Қолдану көрсеткіштері
Эпилепсия
Ересектер мен 13 жастағы және одан асқан жасөспірімдер
- қосымша немесе монотерапия ретінде тонусты-клонустық ұстамаларды қоса, ішінара және жайылған ұстамаларды емдеуде.
- Леннокс-Гасто синдромымен байланысты құрысулар: қосымша ем құрамында, бірақ бастапқы эпилепсияға қарсы препарат (ЭҚП) ретінде де пайдаланылуы мүмкін.
2 жастан 12 жасқа дейінгі балалар мен жасөспірімдер
- қосымша немесе монотерапия ретінде тонусты-клонустық ұстамалар мен Леннокс-Гасто синдромымен байланысты ұстамаларды қоса, ішінара және жайылған ұстамаларды емдеуде.
- қарапайым шағын эпилепсиялық ұстамалардың монотерапиясында.
Биполярлы бұзылыс
18 және одан жоғары жастағы ересектер
- негізінен депрессиялық фазаларды бастан кешіретін I типті биполярлы бұзылысы бар пациенттерде депрессиялық эпизодтардың профилактикасында.
Ламотрикс жедел маниакальді немесе депрессиялық эпизодтарды емдеу үшін көрсетілмеген.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші зат ламотриджинге немесе қосымша заттардың кез келгеніне аса жоғары сезімталдық
- тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге
Қолдану кезіндегі қажетті сақтандыру шаралары
Тері бөртпесі
Ламотриджинмен ем басталғаннан кейінгі алғашқы 8 апта ішінде бөртпелер түріндегі тері реакциялары байқалуы мүмкін. Бөртпелердің көпшілігі жұмсақ және өздігінен кетеді, бірақ науқасты ауруханаға жатқызуды және ламотриджинді қабылдауды тоқтатуды қажет ететін бөртпелердің пайда болу қаупі бар. Бұл реакцияларға Стивенс-Джонсон синдромы (SJS) және уытты эпидермальді некролиз (TEN) сияқты өмірге қауіп төндіретін терінің зақымдануы, сондай-ақ аса жоғары сезімталдық синдромы (HSS) деп аталатын эозинофилиямен және жүйелік белгілермен дәрілік реакция (DRESS синдромы) кірді.
Балаларда терінің ауыр бөртпесінің даму қаупі ересектерге қарағанда жоғары.
Балаларда бөртпенің алғашқы көріністері инфекция ретінде қате қабылдануы мүмкін, сондықтан дәрігерлер емнің алғашқы 8 аптасында бөртпе мен қызбаның дамуымен көрінетін препаратқа балалардың реакция жасау мүмкіндігін ескеруі керек.
Одан басқа, бөртпенің жалпы қаупі көбінесе мыналармен байланысты:
ламотриджиннің бастапқы жоғары дозасымен және ламотриджин дозасын арттырудың ұсынылатын режимінен асып кетуімен;
вальпроаттарды қатарлас қолданумен.
Анамнезінде аллергиялық реакциялары немесе басқа ЭҚП қабылдауға жауап ретінде бөртпесі бар пациенттерді емдеу кезінде де сақтық қажет, өйткені осындай анамнезі бар пациенттерде елеусіз бөртпелердің даму жиілігі ламотриджинді қолдану кезінде осындай анамнезбен ауыртпалығы жоқ пациенттерге қарағанда үш есе жиі байқалған.
Бөртпе пайда болған барлық пациенттер (ересектер мен балалар) дереу тексерілуі тиіс, бөртпенің дамуы ламотриджинмен емдеумен байланысты емес жағдайларды қоспағанда, Ламотрикс препаратын қабылдау дереу тоқтатылуы тиіс. Ламотрикс препаратын, егер күтілетін пайда қауіптен айқын аспаса, оның алдын ала тағайындалуы бөртпенің дамуына байланысты тоқтатылған жағдайларда, оны қабылдауды қайта бастау ұсынылмайды. Ламотриджинді қолдану кезінде пациентте SJS, TEN немесе DRESS дамыған жағдайда ламотриджинмен емдеуді ешқашан жалғастыруға болмайды.
Бөртпе қызба, лимфаденопатия, бет ісінуі, гематологиялық бұзылулар, бауыр функциясының бұзылуы және асептикалық менингитті қоса алғанда, әртүрлі жүйелік симптомдардың көрінуімен байланысты аса жоғары сезімталдық синдромының бөлігі болуы мүмкін. Синдромның көріну ауырлығы кең шектерде ауытқиды және сирек жағдайларда диссеминацияланған тамырішілік ұю синдромының және көп ағзалық жеткіліксіздіктің дамуына әкелуі мүмкін. Айта кету керек, аса жоғары сезімталдық синдромының ерте көріністері (мысалы, қызба, лимфаденопатия) бөртпелердің айқын көріністері болмаса да байқалады. Осындай симптомдардың дамуы кезінде пациентті дереу дәрігер қарауы керек және егер симптомдардың басқа себебі анықталмаса, Ламотрикс препаратын тоқтату керек.
Асептикалық менингиттің дамуы көптеген жағдайларда препаратты тоқтатқанда қайтымды болды және бірқатар жағдайларда оны қайта қолданғанда қайта басталды. Қайта қолдану симптомдардың тез оралуына әкелді, олар көбінесе ауыр болды. Ламотрикс препараты емдеуді тоқтату алдыңғы ламотриджинмен емдеуге байланысты асептикалық менингитпен байланысты пациенттерге қайта тағайындалмайды.
Сондай-ақ ламотриджинді қолданумен байланысты фотосезімталдық реакциялары болуы байқалған. Бірнеше жағдайда реакция жоғары дозада (400 мг және одан жоғары), дозаның жоғарылауымен немесе титрлеудің тез жоғарылауымен жүрді. Ламотриджинмен байланысты фотосезімталдыққа күдік туындаған кезде фотосезімталдық белгілері бар пациентте (мысалы, күнге күю) емдеуді тоқтату туралы мәселені қарау керек. Егер ламотриджинмен емдеуді жалғастыру клиникалық тұрғыдан ақталған болып саналса, пациентке күн сәулесінің және жасанды ультракүлгін сәулеленудің әсерінен аулақ болуды және қорғаныс шараларын қабылдауды (мысалы, қорғаныш киімді және күннен қорғайтын кремдерді пайдалану) ұсынған жөн.
Клиникалық көріністеулердің күшеюі және суицидтік қауіп
Бірнеше көрсеткіштер бойынша ЭҚП қабылдаған пациенттерде суицидтік ойлар мен суицидтік мінез-құлық байқалды. Бұл қауіптің механизмі белгісіз және қолжетімді деректер ламотриджинді қолдану кезінде қауіптің арту мүмкіндігін жоққа шығармайды.
Осылайша, суицидтік ойлар мен мінез-құлық белгілерін анықтау үшін пациенттер мұқият бақылауда болуы керек, тиісті емдеу қамтамасыз етілуі керек. Пациенттер (және пациенттерге күтім жасайтын адамдар) суицидтік ойлар мен суицидтік мінез-құлық туындаған кезде медициналық кеңес алу қажеттігі туралы хабардар етілуге тиіс. Биполярлы аффективті бұзылысы бар пациенттерде Ламотриксті қоса алғанда, биполярлы аффективті бұзылуды емдеу үшін дәрілік препараттарды қолдануға қарамастан, депрессия симптомдары күшеюі және/немесе суицидтік ойлар/мінез-құлық белгілері білінуі мүмкін. Сондықтан биполярлы аффективті бұзылуды емдеу үшін Ламотрикс қабылдайтын пациенттерді, әсіресе емдеу курсының басында немесе дозаның өзгеруі кезінде клиникалық көріністердің (жаңа симптомдардың дамуын қоса алғанда) және суицидтік ойлардың/мінез-құлықтың күшеюін анықтау мақсатында мұқият бақылау керек. Кейбір пациенттерде, мысалы, анамнезінде суицидтік мінез-құлқы немесе ойлары бар, ересек жас пациенттерде және емдеу басталғанға дейін суицидтік ойлау қабілеті айқын пациенттерде суицидтік ойлардың немесе суицидтік әрекеттерінің пайда болу қаупі жоғары болуы мүмкін және оларды емдеу кезінде мұқият бақылау қажет.
Препаратты қолдануды тоқтату мүмкіндігін қоса алғанда, емдеу режимін өзгерту мүмкіндігін клиникалық көріністеулердің күшеюі (жаңа симптомдардың дамуын қоса алғанда) және/немесе суицидтік ойлау/мінез-құлық пайда болуы бар пациенттерде, әсіресе, егер бұл симптомдар ауыр сипатта болса, кенеттен пайда болса немесе бұрын пациентте болған симптомдардың бір бөлігі болып табылмаса қарастырған жөн.
Гормональді контрацептивтер
Гормональді контрацептивтердің ламотриджиннің тиімділігіне әсері
Біріктірілген этинилэстрадиол/левоноргестрел препаратын (30 мкг/150 мкг) қолдану ламотриджин клиренсін шамамен 2 есе арттырады, бұл ламотриджин деңгейінің төмендеуіне әкеледі. Ламотриджин деңгейінің төмендеуі ұстаманы бақылауды жоғалтумен байланысты. Дозаны титрлегеннен кейін ең жоғары емдік әсерге қол жеткізу үшін көп жағдайда ламотриджиннің демеуші дозаларын арттыру қажет, бірақ 2 еседен артық емес. Гормональді контрацептивтерді қабылдауды тоқтатқан кезде ламотриджин клиренсі екі есе азаюы мүмкін. Ламотриджин деңгейінің жоғарылауы дозаға байланысты жағымсыз реакциялардың дамуымен қатар жүруі мүмкін. Осындай реакцияларды анықтау мақсатында пациенттерді бақылау керек.
Ламотриджиннің глюкурондау индукторларын қабылдамайтын және емдеу схемасы препаратты қабылдаудан бос аптаны (яғни контрацептивті қабылдаудағы апталық үзілісті) қамтитын гормональді контрацептивтерді қабылдайтын әйелдерде осы уақыт кезеңінде ламотриджин деңгейінің біртіндеп транзиторлы жоғарылауы байқалатын болады. Осы тәртіптегі ламотриджин деңгейінің өзгеруі жағымсыз реакциялардың пайда болуымен байланысты болуы мүмкін. Сондықтан, бірінші таңдау препараттары ретінде контрацептивті қолданбай бір аптаны қамтымайтын контрацептивтерді қабылдау мүмкіндігін қарастыру керек (мысалы, үздіксіз гормональді контрацептивтер немесе гормональді емес әдістер).
Басқа пероральді контрацептивтер немесе гормонды алмастыратын терапия және ламотриджин арасындағы өзара әрекеттесу зерттелмеген, алайда бұл препараттар ламотриджиннің фармакокинетикалық параметрлеріне ұқсас әсер етуі мүмкін.
Ламотриджиннің гормональді контрацептивтердің тиімділігіне әсері
16 дені сау еріктілердің қатысуымен жүргізілген өзара іс-қимылды зерттеуде ламотриджин мен гормональді контрацептивті (этинилэстрадиол/левоноргестрел біріктірілімі) бірге қолдану левоноргестрел клиренсінің орташа жоғарылауына және қан сарысуындағы ФСГ және ЛГ деңгейінің өзгеруіне әкелетіні көрсетілген. Бұл өзгерістердің аналық бездердің овуляциялық белсенділігіне әсері белгісіз. Алайда, ламотриджин мен гормоналды контрацептивтерді қабылдайтын кейбір пациенттерде бұл өзгерістер контрацептивтер тиімділігінің төмендеуіне әкелуі мүмкін. Сондықтан мұндай пациенттерге етеккір оралымының өзгеруі туралы, мысалы, етеккіраралық қан кету туралы дереу дәрігерге хабарлау қажеттілігі туралы нұсқау беру керек.
Дигидрофолатредуктаза
Ламотрикс дигидрофол қышқылының редуктазасына болмашы тежегіш әсер етеді, сондықтан ұзақ ем кезінде фолаттар метаболизміне әсер ету ықтималдығы бар. Алайда, ламотриджин қолдану ұзақтығы 1 жылға дейін гемоглобин деңгейінің, эритроциттердің орташа көлемінің, эритроциттердегі немесе қан сарысуындағы фолаттар деңгейінің елеулі өзгерістерін туғызбады және қолдану ұзақтығы 5 жылға дейін эритроциттердегі фолаттар деңгейін төмендетпеді.
Бүйрек жеткіліксіздігі
Бүйрек жеткіліксіздігінің терминальді сатысы бар пациенттерде ламотриджинді бір рет қолданатын зерттеулерде қан плазмасындағы ламотриджин деңгейінің айтарлықтай өзгеруі анықталған жоқ. Алайда глюкуронидті метаболиттің жинақталуы өте ықтимал, сондықтан бүйрек жеткіліксіздігі бар пациенттерді емдеу кезінде сақ болу қажет.
Құрамында ламотриджин бар басқа препараттарды қабылдайтын пациенттер
Ламотрикс препаратын дәрігердің кеңесінсіз құрамында ламотриджин бар қандай да бір басқа препараттарды қабылдап жүрген пациенттерге тағайындауға болмайды.
Қосымша заттар
Ламотрикс құрамында лактоза моногидраты бар. Тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге Ламотрикс тағайындауға болмайды.
Балалардың дамуы
Ламотриджиннің балалардың өсуіне, жыныстық және танымдық жетілуіне, эмоционалды және мінез-құлық дамуына әсері туралы деректер жоқ.
Эпилепсияға қатысты сақтық шаралары
Ламотрикс препаратын басқа ЭҚП сияқты күрт тоқтату құрысулардың дамуына түрткі болуы мүмкін. Егер емді күрт тоқтату қауіпсіздік талабы болып табылмаса (мысалы, бөртпе пайда болғанда), Ламотрикс препаратының дозасын 2 апта ішінде біртіндеп төмендету керек.
Азайтудың орнына ұстамалардың даму жиілігінің клиникалық мәнді ұлғаюы байқалуы мүмкін. Ұстаманың бір түрінен көп зардап шегетін пациенттерде ұстаманың бір түрін бақылау түріндегі пайда басқа ұстаманың кез келген нашарлауымен байланысты болуы керек.
Ламотриджинді қолданған кезде миоклонустық ұстамалар күшеюі мүмкін.
Бар деректер ламотриджинмен фермент индукторларымен біріктіріп емдеуге жауап бауыр ферменттерін индукцияламайтын ЭҚП-мен біріктірілгенге қарағанда аз білінеді деп болжауға мүмкіндік береді. Бұл құбылыстың себебі түсініксіз болып қалады.
Типтік абсанстарды емдеу үшін ламотриджин қабылдайтын балаларда препараттың тиімділігі барлық пациенттерде сақталмауы мүмкін.
Биполярлы бұзылыс кезіндегі сақтық шаралары
Балалар мен 18 жасқа дейінгі жасөспірімдер
Антидепрессанттармен емдеу ауыр дәрежелі депрессиялық бұзылулары және басқа да психикалық бұзылулары бар балалар мен жасөспірімдерде суицидтік ойлар мен мінез-құлықтың даму қаупінің артуымен қатар жүреді.
Гемофагоцитарлы лимфогистиоцитоз (ГЛГ)
Ламотриджин қабылдайтын пациенттерде ГЛГ даму жағдайлары тіркелген. ГЛГ өмірге қауіп төндіретін иммундық жүйенің патологиялық белсендіру синдромы болып табылады. Ол қызба, бөртпе, неврологиялық симптомдар, гепатоспленомегалия, лимфаденопатия, цитопения, ферритиннің сарысулық концентрациясының жоғарылауы, гипертриглицеридемия және бауыр функциясының бұзылуы және қанның ұюы сияқты клиникалық белгілермен және симптомдармен сипатталады. Әдетте, симптомдар емдеу басталғаннан кейін 4 апта ішінде пайда болады. Көрсетілген белгілер мен симптомдар дамитын пациенттерді шұғыл тексеру және ГЛГ диагнозын қарау қажет. Егер баламалы этиологияны анықтау мүмкін болмаса, ламотриджинмен емдеуді тоқтату керек.
Жүрек-қантамыр жүйесі
Жүрек аурулары бар пациенттерде ламотриджинді қолдану кезінде жүрек ырғағымен проблемалардың даму қаупінің жоғарылауы.
Басқа дәрілік препараттармен өзара әрекеттесуі
УДФ-глюкуронилтрансферазалар ламотриджинді метаболиздейтін ферменттер болып табылады. Ламотриджиннің дәрілік препараттарды метаболиздейтін бауырдың тотығу ферменттерінің мәнді индукциясын немесе тежелуін туғызу қабілеті және ламотриджин мен Р450 цитохромының изоферменттерімен метаболизденетін препараттар арасындағы өзара әрекеттесу ықтималдығы туралы деректер жоқ. Ламотриджин өзінің метаболизмін қоздыруы мүмкін, бірақ бұл әсер орташа және клиникалық маңызды салдары болуы екіталай.
