Уральске қаласындағы Капсула Анықтамасы 20 Мг №14 | Лабораториос Ликонса, С.А.

Ересектер

- он екі елі ішектің ойық жарасын емдеу

- он екі елі ішектің ойық жара ауруы қайталануының профилактикасы

- асқазанның ойық жарасын емдеу

- асқазанның ойық жарасы ауруы қайталануының профилактикасы

- пептидтік ойық жара ауруы кезінде тиісті антибиотиктермен біріктірілімде Helicobacter pylori (H. pylori) эрадикациясы

- қабынуға қарсы стероидты емес препараттарды (ҚҚСП) қабылдаумен байланысты асқазан мен он екі елі ішектің ойық жарасын емдеу

- қауіп тобындағы пациенттерде ҚҚСП қабылдаумен байланысты асқазан мен он екі елі ішектің ойық жара ауруының профилактикасы

- рефлюкс-эзофагитті емдеу

- рефлюкс-эзофагиттен емделген пациенттерде қайталанудың ұзақ мерзімді профилактикасы

- гастроэзофагеальді рефлюкс ауруы кезінде диспепсияны, қыжылды, кекіруді симптоматикалық емдеу

- Золлингер-Эллисон синдромын емдеу

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе атап көрсетілген қосымша заттардың кез келгеніне аса жоғары сезімталдық

- омепразол басқа протонды сорғы тежегіштері сияқты нелфинавирмен бір мезгілде қолданылмауы тиіс

фруктоза жақпаушылығымен, галактоза-глюкоза мальабсорбциясымен байланысты сирек тұқым қуалайтын аурулар

жүктілік және лактация кезеңі

- 18 жасқа дейінгі балалар мен жасөспірімдер.

- әсер етуші затқа немесе атап көрсетілген қосымша заттардың кез келгеніне аса жоғары сезімталдық

- омепразол басқа протонды сорғы тежегіштері сияқты нелфинавирмен бір мезгілде қолданылмауы тиіс

фруктоза жақпаушылығымен, галактоза-глюкоза мальабсорбциясымен байланысты сирек тұқым қуалайтын аурулар

жүктілік және лактация кезеңі

- 18 жасқа дейінгі балалар мен жасөспірімдер.

Әсері асқазандағы қышқылдық деңгейіне байланысты препараттар: емдеу кезеңінде асқазан сөлінің қышқылдығының төмендеуіне байланысты Опредакс препаратымен бір мезгілде қолданылатын басқа препараттардың әсері күшеюі немесе әлсіреуі мүмкін.

Нелфинавир, атазанавир: омепразолмен біріктіру нелфинавир мен атазанавирдің әсерін айтарлықтай әлсіретеді, сондықтан оларды бір мезгілде қолдануға болмайды.

Дигоксин: сирек жағдайларда дигоксиннің уытты әсері болуы мүмкін, сондықтан Опредакс препаратының жоғары дозаларын егде жаста қолданғанда сақтық қажет. Мұндай жағдайларда дәрігер пациенттің жағдайын бақылауды күшейтуі қажет.

Клопидогрел: бұл өзара әрекеттесудің клиникалық салдары туралы қарама-қайшы мәліметтер бар, жүрек-қантамыр бұзылулары болуы мүмкін. Сақтық шарасы ретінде омепразол мен клопидогрелді бір мезгілде тағайындау ұсынылмайды.

Басқа препараттар: позаконазолдың, эрлотинибтің, кетоконазолдың және итраконазолдың емдік әсері азаюы мүмкін, сондықтан позаконазолмен және эрлотинибпен бір мезгілде қолданудан аулақ болу керек.

Бір мезгілде қабылдаған кезде R-варфариннің, К дәруменінің басқа антагонистерінің, цилостазолдың, диазепамның және фенитоиннің әсері күшеюі мүмкін.

Дозалау режимі

Он екі елі ішектің ойық жара ауруы кезінде әдеттегі ұсынылатын доза тәулігіне бір рет 20 мг құрайды. Пациенттердің көпшілігінде жазылу екі апта ішінде жүреді. Егер емдеудің бастапқы курсынан кейін ойық жараның толық жазылуы байқалмаса, онда препаратпен емдеудің екі апталық курсын қайталау ұсынылады. Он екі елі ішектің ойық жарасы нашар емделетін пациенттерде Опредакс препаратын күніне бір рет 40 мг дозада қолдану ұсынылады, бұл жағдайларда жазылу әдетте төрт апта ішінде жүреді.

Он екі елі ішектің ойық жарасы ауруының қайталануының алдын алу үшін H. pylori-ге теріс тесті бар немесе H. pylori эрадикациясы мүмкін болмаған пациенттерде ұсынылатын Опредакс дозасы күніне бір рет 20 мг құрайды. Кейбір пациенттер үшін 10 мг тәуліктік доза жеткілікті болуы мүмкін. Кейбір пациенттер үшін 10 мг доза жеткілікті болуы мүмкін. Емдеу тиімсіз болған жағдайда дозаны 40 мг дейін арттыруға болады.

Асқазанның ойық жарасын емдеу: ұсынылатын доза күніне бір рет 20 мг құрайды. Пациенттердің көпшілігінде жазылу төрт апта ішінде байқалады. Препаратпен емдеудің бастапқы курсынан кейін ойық жара жазылмаған жағдайларда 4 апталық қайта емдеу курсы тағайындалады. Нашар емделетін асқазанның ойық жарасы бар пациенттерде Опредакс препаратын күніне бір рет 40 мг дозада қабылдау ұсынылады, ойық жараның жазылуы әдетте сегіз апта ішінде басталады.

Асқазан ойық жарасының қайталануының профилактикасы: нашар емделетін асқазанның ойық жарасы бар пациенттерде қайталанудың алдын алу үшін Опредакс препаратының ұсынылатын дозасы күніне бір рет 20 мг құрайды, қажет болған жағдайда Опредакс препаратының дозасы күніне бір рет 40 мг дейін ұлғайтылуы мүмкін.

Асқазанның ойық жарасы кезінде хеликобактер бактериясын жою

Бактерияларға қарсы дәрілік препараттарды таңдау кезінде хеликобактер бактерияларын жою үшін препаратты пациенттердің жеке көтерімділігін ескеру керек, сондай-ақ бактериялық төзімділікке қатысты ұлттық, өңірлік және жергілікті нұсқауларға және емдеу схемаларына сәйкес емдеуді жүзеге асыру керек:

Опредакс 20 мг + кларитромицин 500 мг + амоксициллин 1000 мг, бір апта ішінде тәулігіне екі рет, немесе

Опредакс 20 мг + кларитромицин 250 мг (балама ретінде 500 мг) + метронидазол 400 мг (немесе 500 мг немесе тинидазол 500 мг), бір апта ішінде тәулігіне екі рет немесе

500 мг амоксициллинмен күніне бір рет 40 мг Опредакс және бір апта бойы тәулігіне үш рет 400 мг метронидазол (немесе 500 мг немесе тинидазол 500 мг).

Егер ұсынылған схемалардың кез-келгеніне сәйкес емдеу кезінде пациентте хеликобактер бактерияларына тест нәтижесі бұрынғыша оң болса, емдеу курсы қайта жүргізілуі мүмкін.

Қабынуға қарсы стероидты емес препараттарды (ҚҚСП) қабылдаумен байланысты асқазан мен он екі елі ішектің ойық жаралы зақымдалуы кезінде әдеттегі доза күніне бір рет 20 мг құрайды. Пациенттердің көпшілігінде ойық жараның жазылуы төрт апта ішінде байқалады. Бастапқы емдеу курсынан кейін ойық жара жазылмайтын жағдайларда, әдетте, 4 апталық қайта емдеу курсы тағайындалады.

Қауіп тобындағы пациенттерде қабынуға қарсы стероидты емес препараттарды (ҚҚСП) қабылдаумен байланысты асқазан мен он екі елі ішектің зақымдану рецидивтерінің профилактикасы: ҚҚСП қабылдаумен байланысты асқазан мен он екі елі ішектің зақымдану рецидивтерінің профилактикасы үшін (60 жастан асқан, анамнезінде асқазан мен он екі елі ішек ауруларының, сондай-ақ асқазан-ішектен қан кетулердің болуы), ұсынылатын Опредакс препаратының дозасы күніне бір рет 20 мг құрайды.

Рефлюкс-эзофагитті емдеу: Опредакс препаратының ұсынылатын дозасы күніне бір рет 20 мг құрайды. Пациенттердің көпшілігінде ойық жараның жазылуы төрт апта ішінде басталады. Бастапқы курстан кейін толық жазылмаған пациенттерге емдеуді тағы төрт апта жалғастыру қажет болуы мүмкін. Рефлюкс-эзофагиттің ауыр түрімен ауыратын науқастарда Опредакс препаратының ұсынылатын дозасы күніне бір рет 40 мг құрайды, ойық жараның жазылуына әдетте сегіз апта ішінде қол жеткізіледі.

Рефлюкс-эзофагиті бар пациенттерді ұзақ мерзімді емдеу: рефлюкс-эзофагиті бар пациенттерді ұзақ мерзімді емдеу үшін Опредакс препаратының ұсынылатын дозасы күніне бір рет 10 мг құрайды. Қажет болған жағдайда Опредакс препаратының дозасы күніне бір рет 20-40 мг дейін ұлғайтылуы мүмкін.

Симптоматикалық гастроэзофагеальды рефлюкс ауруын емдеу: Опредакс препаратының ұсынылатын дозасы күніне 20 мг құрайды. Пациенттер күніне 10 мг дозаға талапқа сай әсер етуі мүмкін, сондықтан дозаны жеке түзету мүмкіндігін қарастыру керек. Симптомдарды азайту үшін капсулаларды қатарынан 2-3 күн қабылдау қажет болуы мүмкін. Көптеген пациенттерде қыжыл 7 күн ішінде толығымен жоғалады. Симптомдар толығымен жойылғаннан кейін емдеуді тоқтату керек. Егер симптомдарды бақылауға тәулігіне 20 мг Опредакс препаратымен емдеудің төрт аптасы ішінде қол жеткізілмесе, қосымша тексеру жүргізу ұсынылады.

Золлингер-Эллисон синдромын емдеу: Золлингер-Эллисон синдромы бар пациенттер үшін доза жеке таңдалуы тиіс және емдеуді клиникалық көрсетілімдер болған кезде жалғастыру қажет. Опредакс препаратының ұсынылған бастапқы дозасы тәулігіне бір рет 60 мг құрайды. Аурудың ауыр көріністері және емдеудің басқа әдістеріне жеткіліксіз реакциясы бар пациенттердің 90% - дан астамын бақылау тәулігіне 20-120 мг дозада демеуші емнің тиімділігін анықтады. Егер тәулігіне 80 мг асатын дозаларды қолдану қажеттілігі болса, тәуліктік дозаны 2 қабылдауға бөлу қажет.

Енгізу әдісі мен жолы

Ересектерге ішке қабылдау үшін: капсуланы таңертең, тамақтанар алдында, жарты стакан суды іше отырып, тұтастай жұту керек. Капсулаларды шайнауға немесе ұсақтауға болмайды.

Жұту қиындықтары бар пациенттер үшін (жартылай қатты тамақты ішуі немесе жұтуы мүмкін пациенттер)

Жұту қиындықтары бар пациенттер капсуланы ашып, оның ішіндегісін бір қасық газдалмаған суда ерітуіне болады. Сондай-ақ, капсуланың ішіндегісін жеміс шырынымен немесе алма пюресімен араластыруына болады. Пациенттерге мұндай қоспаны дайындағаннан кейін бірден (немесе 30 минут ішінде) ішу керектігін ескерткен жөн және препаратты тікелей қабылдар алдында араластырып, жарты стакан сумен ішу керек. Сүт немесе газдалған суды ПАЙДАЛАНУҒА БОЛМАЙДЫ. Ішекте еритін пеллеттерді шайнауға болмайды.

7 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты немесе ұяшықсыз қаптамада. 2 немесе 4 пішінді ұяшықты немесе ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!