Уральске қаласындағы Мелоксикам Суппозиторийлері 7,5 Мг №10 | Farmaprim SRL

Бір суппозиторий құрамында

белсенді зат - 7,5 мг немесе 15 мг мелоксикам,

қосымша зат: қатты май.

Сыртқы түрінің, иісінің, дәмінің сипаттамасы

Цилиндрконус пішінді, сарғыш реңді ақтан ашық сары түске дейінгі суппозиторийлер.

Остеоартроздың өршуін қысқа мерзімді симптоматикалық емдеуде.

Ревматоидты артритті, шорбуынданатын спондилитті ұзақ мерзімді симптоматикалық емдеуде.

мелоксикамға немесе қосымша заттарының кез келгеніне аса жоғары сезімталдық

ҚҚСП, ацетилсалицил қышқылы сияқты әсері ұқсас заттарға аса жоғары сезімталдық. Мелоксикам ацетилсалицил қышқылын немесе басқа ҚҚСП қабылдағаннан кейін бронх демікпесінің симптомдары, мұрын полиптері, ангионевроздық ісіну, есекжем дамыған пациенттерге қарсы көрсетілімде

анамнездегі алдыңғы ҚҚСП еміне байланысты асқазан-ішек қан кетулері немесе тесілулер

анамнездегі белсенді немесе қайталанатын пептидтік ойық жара / қан кетулер (ойық жара немесе қан кетулердің екі немесе одан көп расталған жағдайлары)

проктит және ректальді қан кетулерді өткергенде

бауырдың ауыр жеткіліксіздігі

бүйректің гемодиализ жүргізілмейтін ауыр жеткіліксіздігі

жүректің ауыр жеткіліксіздігі

аортокоронарлық шунттаудан кейінгі операция кезіндегі ауыруларды емдеу үшін қолданылмайды

анамнездегі асқазан-ішек қан кетулері, цереброваскулярлық қан кету немесе қан ұюының басқа бұзылулары

жүктіліктің III триместрі

16 жасқа дейінгі жасқа дейінгі балалар мен жасөспірімдерге

Қолдану кезіндегі қажетті сақтандыру шаралары

Емдік әсер жеткіліксіз болған жағдайда, емдік басымдығы расталмағанда уыттылықтың жоғарылауы мүмкіндігіне байланысты препараттың ең жоғары ұсынылатын тәуліктік дозасынан асыруға және/немесе басқа ҚҚСП бір мезгілде тағайындауға болмайды.

Препаратты циклооксигеназа-2 селективті тежегіштерін қоса, басқа ҚҚСП-мен бір мезгілде қолданудан аулақ болу керек

Препаратты пациенттерге жедел ауырсынуды бәсеңдету үшін қолдану ұсынылмайды.

Егер препаратты бірнеше күн бойы қолданғанда клиникалық жақсару байқалмаса, емдеу тактикасын қайта қарастыру қажет.

Мелоксикам емін бастар алдында олардың толық емделуін қамтамасыз ету үшін анамнезіндегі эзофагитке, гастритке және/немесе пептидтік ойық жарасына назар аудару керек. Мелоксикаммен емделген пациенттерде және анамнезінде осындай жағдайлары бар пациенттерде қайталану болу мүмкіндігіне үнемі назар аудару керек.

Асқазан-ішек жолдарындағы әсері

Анамнезінде бұрын симптомдары немесе асқазан-ішек жолдарының күрделі аурулары болғанда немесе болмаған жағдайда да басқа ҚҚСП қолданудағы сияқты, өлімге әкелуі мүмкін асқазан-ішектен қан кету, ойық жара немесе перфорация емдеу процесінде кез-келген уақытта пайда болуы мүмкін.

Анамнезінде ойық жарасы бар, әсіресе қан кету немесе перфорациямен асқынған пациенттерде және егде жастағы пациенттерде ҚҚСП дозасын ұлғайтқанда асқазан-ішектен қан кету, ойық жара немесе перфорация қаупі жоғарылайды. Бұл жағдайда емдеуді ең аз тиімді дозадан бастау керек. Мұндай пациенттерге, сондай-ақ ацетилсалицил қышқылының төмен дозаларын немесе асқазан-ішек жолдарының қаупін арттыратын дәрілік препараттарды бір мезгілде қабылдайтын пациенттерге қорғаныс дәрілік заттарымен (мысалы, мисопростол немесе протон помпасының тежегіштерін) біріктірілген емді қабылдаған дұрыс.

Анамнезінде асқазан-ішек аурулары бар пациенттер, әсіресе егде жастағылар, іш аумағының кез-келген ерекше симптомдары туралы (әсіресе асқазан-ішектен қан кету), негізінен емдеудің бастапқы сатысында хабарлауы тиіс. Ойық жара немесе қан кету қаупін арттыруы мүмкін препараттарды бір мезгілде қабылдайтын пациенттерге, мысалы, емдік дозалардағы гепаринге немесе гериатрияда қолданғанда, варфарин немесе басқа ҚҚСП сияқты антикоагулянттарға, соның ішінде қабынуға қарсы дозалардағы ацетилсалицил қышқылына (бір реттік дозада≥1г немесе жалпы тәуліктік дозада ≥3 г) қатысты сақ болу керек .

Асқазан-ішектен қан кету немесе пептидтік ойық жара пайда болғанда мелоксикаммен емдеуді тоқтату керек.

Симптомдардың өршуі мүмкіндігіне байланысты ҚҚСП анамнезінде асқазан-ішек аурулары бар пациенттерге (ойық жаралы колит, Крон ауруы) сақтықпен тағайындалуы керек.

Жүрек-қан тамырлары және цереброваскулярлық әсерлер

Анамнезінде артериялық гипертензиясы және / немесе жеңіл және орташа дәрежедегі іркілісті жүрек жеткіліксіздігі бар пациенттерді мұқият бақылау ұсынылады, өйткені ҚҚСП емінде сұйықтықтың іркілуі және ісіну байқалды.

Қауіп факторлары бар пациенттерге емнің басында, әсіресе мелоксикаммен емдеу курсының басында артериялық қан қысымына клиникалық мониторинг жүргізу ұсынылады.

Клиникалық зерттеулер мен эпидемиологиялық деректер кейбір ҚҚСП (әсіресе жоғары дозаларда және ұзақ мерзімді емдеуде) қолдану артериялық тромбоздық асқынулардың (мысалы, миокард инфарктісі немесе инсульт) қаупінің шамалы жоғарылауымен байланысты болуы мүмкін екенін айғақтайды. Мелоксикам үшін мұндай қауіпті жоққа шығару үшін деректер жеткіліксіз.

Бақыланбайтын артериялық гипертензиясы, іркілісті жүрек жеткіліксіздігі, жүректің анықталған ишемиялық ауруы, шеткері артерия аурулары және/немесе цереброваскулярлық аурулары бар пациенттерге мелоксикам терапиясын мұқият тексеруден кейін ғана жүргізу керек. Мұндай тексеруді жүрек-қан тамырлары ауруларының қауіп факторлары (артериялық гипертензия, гиперлипидемия, қант диабеті, шылым шегу сияқты) бар пациенттерді ұзақ мерзімді емдеу басталғанға дейін жүргізу қажет.

Тері реакциялары

ҚҚСП қолдану кезінде терінің күрделі реакциялары (олардың кейбіреулері өліммен аяқталады), соның ішінде эксфолиативті дерматит, Стивенс-Джонсон синдромы және уытты эпидермалық некролиз туралы өте сирек хабарланды. Бұл реакциялардың дамуының көбірек қаупі емдеу курсының басында, көп жағдайларда емдеудің бірінші айында байқалады. Тері бөртпесі, шырышты қабықтың зақымдануы немесе жоғары сезімталдықтың басқа белгілері алғаш пайда болған кезде препаратты қолдануды тоқтату керек. Дәрігерден алдын-ала кеңес алмай, осы препаратпен емдеуді қайта бастауға болмайды.

Егер сізде мелоксикамды немесе басқа оксикамдар (мысалы, пироксикам) қабылдағаннан кейін тұрақты дәрілік бөртпе пайда болса (әдетте сол аймақта(ларда) қайталанатын терінің дөңгелек немесе сопақша қызаруы және ісінуі), күлдіреуіктер, есекжем және қышыну) болса, мелоксикамды қабылдамас бұрын дәрігеріңізбен немесе фармацевтпен кеңесіңіз.

Бауыр мен бүйрек функциясының көрсеткіштері

ҚҚСП көпшілігімен емдеудегі сияқты, қан сарысуындағы трансаминазалардың, билирубиннің немесе бауыр функциясының басқа көрсеткіштерінің жоғарылауының сирек жағдайлары, сондай-ақ қандағы креатинин мен мочевина азотының концентрациясының жоғарылауы және зертханалық көрсеткіштердің басқа ауытқулары сипатталған. Көп жағдайларда бұл өзгерістер елеусіз және уақытша болды. Айқын және тұрақты өзгерістер пайда болған жағдайда емдеуді тоқтатып және бақылау тесттерін жүргізу керек.

Бүйректің функционалдық жеткіліксіздігі

Бүйрек простагландиндерінің қантамырларын кеңейтетін әсерін тежеу есебінен ҚҚСП шумақтық сүзілістің төмендеуіне байланысты функционалды бүйрек жеткіліксіздігін тудыруы мүмкін. Бұл жағымсыз реакция дозаға тәуелді болады. Емдеудің басында немесе препараттың дозасын жоғарылатқаннан кейін келесі қауіп факторлары бар пациенттерде диурезді және бүйрек функциясын мұқият мониторингтеу ұсынылады:

егде жас;

АӨФ тежегіштерімен, ангиотензин II рецепторларының антагонистерімен, сартандармен, диуретиктермен қатарлас емдеу;

генезі әртүрлі гиповолемия;

жүректің іркілісті жеткіліксіздігі;

бүйрек жеткіліксіздігі;

нефроздық синдром;

жегілік нефрит;

бауыр функциясының ауыр бұзылуы (сарысулық альбумин <25 г/л немесе Чайлд-Пью шкаласы бойынша ≥10 балл).

Сирек жағдайларда ҚҚСП интерстициальді нефритті, гломерулонефритті, папиллярлық некрозды немесе нефроздық синдромға себеп болуы мүмкін.

Бүйректің терминалдық жеткіліксіздігі бар, гемодиализ жүргізілетін пациенттерде мелоксикамның дозасы 7,5 мг аспауы тиіс. Бүйректің жеңіл және орташа дәрежедегі жеткіліксіздігі бар пациенттерде (яғни, креатинин клиренсі ˃25 мл/мин пациенттерде) дозасын төмендету қажет емес

Натрий, калий және судың іркілуі

ҚҚСП натрийдің, калийдің және судың іркілуін күшейтуі мүмкін және диуретиктердің натрийуретиктік әсеріне ықпалы болуы мүмкін. Сондай-ақ гипотензиялық препараттардың антигипертензиялық әсері төмендеуі мүмкін. Нәтижесінде, бейімділігі бар пациенттерде, ісінулер, жүрек жеткіліксіздігі белгілері немесе артериялық гипертензия күшеюі ықтимал. Бұл пациенттерге клиникалық бақылау ұсынылады.

Гиперкалиемия

Гиперкалиемияға қант диабеті немесе калиемияны арттыратын дәрілік препараттарды бір мезгілде қолдану ықпал етуі мүмкін. Бұндай жағдайларда қандағы калий деңгейіне жүйелі түрде бақылау жүргізу керек.

Басқа да ескертулер мен сақтық шаралары

Жағымсыз реакцияларды көбінесе мұқият бақылауды қажет ететін егде жастағы пациенттер, әлсіз немесе әлсіреген науқастар қиындықпен өткереді. Басқа ҚҚСП емдеудегі сияқты, бүйрек, бауыр және жүрек функциясы тарапынан бұзылу ықтималдығы жоғары, егде жастағы пациенттерге сақтықпен тағайындау керек. Егде жастағы пациенттерде ҚҚСП қолдану кезінде жағымсыз реакциялардың, әсіресе асқазан-ішектен қан кету және өлімге әкелуі мүмкін тесілулер пайда болу жиілігі жоғары.

Мелоксикам, сондай-ақ басқа ҚҚСП сияқты, негізгі инфекциялық аурудың симптомдарын бүркемелеуі мүмкін.

Басқа дәрілік препараттармен өзара әрекеттесуі

Өзара әрекеттесуінің зерттеулері тек ересектерде жүргізілді.

Гиперкалиемиямен байланысты қауіптер

Белгілі бір дәрілік препараттар немесе емдік топтар гиперкалиемияның дамуына ықпал етуі мүмкін: калий тұздары, калий жинақтайтын диуретиктер, ангиотензин-өзгертуші фермент (АӨФ) тежегіштері, ангиотензин II рецепторының антагонистері, қабынуға қарсы стероидты емес препараттар, (төмен молекулалы немесе фракцияланбаған) гепариндер, циклоспорин, такролимус және триметоприм.

Гиперкалиемияның басталуы астасатын факторлардың бар-жоқтығына тәуелді болуы мүмкін.

Бұл қауіп жоғарыда атап келтірілген дәрілік препараттарды мелоксикаммен бірге қабылдағанда жоғарылай түседі.

Фармакодинамикалық өзара әрекеттесулері

Басқа ҚҚСП және ацетилсалицил қышқылы ≥3 г тәуліктік дозада: қабынуға қарсы дозаларда (бір реттік дозада ≥1 г немесе жалпы тәуліктік дозада ≥3 г) ацетилсалицил қышқылын қоса алғанда, басқа ҚҚСП-мен бір мезгілде қолдану ұсынылмайды .

Кортикостероидтар (мысалы, глюкокортикоидтар): АІЖ қан кету немесе ойық жара пайда болуы қаупінің жоғарылығына байланысты, кортикостероидтарды бір мезгілде қолданғанда ерекше сақ болу керек.

Антикоагулянттар немесе гепарин, гериатрияда немесе емдік дозаларда қолданылатын: тромбоциттер функциясының бәсеңдеуі және АІЖ шырышты қабығының зақымдалуы салдарынан қан кету қаупі едәуір жоғарылайды. ҚҚСП варфарин сияқты антикоагулянттардың әсерін күшейтуі мүмкін. ҚҚСП және антикоагулянттарды немесе гепаринді гериатриялық тәжірибеде немесе емдік дозаларда бір мезгілде қолдану ұсынылмайды.

Басқа жағдайларда (мысалы, превентивтік дозаларда тағайындағанда) гепаринді қабылдағанда, қан кету қаупінің жоғарылығына байланысты сақтық таныту қажет.

Егер мұндай біріктірілімдегі препараттарды тағайындаудан аулақ болу мүмкін болмаса, ХҚҚ мұқият мониторингтеу қажет.

Тромболизистік және антиагреганттық препараттар: тромбоциттер функциясының бәсеңдеуіне және АІЖ шырышты қабығының зақымдалуына байланысты қан кету қаупінің жоғарылауы.

Серотонинді кері қармаудың селективті тежегіштері: асқазан-ішектен қан кетудің жоғары қаупі .

Диуретиктер, ангиотензин-өзгертуші фермент тежегіштері (АӨФ), ангиотензин II рецепторларының антагонистері: ҚҚСП диуретиктер мен басқа антигипертензиялық препараттардың әсерін төмендетуі мүмкін. Бүйрек функциясы бұзылған кейбір пациенттерде (сусызданған немесе бүйрек функциясы бұзылған егде жастағы пациенттер) АӨФ тежегіштерін немесе ангиотензин II рецепторларының антагонистерін және циклооксигеназаны бәсеңдететін препараттарды бір мезгілде қолдану бүйрек функциясының одан әрі нашарлауына, соның ішінде әдетте қайтымды болатын болжамды жедел бүйрек жеткіліксіздігіне әкелуі мүмкін. Сондықтан біріктірілімді, әсіресе егде жастағы пациенттерге сақтықпен қолдану керек. Пациенттер сұйықтықтың жеткілікті мөлшерін алуы керек, сонымен қатар біріктірілген емді бастағаннан кейін және одан әрі мезгіл-мезгіл бүйрек функциясын бақылауы керек.

Басқа антигипертензиялық препараттар (мысалы, β-адреноблокаторлар): бір мезгілде қолдану қан тамырларын кеңейтетін әсері бар простагландиндердің бәсеңдеуі

салдарынан β-адреноблокаторлардың антигипертензиялық әсерін төмендетуі мүмкін.

Кальциневрин тежегіштері (мысалы, циклоспорин, такролимус): ҚҚСП бүйрек простагландиндерінің әсерін медиациялау салдарынан кальциневрин тежегіштерінің нефроуыттылығын күшейтуі мүмкін. Біріктірілген ем жүргізілген жағдайда, әсіресе егде жастағы пациенттерде бүйрек функциясын мұқият бақылау ұсынылады.

Жатырішілік контрацептивтер: ҚҚСП қолданған кезде жатырішілік контрацептивтердің тиімділігі төмендеуі мүмкін, бірақ бұл ақпарат қосымша растауды қажет етеді.

Деферазирокс

Мелоксикам мен деферазироксты бірге қабылдау асқазан-ішек жолы тарапынан жағымсыз реакциялардың туындау қаупін арттыруы мүмкін. Бұл дәрілік препараттарды біріктірген кезде сақтық таныту керек.

Фармакокинетикалық өзара әректтесулер (басқа дәрілік препараттардың фармакокинетикасына мелоксикамның ықпалы)

Литий препараттары: ҚҚСП уытты мәндерге жетуі мүмкін литийдің бүйрекпен шығарылуын азайту арқылы қан плазмасындағы литий концентрациясын арттырады. Литий мен ҚҚСП бірге қолдану ұсынылмайды. Мұндай біріктірілген ем қажет болған жағдайда емдеудің басында, дозаны таңдағанда және мелоксикаммен емдеуді тоқтатқанда плазмадағы литий концентрациясын мұқият бақылау керек.

Метотрексат: ҚҚСП метотрексаттың өзекшелік секрециясын төмендетуі мүмкін, осылайша оның қан плазмасындағы концентрациясын арттырады. Осыған байланысты метотрексаттың жоғары дозаларын (аптасына>15 мг) алатын пациенттерге ҚҚСП бір мезгілде қолдану ұсынылмайды. Метотрексат пен ҚҚСП өзара әрекеттесу қаупі метотрексаттың төмен дозаларын қабылдайтын пациенттерде де мүмкін, әсіресе бүйрек функциясы бұзылған жағдайда. Біріктірілген ем қажет болған жағдайда қан формуласы мен бүйрек функциясын бақылау керек. Егер ҚҚСП және метотрексат бір уақытта 3 күн бойы қолданылса, сақ болу керек, өйткені плазмадағы метотрексат концентрациясы жоғарылауы мүмкін және нәтижесінде уытты әсерлер пайда болуы ықтимал. Мелоксикаммен қатар емдеу кезінде аптасына 15 мг дозада метотрексат фармакокинетикасы өзгермесе де, метотрексаттың гематологиялық уыттылығы ҚҚСП емінде жоғарылауы мүмкін екенін ескеру қажет.

Пеметрексед

Креатинин клиренсі 45-тен 79 мл/минутқа дейінгі пациенттер мелоксикамды қабылдауды пеметрексед енгізілгенге дейін 5 күн бұрын тоқтатуы, пеметрексед енгізілген күні және пеметрексед енгізілгеннен кейін 2 күн бойы мелоксикамды қабылдамауы қажет. Егер мелоксикам мен пеметрекседті бірге қолдану қажет болса, пациенттердің жай-күйін, әсіресе, миелосупрессияның және әсіресе, асқазан-ішек жолы тарапынан жағымсыз реакциялардың дамуына қатысты мұқият қадағалау қажет. Бүйректің ауыр дәрежелі жеткіліксіздігі бар (креатинин клиренсі 45 мл/минуттан төмен) пациенттерге мелоксикам мен пеметрекседті бір мезгілде қолдану ұсынылмайды.

Бүйрек функциясы қалыпты (креатинин клиренсі ≥ 80 мл/мин) пациенттерде мелоксикамды 15 мг дозада қолдану пеметрекседтің шығарылуын төмендетуі, соған орай, пеметрекседтен туындайтын жағымсыз құбылыстардың жиілігін арттыруы

мүмкін. Сондықтан, бүйрек функциясы қалыпты (креатинин клиренсі ≥ 80 мл/мин) пациенттерге 15 мг мелоксикамды пеметрекседпен бір мезгілде қолданған кезде сақтық таныту керек.

Фармакокинетикалық өзара әрекеттесулер (басқа дәрілік препараттардың мелоксикам фармакокинетикасына ықпалы)

Холестирамин: холестирамин бауырішілік айналымын бөгеумен мелоксикамның жылдамырақ шығарылуына әкеледі. Мелоксикамның клиренсі 50 %-ға жоғарылайды. Жартылай шығарылу кезеңі 13±3 сағатқа дейін төмендейді. Бұл өзара әрекеттесу клиникалық тұрғыдан маңызды болып табылады.

Фармакокинетикалық өзара әрекеттесулер: мелоксикам мен басқа дәрілік препараттарды біріктірудің фармакокинетикасына ықпалы

Мелоксикам негізінен CYP 2C9 және CYP 3A4 көмегімен бауырда метаболизденеді. Мелоксикам мен тежейтін немесе олардың метаболизмі CYP 2C9 және CYP 3A4 қатысуымен жүретін препараттар, мысалы, пероральді диабетке қарсы препараттар (сульфонилмочевина туындылары, натеглинид) арасындағы фармакокинетикалық өзара әрекеттесу мүмкіндігін ескеру қажет,

Антацидтермен, циметидинмен және дигоксинмен бір мезгілде қабылдағанда клиникалық маңызды фармакокинетикалық өзара әрекеттесу анықталмады.

Арнайы ескертулер

Жағымсыз реакцияларды симптомдарды бақылауға қажетті қысқа уақыт ішінде ең аз тиімді дозаны қолдану арқылы ең аз етуге болады

Жүктілік немесе лактация кезінде

Простагландин синтезінің тежелуі жүктіліктің барысына және/немесе эмбрион мен ұрықтың дамуына жағымсыз әсер етуі мүмкін.

Эпидемиологиялық зерттеулердің деректері жүктіліктің ерте кезеңінде простагландин синтезінің тежегіштерін қолданғаннан кейін түсік түсіру, жүрек ақаулары дамуы және гастрошизис қаупінің жоғарылауын болжайды. Жүрек-қан тамырлары ақауларының абсолютті қаупі 1% - дан шамамен 1,5% - ға дейін өсті. Мұндай қауіптің дозаның жоғарылауымен және емнің ұзақтығымен жоғарылайтыны болжанады.

Жануарларда простагландин синтезінің тежегіштерін енгізу имплантацияға дейінгі және имплантациядан кейінгі түсіктердің артуына және эмбрион мен ұрықтың өліміне әкелетіні расталған. Сонымен қатар, органогенез кезеңінде простагландин синтезінің тежегіштерін қабылдаған жануарларда әртүрлі ақаулардың, соның ішінде жүрек-қан тамырларында даму жағдайларының жоғарылауы туралы хабарланды.

Жүктіліктің I және II триместрінде абсолютті қажеттілік жағдайларын қоспағанда, мелоксикамды тағайындауға болмайды. Егер мелоксикамды жүктілікті жоспарлап жүрген немесе жүктіліктің I және II триместріндегі кезеңдегі әйелдер қолданса доза ең аз болуы тиіс және емдеу ұзақтығы мүмкіндігінше қысқа болуы керек.

ҚҚСП жүктіліктің шамамен 20-шы аптасында және одан кейінгі кештеу кезеңдерінде қолдану олигогидрамнионға, ал кейбір жағдайларда жаңа туған нәрестелерде бүйрек жеткіліксіздігіне әкелетін ұрық бүйрегінің дисфункциясын тудыруы мүмкін.

Сирек жағдайларда олигогидрамнионның дамығаны туралы ҚҚСП қолдану басталғаннан кейін 48 сағаттан кейін-ақ хабарланса да, бұл қолайсыз нәтижелер орташа есеппен бірнеше күн немесе апта емдеуден кейін байқалады.

Су аздығы көбінесе, бірақ әрдайым емес, емдеуді тоқтатқаннан кейін қайтымды болады. Су аздығы ұзаққа созылса, аяқ-қолдың контрактурасы және өкпенің жетілуінің кешігуін қоса, асқынулар дамуы мүмкін. Тіркеуден кейінгі кезеңде жаңа туған нәрестелерде қанды алмастырып құю немесе диализ сияқты инвазиялық емшараларды жүргізуді қажет ететін бүйрек функциясының бұзылуы жағдайлары туралы хабарланды.

Егер жүкті әйелге 20-дан 30 аптаға дейінгі жүктілік мерзімінде ҚҚСП тағайындау қажет болса, онда ең аз тиімді дозаларды ең аз уақыт кезеңінде қолдану керек. Шарананың артериялық түтігінің мерзімінен бұрын жабылуының қосымша қаупіне байланысты жүктіліктің 30-шы аптасында және одан кейінгі кештеу мерзімінде ҚҚСП тағайындаудан аулақ болыңыз.

ҚҚСП 48 сағаттан артық қолданған кезде қағанақ сұйықтығына ультрадыбыстық зерттеу жүргізу қажет. Су аздығы дамуы кезінде ҚҚСП қабылдауды тоқтату керек және белгіленген клиникалық хаттамаларға сәйкес бақылауды жалғастыру керек.

Жүктіліктің III триместрі кезінде простагландин синтезінің барлық тежегіштері шарананы келесілерге ұшыратуы мүмкін:

жүрек-өкпе уыттылығына (Боталлов түтігінің мезгілінен бұрын жабылуы және өкпе гипертензиясымен)

олигогидрамниосы бар бүйрек жеткіліксіздігіне дейін үдеуі мүмкін бүйрек функциясының бұзылуы

жүктіліктің соңында анасы мен шаранасы:

тіпті өте төмен дозаларында да дамуы ықтимал қан кету уақытының ұзаруы мүмкіндігі және антиагрегация әсері

босанудың кідіріп басталуына немесе ұзақтығы артуына әкелетін жатырдың жиырылуының бәсеңдеуі.

Соның салдарынан, жүктіліктің III триместрінде мелоксикамды қабылдауға болмайды.

Реклинтм препаратына қатысты нақты деректер болмаса да, ҚҚСП туралы емшек сүтіне өту мүмкіндігі белгілі. Сол себепті, бала емізіп жүрген әйелдерге ұсынылмайды.

Фертильділік

Мелоксикамды қолдану әйелдердің фертильділігіне теріс әсер етуі мүмкін және жүкті болғысы келетін әйелдерге ұсынылмайды.

Сондықтан, егер сіз жүктілікті жоспарласаңыз немесе бедеулікке тексерілсеңіз, дәрігермен мелоксикамды қолдануды тоқтату туралы талқылау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын және қауіптілігі зор механизмдерді басқару қабілетіне әсеріне арнаулы зерттеулер жоқ. Алайда, фармакодинамикалық бейініне және анықталған жағымсыз реакциялар негізінде, мелоксикам аталған қызметтерге әсер етпейді немесе елеусіз әсер етеді деп болжауға болады. Алайда, көру функциясының бұзылуы, бас айналу, ұйқышылдық, вертиго немесе ОЖЖ тарапынан басқа да бұзылулар байқалған пациенттерге көлік құралдарын басқарудан және механизмдермен жұмыс істеуден бас тарту ұсынылады

Дозалау режимі

Остеоартроздың өршуінде: ұсынылатын доза тәулігіне 7,5 мг құрайды. Қажет болған жағдайда дозаны тәулігіне 15 мг дейін арттыруға болады.

Ревматоидты артритте және шорбуынданатын спондилитте: ұсынылатын доза тәулігіне 15 мг құрайды. Емдік әсеріне қарай доза тәулігіне 7,5 мг дейін төмендетілуі мүмкін.

Ең жоғары тәуліктік дозасы 15 мг аспауы тиіс.

Жағымсыз реакцияларды симптомдарды бақылауға қажетті қысқа уақыт ішінде ең аз тиімді дозаны қолдану арқылы ең аз етуге болады.

Дәрігер емдеуге жауапты үнемі бағалап, препараттың дозасын түзетуі керек

Пациенттердің ерекше топтары

Егде жастағы пациенттер және жағымсыз реакциялар қаупі жоғары пациенттер: егде жастағы пациенттердегі ревматоидты артрит пен шорбуынданатын спондилитті ұзақ уақыт емдеуге ұсынылатын доза тәулігіне 7,5 мг құрайды. Жағымсыз реакциялар қаупі жоғары пациенттерге емдеуді тәулігіне 7,5 мг дозадан бастау керек.

Бүйректің жеткіліксіздігі бар пациенттер: гемодиализдегі бүйректің ауыр жеткіліксіздігі бар пациенттер үшін доза тәулігіне 7,5 мг аспауы тиіс. Ауырлығы жеңіл және орташа дәрежедегі бүйрек жеткіліксіздігі бар пациенттерге (креатинин клиренсі 25 мл/мин астам) дозаны түзету қажет емес. Гемодиализ қолданылмайтын бүйректің ауыр жеткіліксіздігі бар пациенттерге препаратты қолдануға болмайды.

Бауыр жеткіліксіздігі бар пациенттер: бауырдың жеңіл және орташа жеткіліксіздігі бар пациенттер үшін дозаны төмендету қажет емес. Бауырдың ауыр жеткіліксіздігі бар пациенттерге препаратты қолдануға болмайды..

Балалар мен жасөспірімдер: препарат 16 жасқа дейінгі балалар мен жасөспірімдерге қарсы көрсетілімде.

Енгізу әдісі және жолы

Ректальді.

Емдеу ұзақтығы

Емдеу курсының ұзақтығын дәрігер жеке анықтайды.

Артық дозалану жағдайында қабылдау қажет болатын шаралар

Симптомдары: ҚҚСП жедел артық дозалануының симптомдары әдетте летаргиямен, ұйқышылдықпен, жүрек айнуымен, құсумен және эпигастрий ауыруымен шектеледі, олар әдетте демеуші емде қайтымды болады. Асқазан-ішек қан кетулері болуы мүмкін. Ауыр улану артериялық гипертензияға, жедел бүйрек жеткіліксіздігіне, бауыр функциясының бұзылуына, тыныс алу бәсеңдеуіне, комаға, құрысуларға, жүрек-қан тамырлары коллапсына және жүректің тоқтап қалуына әкелуі мүмкін. ҚҚСП емдік қолдану кезінде анафилактоидты реакциялар болғаны туралы хабарланды, олар артық дозаланғанда да пайда болуы мүмкін.

Емі: симптоматикалық және демеуші ем ұсынылады. Зерттеулер күніне 3 рет 4 г холестираминді пероральді жолмен қабылдау мелоксикамның шығарылуын жеделдететінін көрсетті.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

Симптомдары: ҚҚСП жедел артық дозалануының симптомдары әдетте летаргиямен, ұйқышылдықпен, жүрек айнуымен, құсумен және эпигастрий ауыруымен шектеледі, олар әдетте демеуші емде қайтымды болады. Асқазан-ішек қан кетулері болуы мүмкін. Ауыр улану артериялық гипертензияға, жедел бүйрек жеткіліксіздігіне, бауыр функциясының бұзылуына, тыныс алу бәсеңдеуіне, комаға, құрысуларға, жүрек-қан тамырлары коллапсына және жүректің тоқтап қалуына әкелуі мүмкін. ҚҚСП емдік қолдану кезінде анафилактоидты реакциялар болғаны туралы хабарланды, олар артық дозаланғанда да пайда болуы мүмкін.

Емі: симптоматикалық және демеуші ем ұсынылады. Зерттеулер күніне 3 рет 4 г холестираминді пероральді жолмен қабылдау мелоксикамның шығарылуын жеделдететінін көрсетті.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25 ºС-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды