Уральске қаласындағы Мифепристон Таблеткасы 200 Мг №1 | China Resources Zizhu Pharmaceutical Co., Ltd.

- құрсақішілік жүктіліктің ерте мерзімінде дәрі-дәрмекпен тоқтату (63 күнге дейінгі аменореяда простагландин аналогымен бірізді қолданғанда)

- ұрықтың құрсақішілік өлімі кезінде босануды дайындау және индукциялау

(простагландин немесе окситоцин қолдануға болмайтын пациенттерде)

- әсер етуші затқа немесе қосымша заттардың кез келгеніне аса жоғары сезімталдық

- простагландиннің таңдалған аналогына

- бүйрек үсті безінің созылмалы жеткіліксіздігі және ұзақ мерзімді глюкокортикостероидты ем

- бүйрек және/немесе бауырдың жедел немесе созылмалы жеткіліксіздігі

- тұқым қуалайтын порфирия

- жатыр миомасы, жатырда тыртықтың болуы, әйелдің жыныс мүшелерінің қабыну аурулары

- экстрагенитальді патология

- ауыр дәрежелі анемия, гемостаз бұзылуы (оның ішінде бұрын антикоагулянттармен емделсе)

- еммен бақыланбайтын демікпенің ауыр түрі

- 35 жастан асқан әйелдерде темекі шегу (терапевт дәрігердің алдын ала кеңесінсіз)

- жатырдан тыс жүктілікке күдік; клиникалық зерттеулермен расталмаған немесе жатырішілік контрацепция қолдану аясында немесе гормональді контрацепцияны тоқтатқаннан кейін көтерген, мерзімі бойынша етеккір тоқтағаннан кейін 63 күннен асатын жүктілік.

- тойып тамақтанбау

- тұқым қуалайтын галактоза жақпаушылығы, Lapp (ЛАПП) – лактаза ферментінің тапшылығы, глюкоза-галактоза мальабсорбциясы бар адамдарға (препаратта лактоза бар)

Фармакодинамикалық өзара әрекеттесуі

Әдістің тиімділігінің төмендеуі теориялық тұрғыдан қабынуға қарсы стероидты емес препараттардың (ҚҚСП), соның ішінде аспириннің (ацетилсалицил қышқылы) простагландинге қарсы қасиеттеріне байланысты болуы мүмкін. Кейбір мәліметтер простагландинді енгізген күні ҚҚСП бір мезгілде қолдану мифепристонның немесе простагландиннің жатыр мойнының жетілуіне немесе жатырдың жиырылу қабілетіне әсеріне теріс әсер етпейтінін және жүктілікті дәрі-дәрмекпен тоқтатудың клиникалық тиімділігін төмендетпейтінін көрсетеді.

Дозалау режимі

Жүктілікті дәрі-дәрмекпен тоқтату үшін:

- 49 күнге дейінгі аменореяда: 600 мг мифепристон (200 мг-ден 3 таблетка) дәрігердің қатысуымен бір рет, тамақтанғаннан кейін 2 сағаттан соң бір стақан қайнаған сумен ішке қабылдау керек. Мифепристонды қабылдағаннан кейін 36-48 сағаттан кейін әсерді күшейту мақсатында простагландиннің синтетикалық аналогы тағайындалады – 400 мкг дозада мизопростол (200 мкг-ден 2 таблеткадан) бір рет немесе гемепрост 1 мг вагинальді. Пациент мизопростол қолданғаннан кейін тым болмағанда 4-6 сағат бойы медициналық қызметкердің бақылауында болуы тиіс.

Баламалы түрде 200 мг мифепристонды (200 мг-ден 1 таблетка) бір реттік пероральді дозада қолдануға болады, кейіннен 36-48 сағаттан соң простагландиннің аналогы – қынапқа 1 мг гемепрост енгізіледі. CYP3A4 индукторларымен бір мезгілде емдеу кезінде дозаны жоғары дозаға (600 мг)

дейін түзету қажет.

- 50 және 63 күн аралығындағы аменореяда: 600 мг мифепристон (200 мг-ден 3

таблетка) бір рет ішке қабылдайды, кейіннен 36-48 сағаттан соң простагландиннің аналогы гемепрост қынапқа енгізіледі.

Баламалы түрде сондай-ақ 200 мг мифепристонды (200 мг-ден 1 таблетка) бір реттік пероральді дозада қолдануға болады, кейіннен 36-48 сағаттан соң простагландиннің аналогы – қынапқа 1 мг гемепрост енгізіледі. CYP3A4 индукторларымен бір мезгілде емдеу кезінде дозаны аса жоғары дозаға (600

мг) дейін түзету қажет. Мизопростол немесе гемепросттың дозасы туралы ақпаратты өнім туралы тиісті ақпараттан табуға болады.

-Шарананың құрсақішілік өлімі кезінде босануды дайындау және индукциялау үшін қолдану әдісі: тәулігіне бір рет 600 мг мифепристон (200 мг-ден 3 таблетка) дәрігердің қатысуымен екі күн қатарынан пероральді қабылданады. 48-72 сағаттан кейін босану жолдарының күйін бағалау жүргізіледі. Егер босану 72 сағат ішінде басталмаса, оларды әдеттегі әдістермен жасау керек.

Қабылдағаннан кейін 45 минут ішінде құсу мифепристонның тиімділігінің төмендеуіне әкелуі мүмкін, бұл жағдайда мифепристонның 600 мг жаңа дозасын пероральді қабылдау ұсынылады (мысалы, 200 мг-ден 3 таблетка).

Енгізу әдісі мен жолы

Мифепристон таблеткалары тек пероральді қолдануға арналған және басқа жолмен қабылдамауы керек.

Арнайы ұсыныстар

Медицина қызметкеріне кеңес алу үшін жүгіну бойынша ұсынымдар

14-21 күн ішінде пациент ультрадыбыстық бақылауға келуі керек, сонымен қатар ұрықтың толық шығарылғанын, жүктіліктің тоқтағанын растау үшін бета-хориондық гормонның деңгейін анықтау қажет. Препаратты қолданудан 14-21 күнге әсер болмаған жағдайда (толық емес аборт немесе жалғасатын жүктілік) аспиратты кейіннен гистологиялық зерттеумен вакуумдық аспирация жүргізіледі.

Пациенттерге препаратты қолданудың әсері 14-21 күнде болмаса (толық емес аборт немесе жалғасатын жүктілік), жүктілікті басқа жолмен тоқтату керектігі туралы хабарлануы тиіс, өйткені ұрықта туа біткен ақаулар пайда болуы мүмкін.

Артық дозаланған жағдайда қабылдануы тиіс шаралар

Ешқандай артық дозалану жағдайлары туралы хабарланған жоқ. Кездейсоқ өте көп жұтып қойған жағдайда бүйрек үсті безінің жеткіліксіздігі белгілері пайда болуы мүмкін. Жедел уыттану белгілері дексаметазон қабылдауды қоса, мамандандырылған емдеуді қажет етуі мүмкін.

1 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!