Қолдану көрсеткіштері
Венолекс ересектерде емдеу үшін қолдануға арналған (кешенді ем құрамында):
- веналық-лимфа жеткіліксіздігінің симптомдары (аяқтардағы ауырлық, ауырсыну, ісіну, трофикалық бұзылулар);
- геморройдың жедел ұстамаларымен байланысты симптомдар.
Қолдану басталғанға дейін қажетті мәліметтер тізбесі
Қолдануға болмайтын жағдайлар
- әсер етуші заттарға немесе қосымша заттардың кез келгеніне аса жоғары сезімталдық;
- 18 жасқа дейінгі балалар мен жасөспірімдер.
Қолдану кезіндегі қажетті сақтық шаралары
Веналық қан айналымының бұзылулары кезінде емдеудің ең тиімді әсері салауатты, теңдестірілген өмір салтымен байқалады, бұл жағдайда күн астында ұзақ болудан, аяқпен ұзақ тұрудан сақтану, дене салмағының артуынан, жаяу жүруден аулақ болу қажет.
Пациенттер дәрігер тағайындаған қосымша емдеу шараларын, мысалы, компрессиялық емдік тоқыма (гольфы, ұзын шұлықтар) киюді, компресстер, аяқ-қол аймағына салқын душ және т. б. мүлтіксіз сақтауы тиіс.
Геморройдың жедел ұстамаларында бұл препаратты қабылдау аноректальді аймақтың басқа ауруларының спецификалық емін алмастырмайды. Емдеуді қысқа курспен тағайындау керек. Егер симптомдар тез қайтпаса, проктологиялық тексеру жүргізіп, жүргізіп жатқан емді қайта қарау қажет.
Басқа дәрілік препараттармен өзара әрекеттесуі
Басқа дәрілік препараттармен өзара әрекеттесуіне зерттеулер жүргізілген жоқ. Сонымен қатар, осы препаратпен үлкен маркетингтік тәжірибені ескере отырып, дәрілік өзара әрекеттесулер туралы хабарланған жоқ.
Арнайы ескертулер
Педиатрияда қолдану
18 жасқа дейінгі балалар мен жасөспірімдерде қолданылмайды.
Жүктілік
Көптеген зерттеулер барысында тератогендік әсері анықталған жоқ және адамдағы жағымсыз құбылыстар туралы хабарламалар болмаған.
Лактация
Препараттың емшек сүтіне шығарылуы туралы деректердің болмауына байланысты емдеу кезінде бала емізуден аулақ болу керек.
Фертильділік
Репродуктивті жүйеге қатысты уыттылықты зерттеу еркек және ұрғашы егеуқұйрықтар фертильділігіне әсер етуін анықтамаған.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Диосминнің автокөлікті жүргізу және механизмдерді басқару қабілетіне әсер етуіне зерттеу жүргізілген жоқ. Алайда, диосминнің жалпы қауіпсіздік бейініне сүйене отырып, Венолекс бұл қабілетке әсер етпейді немесе өте елеусіз әсер етеді.
Қолдану бойынша ұсынымдар
Дозалау режимі
Ұсынылатын доза - күніне 2 таблетка.
Геморройдың жедел ұстамаларында: күн сайын 4 күн бойы 6 таблеткадан, содан кейін 3 күн ішінде 4 таблеткадан.
Енгізу әдісі мен жолы
Пероральді қолдануға арналған. Препаратты тамақтану кезінде, сумен іше отырып, ішке қабылдау керек.
Қабылдау уақыты көрсетілген қолдану жиілігі
Күніне 2 таблетка, күннің ортасында 1 таблетка және кешке тамақтану кезінде 1 таблетка.
Геморройдың жедел ұстамаларында: таңертең 3 таблетка және кешке 3 таблетка 4 күн бойы, содан кейін таңертең 2 таблетка және кешке 2 таблетка 3 күн бойы.
Емдеу ұзақтығы
Емдеу курсының ұзақтығын емдеуші дәрігер анықтайды.
Артық дозалану жағдайында қабылдануы қажет шаралар
Артық дозалану жағдайлары туралы хабарламалар түскен жоқ.
Дәрілік препараттың бір немесе бірнеше дозасын өткізіп алған кезде қажетті шаралар
Өткізіп алған дозаның орнын толтыру үшін қосарлы дозаны қабылдамаңыз.
Дәрілік препараттың стандартты қолдану кезінде көрініс беретін жағымсыз реакциялары сипаттамасы және осы жағдайда қабылданатын шаралар
Жиі: диарея, диспепсия, жүрек айну, құсу.
Жиі емес: колит.
Сирек: бас айналу, бас ауыруы, жалпы әлсіздік, бөртпе, қышыну, есекжем.
Жиілігі белгісіз: беттің, еріннің, қабақтың оқшауланған ісінуі; ерекше жағдайларда: Квинке ісінуі.
