Уральске қаласындағы Визин Жайлылық Көз Тамшылары 0.05% 15 Мл | Янссен Фармацевтика Н.В.

Ересектер мен 8 жастан асқан балалар

- аллергия кезінде пайда болатын немесе химиялық және физикалық факторлардың (түтін, шаң, хлорланған су, жарық, косметика, контактілі линзалар) әсерінен болатын конъюнктиваның ісінуі мен гиперемиясын жеңілдету.

белсенді затқа немесе кез келген қосымша заттарға жоғары сезімталдық

- жабық бұрышты глаукома

- 8 жасқа дейінгі балалар

Транилципромин немесе трициклді антидепрессанттар сияқты моноаминоксидаза (МАО) тежегіштерін қан қысымын көтеретін басқа дәрілермен бірге қолдану қан тамырларының тарылтатын әсерді күшейтіп, қан қысымын жоғарылатуы мүмкін. Сондықтан біріктіріп қолданудан аулақ болу керек.

Бұл препаратты басқа офтальмологиялық препараттармен қолданар алдында дәрігеріңізбен кеңесіңіз.

Арнайы ескертулер

Жүктілік және лактация кезінде

Жүкті әйелдерде тетризолинді қолданудың қандай да бір талапқа сай және дұрыс бақыланатын зерттеулері жүргізілген жоқ.

Бұл препаратты жүктілік кезінде қолдануға болмайды, егер дәрігер ана үшін ықтимал пайдасы ұрық үшін ықтимал қауіптен жоғары деген қорытындыға келмесе.

Бала емізетін әйелдерде тетризолинді қолданудың қандай да бір талапқа сай және дұрыс бақыланатын зерттеулері жүргізілген жоқ.

Тетризолиннің немесе оның метаболиттерінің емшек сүтімен шығарылатыны белгісіз. Бұл дәрілік препаратты емшек сүтімен емізу кезінде қолдануға болмайды, егер дәрігер ана үшін ықтимал пайдасы бала емізетін нәресте үшін ықтимал қауіптерден басым деген қорытындыға келмесе.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайларда Визин® Комфортты қолданғаннан кейін қарашықтың кеңеюі байқалады және автокөлік мен механизмдерді басқару қабілетіне әсер ететін көрудің тұмандануы пайда болуы ықтимал.

Дозалау режимі

Ересектер, жасөспірімдер және 8 жастан асқан балалар:

Доза зақымдалған көзге (көздерге) 1-2 тамшыдан күніне 2-3 рет. Бұл препаратты симптомдарды жеңілдету үшін қажет ең қысқа уақыт ішінде қолдану керек.

Педиатриялық науқастар

Препаратты 12 жасқа дейінгі балаларда қолдану ересектердің бақылауымен ұсынылады.

Бұл препарат 8 жасқа дейінгі балаларға қарсы көрсетілген.

Енгізу әдісі мен жолы

Көзге қолдануға арналған.

Қақпағын ашқаннан кейін құтыны төңкеріп, содан кейін ұшынан 1 немесе 2 тамшы көзге тигізбестен көзге түсетіндей етіп аздап сығу керек. Ерітіндіні ластамау үшін құты ұшы қақпақтан басқа ештеңеге тиіп кетпеуі керек.

Қабылдау уақыты көрсетілген қолдану жиілігі

Доза зақымдалған көзге (көздерге) 1-2 тамшыдан күніне 2-3 рет.

Емдеу ұзақтығы

Емдеу ұзақтығы туралы шешімді дәрігер әр жағдай үшін жеке қабылдайды. Препаратты 4 күннен асыра үзіліссіз қолдануға болмайды. Егер 48 сағат ішінде жағдай жақсармаса немесе тітіркену мен қызару сақталса немесе жоғарыласа, препаратты тоқтатып, дәрігерге қаралу керек.

Артық дозалану жағдайында қабылдануы қажет шаралар

Нұсқаулыққа сәйкес қолданған кезде артық дозалану қаупі аз болады. Алайда, асқазан-ішек жолына абайсызда енген жағдайда келесі белгілер болуы мүмкін: қарашықтардың кеңеюі, жүрек айнуы, цианоз, қызба, құрысулар, тахикардия, аритмия, жүректің тоқтауы, қан қысымының жоғарылауы, өкпе ісінуі, тыныс алу функциясының бұзылуы, орталық жүйке жүйесінің функциясының бұзылуы және кома. Жаңа туылған нәрестелер мен жас балаларда, әсіресе жұтылған жағдайда, препараттың сіңуіне байланысты артық дозалану белгілерінің пайда болу қаупі жоғары.

Құтының ішіндегісін жұтып қойғанда дереу дәрігерге жүгініңіз.

Емі: көзді көп мөлшерде сумен жуу, ішке қабылдаған кезде: белсендірілген көмір, асқазанды шаю, оттегімен ингаляция, ыстықты түсіретін және құрысуға қарсы дәрілер. Қан қысымын төмендету үшін гипертензияға қарсы препараттар қолданылады. Төмен қан қысымы бар науқастарға вазопрессорлық дәрілерді қолдануға болмайды. Тетризолин гидрохлоридінің антидоты белгісіз.

Дәрілік заттарды стандартты қолдану кезінде пайда болатын жағымсыз реакциялардың сипаттамасы және осы жағдайда қолданылатын шаралар

Жиі

көздің шырышты қабығының тітіркенуі (ауыруы, шаншуы, ашытып күйдіру), көрудің бұзылуы;

Белгісіз

көз жасының көп ағуы, қарашықтың кеңеюі, енгізген орындағы реакция (көзді және көз аумағы айналасын ашытып күйдіру, қызару, тітіркену, ісіну, ауыру және қышынуды қоса).

Жоғарыда аталған белгілер пайда болған кезде дәрігерге қаралу қажет.

Қосалқы затқа байланысты жағымсыз әсерлер:

Өте сирек, қасаң қабықтың ауыр зақымдануы бар кейбір пациенттерде құрамында фосфаттары бар көз тамшыларын қолданғанда мүйізді қабықтың кальцинациялану жағдайлары хабарланды.

15 мл препараттан төмен тығыздықтағы полиэтиленнен жасалған тамшылатқыш құрылғысы бар және бұрандалы пластик қақпағы бар, балалардан қорғау функциясымен жабдықталған, полипропилен таспасымен – алғашқы ашылуы бақыланатын құтыға құйылған. 1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

25°С-ден аспайтын температурада сақтау керек.

Құты ашылғаннан кейін бір ай ішінде пайдалану керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!