Уральске қаласындағы Микромокс Таблеткалары 400 Мг №15 | Micro Labs Ltd

Микромокс-400 18 жастан асқан пациенттерде препаратқа сезімтал микроорганизмдер әсерінен болған келесі бактериялық инфекцияларды емдеуге қолданылады.

Микромокс-400 әдетте осы инфекцияларды бастапқы емдеу үшін ұсынылатын бактерияға қарсы дәрілерді қолдану қолайсыз деп саналған жағдайларда ғана немесе бастапқы емдеу тиімсіз болған кезде пайдалану керек:

• Жедел бактериялық синусит (талапқа сай диагностикаланған);

• Созылмалы бронхиттің өршуі (талапқа сай диагностикаланған);

• Ауруханадан тыс пневмония, ауыр жағдайларды қоспағанда;

• Кіші жамбас ағзаларының жеңіл немесе орташа ауырлық дәрежесіндегі қабынбалы аурулары (әйелдердің жыныс жолдарының жоғарғы бөліктерінің инфекциялары, сальпингитті және эндометритті қоса), астасқан тубоовариальді немесе жамбастық абсцессіз.

Үлбірлі қабықпен қапталған 400 мг Микромокс-400 таблеткаларын кіші жамбас ағзаларының жеңіл немесе орташа ауырлық дәрежесіндегі қабынбалы ауруларының монотерапиясында пайдалану ұсынылмайды, бірақ моксифлоксациннің Neisseria Gonorrhoeae-ге төзімділігінің жоғарылауына байланысты, Neisseria Gonorrhoeae-нің моксифлоксацинге төзімділігі жоққа шығарылуы мүмкін жағдайларды қоспағанда, сәйкес келетін бактерияға қарсы басқа дәрімен (мысалы, цефалоспоринмен) біріктіріп тағайындау керек.

Үлбірлі қабықпен қапталған 400 мг Микромокс-400 таблеткаларын венаішілік моксифлоксацинмен мынадай көрсетілімдер бойынша бастапқы емдеу кезінде жақсаруы байқалған пациенттерде емдеу курсын аяқтау үшін пайдалануға да болады:

• Ауруханадан тыс пневмония;

• Терінің және жұмсақ тіндердің асқынған инфекциялары.

Үлбірлі қабықпен қапталған 400 мг Микромокс-400 таблеткаларын терінің және жұмсақ тіндердің кез келген типтегі инфекциясында немесе ауруханадан тыс ауыр пневмонияда бастапқы ем үшін пайдаланбау керек.

Бактерияға қарсы препараттарды тиісінше қолдану жөніндегі ресми нұсқауларға көңіл бөлу керек.

- моксифлоксацинге немесе басқа да хинолондарға, фторхинолондарға, сондай-ақ препараттың қосымша компоненттерінің кез келгеніне белгілі аса жоғары сезімталдық

- анамнезінде хинолондарды қолданумен байланысты сіңір аурулары/зақымданулары бар пациенттер

- QT аралығының туа біткен немесе расталған ұзаруы бар пациенттерге

- электролиттік бұзылыстары, мысалы, емделмеген гипокалиемиясы бар пациенттерге

- клиникалық елеулі брадикардиясы бар пациенттерге

- сол жақ қарыншаның лықсыту фракциясының төмендеуімен клиникалық маңызды жүрек жеткіліксіздігі бар пациенттерге

- анамнезінде симптоматикалық аритмиясы бар пациенттерге

- галактоза жақпаушылығы, жалпы лактаза тапшылығы немесе глюкоза-галактоза мальабсорбциясы синдромы сияқты сирек кездесетін тұқым қуалайтын проблемалары бар пациенттерге.

- бауыр функциясының бұзылуы бар (Чайлд-Пью бойынша С классы) және трансаминазалар деңгейі қалыптың жоғары шегінен 5 есе асатын пациенттерге (шектеулі клиникалық деректерге байланысты).

- Микромокс-400 QT аралығын ұзартатын басқа препараттармен бірге тағайындамау керек

- жүктілік және лактация кезеңі

- балалар мен 18 жасқа дейінгі жасөспірімдер

QT аралығын ұзартуға моксифлоксациннің және QT аралығын ұзартатын басқа дәрілік препараттардың аддитивті әсерін жоққа шығаруға болмайды, бұл қарыншалық аритмиялардың, соның ішінде «пируэт» типті полиморфты қарыншалық тахикардияның даму қаупінің жоғарылауына әкелуі мүмкін.

Осыған байланысты Микромокс-400-ді төменде келтірілген препараттардың кез келгенімен тағайындауға болмайды:

- IA класының аритмияға қарсы препараттары (мысалы, хинидин, гидрохинидин, дизопирамид);

- III класының аритмияға қарсы препараттары (мысалы, амиодарон, соталол, дофетилид, ибутилид);

- психозға қарсы дәрілер (мысалы, фенотиазиндер, пимозид, сертиндол, галоперидол, сультоприд);

- трициклды антидепрессанттар;

- микробқа қарсы кейбір препараттар: саквинавир, спарфлоксацин, вена ішіне енгізілетін эритромицин, пентамидин, безгекке қарсы дәрілер, атап айтқанда галофантрин;

- кейбір микробқа қарсы препараттар (саквинавир, спарфлоксацин, эритромицин в/і енгізілетін, пентамидин, малярияға қарсы дәрілер, атап айтқанда галофантрин)

- кейбір антигистаминдік препараттар (терфенадин, астемизол, мизоластин);

- басқалар (цизаприд, вена ішіне енгізілетін винкамин, бепридил, дифеманил).

Калий деңгейін төмендетуі мүмкін дәрілік заттарды (мысалы, ілмектік және тиазидтік диуретиктер, іш жүргізгіштер және клизма (жоғары дозаларда), кортикостероидтар, амфотерицин В) немесе клиникалық елеулі брадикардиямен астасатын препараттарды қабылдайтын пациенттерге Микромокс-400 сақтықпен қолдану керек.

Құрамында екі валентті немесе үш валентті катиондар бар препараттарды (мысалы, құрамында магний немесе алюминий бар антацидтер, диданозин таблеткалары, сукральфат және темір немесе мырыш бар дәрілер) және моксифлоксацин қабылдау арасында шамамен 6 сағат үзілісті сақтау керек.

Белсендірілген көмір мен моксифлоксацинді 400 мг дозада ішке бір мезгілде қолдану сіңудің айқын тежелуіне және препараттың жүйелі биожетімділігінің 80%-дан астам төмендеуіне әкелді. Сондықтан бұл екі препаратты бірге пайдалану ұсынылмайды.

Моксифлоксацинді ішке және глибенкламидті бір мезгілде қолдану қан плазмасындағы глибенкламидтің жоғары шекті концентрациясының шамамен 21%-ға төмендеуіне әкеледі. Моксифлоксацин мен глибенкламидтің аталған біріктірілімі гипергликемияның жеңіл әрі транзиторлық түрінің дамуына әкелуі мүмкін. Дегенмен, байқалатын фармакокинетикалық өзгерістер фармакодинамикалық параметрлердің (қандағы глюкоза, инсулин) өзгеруіне әкелмейді. Демек, моксифлоксацин мен глибенкламид арасындағы клиникалық тұрғыдан маңызды әрекеттесулер байқалмайды.

ХҚҚ (халықаралық қалыптасқан қатынас) өзгеруі

Бактерияға қарсы дәрілерді, әсіресе фторхинолондар, макролидтер, тетрациклиндер, ко-тримоксазол және кейбір цефалоспориндерді қабылдаған пациенттерде пероральді антикоагулянт белсенділігі ұлғаюының көптеген жағдайлары туралы хабарланды. Қауіп факторларына инфекциялық және қабыну үдерістері, пациенттің жасы және жалпы жағдайы жатуы мүмкін. Осылайша, ХҚҚ өзгеруінің себебі – инфекция ма немесе емдеу ме, анықтау қиын. Сақтық шаралары ретінде ХҚҚ жиі бақылау жүргізу, және қажет болса пероральді антикоагулянттың дозасын түзету қажет.

Моксифлоксацинді келесі препараттармен бір мезгілде қолданғанда өзара әрекеттесулер жоқ: ранитидин, пробеницид, пероральді контрацептивтік дәрілер, құрамында кальций бар қоспалар, парентеральді қолдануға арналған морфин, теофиллин, циклоспорин немесе итраконазол.

Р450 цитохромы ферменттері қатысуымен метаболизмдік өзара әрекеттесу ықтималдығы аз.

Кортикостериодтар

Егде жастағы пациенттер тобында, бүйрек тарапынан бұзылулары бар пациенттерде және ағзалар трансплантациясы жасалған пациенттерде байламдардың зақымдану қаупі жоғары болуына байланысты, фторхинолондарды кортикостероидтармен бір мезгілде қолданудан аулақ болған жөн, өйткені байламдардың зақымдану қаупі артады.

Тамақ өнімдерімен өзара әрекеттесуі

Тамақ ішумен (сүт өнімдерін қоса) моксифлоксациннің клиникалық елеулі өзара әрекеттесуі байқалмады.

Арнайы ескертулер

Педиатрияда қолдану

Микромокс-400 балаларға және 18 жасқа дейінгі жасөспірімдерге қолдануға болмайды. Моксифлоксациннің балалар мен жасөспірімдердегі тиімділігі мен қауіпсіздігі анықталмаған.

Жүктілік және лактация кезінде

Моксифлоксациннің жүктілік кезіндегі қауіпсіздігі бағаланбады. Ұрпақ өрбіту уыттылығына нұсқайтын мәліметтер бар. Ықтимал қауіп белгісіз. Кейбір фторхинолондарды қабылдаған балаларда сипатталған шеміршек тінінің фторхинолондармен зақымданудың және буындардың қайтымды зақымданудың эксперименттік дәлелденген қаупіне байланысты, моксифлоксацинді жүкті әйелдерге қолдануға болмайды.

Бала емізетін әйелдерде моксифлоксацинді қолдану деректері жоқ. Моксифлоксациннің аз мөлшері сүтпен шығарылатындығын көрсететін деректер бар. Лактация кезеңінде әйелдерде қолдану деректерінің болмауына және шеміршек тінінің фторхинолондармен зақымдану эксперименттік дәлелденген қаупінің болуына байланысты моксифлоксацинмен емдеу кезінде бала емізуге болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Моксифлоксацинді қоса, фторхинолондар ОЖЖ реакциялары (бас айналу, жедел, уақытша көрмей қалу немесе жедел және қысқа мерзімдік естен тану) салдарынан пациенттің машинаны басқару немесе механизмдермен жұмыс істеу қабілетінің нашарлауына әкелуі мүмкін. Пациенттерге көлік құралын басқару немесе күрделі механизмдермен жұмыс істеу алдында Микромокс-400-ге реакциясын ескеру ұсынылады.

Дозалау режимі

Микромокс-400 таблеткаларының ұсынылатын дозасы күніне бір рет 400 мг құрайды.

Енгізу әдісі және жолы

Ішке қабылдауға арналған. Үлбірлі қабықпен қапталған Микромокс-400 таблеткаларын ас ішуге байланыссыз, тұтас күйде жұтып, жеткілікті сұйықтық мөлшерімен іше отырып қабылдау керек.

Поливинилхлоридті үлбірден және алюминий фольгадан жасалған пішінді ұяшықты қаптамаға 5 таблеткадан салынған.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде 30°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!