау емі (анафилактоидтық реакциялар қаупі);

- өткізгіштігі жоғары жарғақшалар/декстрин сульфатымен тығыздығы төмен липопротеиндер аферезі қолданылатын диализ (анафилактоидтық реакциялар қаупі);

- қант диабеті бар пациенттерге немесе бүйрек жеткіліксіздігі (шумақтық сүзілу жылдамдығы < 60 мл/мин/1,73 м2) бар пациенттерге каптоприлді құрамында алискирен бар препараттармен бір мезгілде қолдану:

- ангионевроздық ісінудің жоғары даму қаупіне байланысты каптоприлді сакубитрил/валсартанмен бір мезгілде қолдану;

- балалар мен 18 жасқа дейінгі жасөспірімдерге.

Калий жинақтаушы диуретиктер немесе калиймен тағамдық қоспалар

АӨФ тежегіштері диуретиктер қабылдаудан болатын калий жоғалтуды төмендетеді. Калий жинақтаушы диуретиктер (мысалы, спиронолактон, триамтерен немесе амилорид), калий қоспалары немесе құрамында калий бар тұз алмастырғыштар гиперкалиемияға әкелуі мүмкін. Гипокалиемияның болуы себепті бір мезгілде тағайындалғанда оларды өте сақтықпен және қан сарысуында калий концентрациясын жиі бақылаумен қолдану керек.

Диуретиктер (тиазидтік немесе ілмектік диуретиктер)

Осының алдында үлкен дозаларда диуретиктермен емдеу айналымдағы қан көлемінің азаюына және елеулі гипотонияның даму қаупінің артуына алып келеді. Гипотония әсерін диуретик қабылдауды тоқтату, тұз тұтыну мен сұйықтық ішуді көбейту жолымен немесе емді каптоприлдің төмен дозасынан бастаумен азайтуға болады. Гидрохлоротиазидпен немесе фуросемидпен бір де бір клиникалық мәнді өзара әрекеттесу анықталмады.

РААЖ қосарлы блокадасы

АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану, гипотензия, гиперкалиемияның туындау қаупін арттырады және бүйрек функциясының төмендеуіне (бүйректің жедел жеткіліксіздігін қоса) әкеледі. Сондықтан АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен жасалатын ренин-ангиотензин-альдостерон жүйесінің (РААЖ) қосарлы блокадасы ұсынылмайды. Егер қосарлы блокадамен ем сөзсіз қажет болса, оны дәрігер бүйрек функциясын, электролиттер деңгейін және артериялық қысымды жиі тексерумен қадағалауға алу керек.

Диабеттік нефропатиясы бар пациенттерде АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдануға болмайды.

Артериялық гипотензия

Диуретиктермен ем, ас тұзын шектеулі тұтыну салдарынан, сондай-ақ диарея, құсу немесе гемодиализ салдарынан қан көлемінің азайғаны және/немесе натрий мөлшерінің төмендеуі байқалатын пациенттерде сирек артериялық гипотензия туындауы мүмкін. АӨФ тежегіштерін тағайындау алдында айналымдағы қан көлемін (АҚК), сондай-ақ препараттың ең төмен тиімді дозасын тағайындау мәселесін шешу керек.

Жүрек жеткіліксіздігі бар пациенттер де АӨФ тежегіштерінің қолдану кезінде симптоматикалық гипотензия туындайтын қауіп тобында болады. Сондықтан осындай пациенттерге каптоприлдің төменірек бастапқы дозасын тағайындау ұсынылады. АӨФ тежегіштері мен диуретиктер дозасын арттыруды дәрігердің мұқият қадағалауымен жүргізген жөн.

Цереброваскулярлық және ишемиялық жүрек ауруы бар пациенттерде артериялық қысымның шектен тыс төмендеуі миокард инфарктісі мен инсульттің туындау қаупін арттырады. Гипотония туындаған жағдайда пациент көлденең қалыпта болуы (арқасынан жатқызу), ал қажет болса – натрий хлоридінің 0,9% ерітіндісін енгізу есебінен АҚК көбейту керек.

Реноваскулярлық гипертензия

Бүйрек артерияларының екі жақты стенозы немесе жалғыз бүйрек артериясының стенозы бар пациенттер АӨФ тежегіштерін қабылдағанда гипотония мен бүйрек жеткіліксіздігінің даму қаупі жоғары болады. Ондай жағдайда қан сарысуындағы креатинин деңгейі көрсеткішінің аздаған ауытқуларымен бүйрек функциясы тоқтап қалуы мүмкін, сондықтан осындай пациенттерді емдеуді каптоприлдің шағын дозаларынан және дәрігердің мұқият қадағалауымен бастау, ал емдеу кезінде дозаны титрлеу және бүйрек функциясын тұрақты қадағалау ұсынылады.

Бүйрек функциясының бұзылуы

Бүйрек функциясының бұзылуы (креатинин клиренсі ≤ 40 мл/мин) бар пациенттерге дозаны креатинин клиренсіне сәйкес түзету қажет болады. Осындай пациенттерде каптоприл қабылдау кезінде қан сарысуында калий мен креатинин деңгейін тұрақты бақылап отыру керек.

Ангионевроздық ісіну

АӨФ тежегіштерімен ем кезінде сирек, атап айтқанда, емдеудің алғашқы апталарының ішінде қол-аяқ, бет, ерін, шырышты қабықтардың, тіл, жұтқыншақтың және/немесе дауыс саңылауының ангионевроздық ісінуі дамуы мүмкін. Алайда қалыптан тыс сирек ангионевроздық ісіну АӨФ тежегіштерімен ұзақ уақыт емдеу салдарынан дамуы мүмкін. Ондай жағдайларда дереу емдеуді тоқтату керек. Тіл, дауыс саңылауы және/немесе көмейдің ангионевроздық ісінуі өлімге ұшыратуы мүмкін, сондықтан ондай реакцияларды дереу басу, пациентті ауруханаға жатқызу және оларды симптомдар толық жоғалғанша кемінде 12-24 сағат қадағалау керек.

Интестинальді ангионевроздық ісіну

Сирек жағдайларда АӨФ тежегіштерімен ем аясында жүрек айнумен және құсумен біріккен немесе оларсыз іштің ауыруымен көрініс берген, кейде осының алдындағы беттің ангионевроздық ісінуінсіз және С1-эстеразаның қалыпты деңгейінде интестинальді ісіну (ішектің ангионевроздық ісінуі) дамыды. Диагноз құрсақ қуысына жасалатын КТ, УДЗ немесе хирургиялық араласу кезінде айқындалады. Симптомдар АӨФ тежегіштерін қабылдауды тоқтатудан кейін басылады. Интестинальді ісінудің даму мүмкіндігін АӨФ тежегіштерін қабылдайтын пациенттерде іштің ауыруларының дифференциялық диагностикасы жасалғанда ескеру қажет.

Каптоприлді сакубитрил/валсартанмен бір мезгілде қолдану ангионевроздық ісінудің жоғары даму қаупіне әкеледі. Сакубитрил/валсартанмен емдеу каптоприлдің соңғы дозасынан кейін 36 сағат өткен соң барып жүргізілуі тиіс. Каптоприлмен емдеуге сакубитрил/валсартанның соңғы дозасынан кейін 36 сағат өткен соң барып рұқсат етілген.

Жөтел

АӨФ тежегіштерімен емдеу кезінде жөтелдің туындауы туралы хабарламалар бар. Жөтел емді тоқтатудан кейін басылатын үздіксіз, құрғақ, өнімсіз сипатта болды.

Бауыр жеткіліксіздігі

АӨФ тежегіштері сирек жағдайларда холестаздық сарғаюдан басталатын, кенеттен некроздық гепатитке дейін үдейтін және кейде өліммен аяқталуға алып келетін синдроммен астасады. Осы синдромның даму механизмі түсініксіз күйде қалады. Сондықтан егер АӨФ тежегіштерімен емделу кезінде сарғаю немесе бауыр ферменттері деңгейінің жоғарылауы туындаса, емдеуді дереу тоқтату және пациенттің жай-күйін мұқият қадағалау керек.

Гиперкалиемия

Кейбір пациенттерде, каптоприлді қоса, АӨФ тежегіштерімен емделу барысында қандағы калий деңгейлері артуы мүмкін. Гиперкалиемияның туындау қаупі бүйрек жеткіліксіздігі, қант диабеті бар, калий жинақтаушы диуретиктерді, калий қоспаларын немесе құрамында калий бар тұз алмастырғыштарын немесе гиперкалиемияны туғызуы мүмкін басқа препараттарды (мысалы, гепарин) бір мезгілде қабылдайтын пациенттерде жоғары. Егер жоғарыда атап көрсетілген препараттарды бір мезгілде қабылдау қажет болып саналса, қан сарысуындағы калий деңгейін жүйелі тексеру ұсынылады.

Қолқа немесе митральді клапан стенозы/гипертрофиялық кардиомиопатия

Қолқа немесе митральді клапан стенозы және сол жақ қарыншаның шығу жолының обструкциясы бар пациенттерге АӨФ тежегіштерін абайлап қабылдау керек. Кардиогенді шок және елеулі гемодинамикалық бұзылулар дамуында каптоприл қабылдаудан сақтану қажет.

Литий

Литий мен каптоприл біріктірілімі ұсынылмайды.

Нейтропения/агранулоцитоз

АӨФ тежегіштерін қабылдаған пациенттерде нейтропения/агранулоцитоз, тромбоцитопения және анемияның туындауы туралы хабарламалар бар. Бүйрек функциясы қалыпты және басқа ахуалды ауырлататын факторларсыз пациенттерде нейтропения сирек туындайды.

Каптоприл коллагеноздар (мысалы, жүйелі қызыл жегі, склеродермия) кезінде тамыр зақымдануы бар пациенттерге, антидепрессанттармен, аллопуринолмен немесе прокаинамидпен қатар жүргізілген емде немесе осы факторлар біріккенде, әсіресе, егер бүйрек функциясының бұзылуы бұрыннан бар болса, абайлап қолданылу керек. Осындай пациенттердің кейбірінде кейде антибиотиктермен қарқынды емге реакция бермейтін күрделі инфекция дамуы мүмкін. Егер осындай пациенттерге каптоприл қолданылса, қандағы лейкоциттер санын бақылап отыру, емдеудің басталуына дейін, емдеудің алғашқы 3 айының ішінде 2 апта өткен сайын және одан кейін мезгіл-мезгіл толық қан формуласын тексеру ұсынылады. Пациенттерге инфекцияның кез келген белгілері туралы (мысалы, тамақтың қабынуы, қызба) дереу дәрігерге хабарлау қажеттілігіне және толық лейкоцитарлық формуламен қан талдауын жасауға қатысты нұсқау берілу керек. Егер нейтропения (нейтрофилдер саны 1000/мм3 аз) анықталса немесе күмән тудырса, каптоприл мен басқа қатарлас препаратты дереу тоқтату керек.

Пациенттердің көпшілігінде каптоприл қабылдауды тоқтатудан кейін нейтрофилдер саны жылдам қалып шегіне оралады.

Протеинурия

Протеинурия бүйрек функциясының бұзылуы бар пациенттерде немесе АӨФ тежегіштерінің жоғары дозаларын қабылдағанда туындауы мүмкін. Каптоприл қабылдап жүрген пациенттердің 0,7% шамасында несептегі жалпы ақуыздың күніне 1 г-ден көп деңгейі байқалды. Осы пациенттердің көпшілігінде бүйрек ауруы болды немесе каптоприлдің салыстырмалы жоғары дозаларын (тәулігіне 150 мг-ден көп) қабылдады немесе осы екі фактор да орын алды. Протеинуриясы бар пациенттердің 1/5 бөлігінде нефроздық синдром байқалады. Көпшілік жағдайларда протеинурия каптоприл қабылдауға байланыссыз 6 ай ішінде азаяды немесе жоғалады. Протеинуриясы бар пациенттерде қан сарысуындағы мочевина және креатинин деңгейі сияқты бүйрек функциясының параметрлері сирек өзгереді. Бүйрек ауруын өткерген пациенттерде емдеуді бастар алдында және одан кейін мезгіл-мезгіл несептегі ақуыз деңгейін анықтау (таңғы несептің бірінші бөлігіне тест-жолақтық талдау) керек.

Анафилактоидтық реакциялар

АӨФ тежегіштерін бір мезгілде қабылдап жүрген пациенттерде жарғақ қанаттылар уынан жасалған аллергенмен десенсибилизация кезінде анафилактоидтық реакциялар туындауы мүмкін, бұл сирек жағдайларда өмірге қатер төндіруі мүмкін. Осындай реакциялардан әр десенсибилизация алдында АӨФ тежегіштерімен емді уақытша тоқтату арқылы сақтануға болады, бірақ препаратпен кездейсоқ қайтадан антигендік стимуляциялау кезінде реакциялар қайта туындауы мүмкін. Сондықтан осындай десенсибилизация шарасынан өтетін пациенттерде АӨФ тежегіштерімен емді абайлап жүргізуге кеңес беріледі.

Пациенттерде өткізгіштігі жоғары жарғақшалар қолданылатын диализ/ декстрин сульфатымен тығыздығы төмен липопротеиндер аферезі кезінде анафилактоидтық реакциялар туындағаны туралы хабарламалар болды. Осындай пациенттер үшін диализ, жарғақшаның басқа типін немесе басқа топтың препараттарын қолдану шешімін қабылдау керек.

Хирургиялық араласу/анестезия

Күрделі хирургиялық араласу жағдайында анестезия қолданылғанда пациенттерде артериялық гипотензия туындауы мүмкін. Артериялық қысым төмендегенде АҚК толықтыру ұсынылады.

Қант диабеті

Диабетке қарсы пероральді препараттар немесе инсулин қабылдайтын қант диабеті бар пациенттерде АӨФ тежегіштері қатарлас қолданылған алғашқы ай ішінде қандағы гликемия деңгейін мұқият бақылап отыру керек.

Этностық ерекшеліктер

Басқа да АӨФ тежегіштері сияқты, каптоприл қара нәсілді пациенттер үшін тиімділігі аз гипертензияға қарсы препарат болып табылады, бұл төмен ренинді эссенциялық артериялық гипертензияның көп таралуы салдарынан болуы мүмкін.

Лактоза

Препарат құрамында лактоза моногидраты бар, сондықтан анықталған галактоза жақпаушылығы, лапп (Lapp)-лактаза ферментінің тапшылығы, глюкоза-галактоза мальабсорбциясы синдромы кезінде қарсы көрсетілімді.

Балалар

Балалар және 18 жасқа дейінгі жасөспірімдер үшін каптоприл тиімділігі мен қауіпсіздігі жеткіліксіз зерттелген. Сондықтан препарат балалар мен 18 жасқа дейінгі жасөспірімдерге қарсы көрсетілімді.

Дозалау режимі

Дозаны пациент ауруының сипатына және емдеуге жауап ретіндегі артериялық қысым реакциясына байланысты түзету керек.

Артериялық гипертензия

Каптоприлдің ұсынылатын бастапқы дозасы тәулігіне 2 қабылдауға бөлінген 25-50 мг құрайды. Қол жеткізілген артериялық қысымға қарай, 2-4 апта емделуден соң дозаны тәулігіне 2 қабылдауға бөлінген 100-150 мг дейін титрлеуге болады. Каптоприлді бөлек немесе гипертензияға қарсы басқа препараттармен, әсіресе, тиазидтік диуретиктермен қолдануға болады. Тиазидтік диуретик сияқты гипертензияға қарсы қатарлас препарат қосылғанда тәулігіне 1 рет дозалау режимін қолдануға болады.

Ренин-ангиотензин-альдостерон жүйесінің белсенділігі жоғары (гиповолемия, реноваскулярлық гипертензия, декомпенсацияланған жүрек жеткіліксіздігі) пациенттерге емді бір реттік 6,25 мг немесе 12,5 мг дозасынан бастаған дұрыс. Каптоприл 12,5 мг дозадан аз тағайындалған жағдайда осылай дозалау мүмкіндігімен каптоприлдің басқа препараттарын қолдану керек.

Осы емдеуді бастау мұқият медициналық қадағалаумен жүзеге асады, келесі жолы препарат тәулігіне 2 рет қабылданады. Дозаны 1 немесе 2 қабылдауға 50 мг немесе 100 мг дейін біртіндеп арттыруға болады.