Уральске қаласындағы Ворика Бөтелкесі 200 Мг/25 Мл №1 | ASPIRO PHARMA LIMITED

Вориконазол ересектер мен 2 жастан асқан балаларда келесі ауруларды емдеу үшін қолданылады:

инвазиялық аспергиллез;

нейтропениясыз пациенттердегі кандидемия;

инфекция тудыратын зең флуконазолға сезімтал болмаған жағдайларда Candida тектес зеңдер тудырған күрделі инвазиялық инфекциялар;

Scedosporium немесе Fusariu тектес зеңдер тудыратын күрделі зеңдік инфекциялар;

Сүйек кемігін трансплантациялаған жоғары қауіпті топтағы пациенттерде зеңдік инфекциялардың профилактикасы.

ВОРИКА препаратын тек дәрігердің бақылауымен қолдану керек.

- әсер етуші затқа немесе қосымша заттардың кез келгеніне аса жоғары сезімталдық

- CYP3A4 субстраттарымен (терфенадинмен, астемизолмен, цизапридпен, пимозидпен, хинидинмен немесе ивабрадинмен) бірге қолдану, өйткені осы дәрілік заттардың қан плазмасындағы жоғары концентрациясы QTc аралығының ұзаруына және сирек жағдайларда, көп формалы қарыншалық пароксизмальді тахикардияның туындауына әкелуі мүмкін

- сиролимуспен бірге қолдану, өйткені вориконазол қан плазмасындағы сиролимус концентрациясын едәуір арттыруы мүмкін

- рифампицинмен, карбамазепинмен және фенобарбиталмен бір мезгілде қолдану, өйткені бұл дәрілік заттар қан плазмасындағы вориконазол концентрациясын айтарлықтай төмендетуі мүмкін

- тәулігіне бір рет 400 мг немесе одан жоғары дозада эфавирензбен бір мезгілде қолдануға болмайды, өйткені эфавиренз осындай дозаларда дені сау субъектілердің қан плазмасындағы вориконазол концентрациясын айтарлықтай төмендетеді. Вориконазол қан плазмасындағы эфавиренз концентрациясын да едәуір арттырады

- күніне екі рет 400 мг және одан жоғары дозаларда ритонавирдің жоғары дозаларымен бір мезгілде қолдану, өйткені ритонавир осы дозада дені сау сыналушыларда қан плазмасындағы вориконазолдың концентрациясын айтарлықтай азайтады

- CYP3A4 субстраты болып табылатын (эрготамин, дигидроэрготамин), CYP3A4 цитохромының субстраты болып табылатын қастауыш алкалоидтарымен бір мезгілде қолдану, өйткені осы препараттардың қан плазмасындағы концентрациясының артуы эрготизмге әкелуі мүмкін

- шайқурай препараттарымен бір мезгілде қолдану

- венетоклакс дозасын титрлеу фазасының басында және кезінде венетоклакспен бірге қолдану, өйткені вориконазол венетоклакстың плазмалық концентрациясын едәуір арттырады және ісік лизисі синдромының қаупін арттырады

- налоксеголмен бір мезгілде тағайындау, өйткені вориконазол налоксеголдың плазмалық концентрациясын едәуір арттыруы мүмкін

- толваптанмен бір мезгілде тағайындау вориконазол толваптанның плазмалық концентрациясының едәуір артуына әкелуі мүмкін болғандықтан

- луразидонмен бірге қолдану

- 2 жасқа дейінгі балалар

Қолдану кезінде қажетті сақтық шаралары

- вориконазолды басқа азолдарға аса жоғары сезімталдығы бар пациенттерге сақтықпен тағайындау керек.

- вориконазолды келесі потенциалды аритмиялық жағдайы бар пациенттерге сақтықпен тағайындау керек:

туа біткен немесе жүре пайда болған QTс аралығының ұзаруы;

кардиомиопатия, әсіресе жүрек жеткіліксіздігі болғанда;

синустық брадикардия;

бұрыннан бар аритмиялар клиникалық симптомдарымен;

QTc аралығын ұзартатын қатарлас дәрілік терапияны қолдану.

- гипокалиемия, гипомагниемия және гипокальциемия сияқты электролиттік бұзылуларды бақылау және қажет болғанда вориконазолмен емдеуді бастағанға дейін және ем кезінде түзету қажет.

Инфузияға реакциялар

Вориконазол қолданылғанда инфузияға реакциялар, ең алдымен, қан кернеулер мен жүрек айну байқалды. Симптомдардың ауырлық дәрежесін ескеріп, емдеуді тоқтату мүмкіндігін қарастыру керек.

Гепатоуыттылық

Вориконазол емінде бауыр тарапынан болатын күрделі реакциялар жағдайлары (клиникалық көрініс беретін гепатит, холестаз және соның ішінде өліммен аяқталатын бауыр жеткіліксіздігі) байқалады. Бауыр тарапынан болатын жағымсыз құбылыстар негізінен күрделі негізгі аурулары (ең алдымен, гемобластоздары) бар пациенттерде байқалады. Басқа анықталған қауіп факторлары жоқ пациенттерде, гепатит пен сарғаюды қоса, бауыр тарапынан өткінші реакциялар байқалады. Бауыр функциясы әдетте емді тоқтатудан соң қалпына келеді.

Бауыр функциясына мониторинг

Вориконазол қабылдайтын пациенттерге гепатоуыттану белгілерін анықтау мақсатында мұқият қадағалау жүргізген жөн. Клиникалық қадағалау вориконазолмен емдеудің басында және емнің алғашқы айында кем дегенде апта сайын бауыр функциясын зертханалық бағалауды (атап айтқанда, АСТ және АЛТ деңгейін анықтау) қамтуы тиіс. Емдеу ұзақтығы барынша қысқа болуы тиіс, алайда, егер қауіп пен пайданы бағалаудан кейін емдеу жалғасса, бауыр функциясының биохимиялық көрсеткіштер өзгерісі болмаса, тексеру жиілігін айына бір ретке дейін азайтуға болады.

Бауыр функциясының биохимиялық көрсеткіштері елеулі жоғарылағанда, егер дәрігер қорытындысы бойынша емдеудің қауіп және пайда арақатынасы пациентте оның қабылдануын ақтамайтын болса ғана, вориконазол тоқтатылу керек.

Балаларда да, ересектерде де бауыр функциясына мониторинг өткізу керек.

Тері тарапынан күрделі жағымсыз реакциялар

Фотоуыттылық

Сонымен қатар, вориконазолды қолдану эфелидтер, лентиго, актиниялық кератоз және жалғанпорфирия сияқты фотоуытты реакциялардың дамуымен қатар жүрді. Вориконазолмен емдеу кезінде балаларды қоса, барлық пациенттерге тікелей күн сәулесінің әсерінен аулақ болу және қорғаныс киімін кию және күн сәулесінен қорғайтын жоғары коэффициентпен (SPF) күннен қорғайтын құралдарды пайдалану түрінде қорғау шараларын қолдану ұсынылады.

Жайпақ жасушалы тері обыры (ЖТО)

Пациенттерде жалпақ жасушалы тері обырының дамуы хабарланды, бұл орайда олардың кейбіреуінде анамнездегі фотоуытты реакциялар байқалды. Егер фотоуытты реакциялар пайда болса, басқа саладағы мамандардың кеңесін алу керек, вориконазолды тоқтату және альтернативті зеңге қарсы препараттарды қолдану қажеттілігін қарастыру, сондай-ақ пациентті дерматологқа жіберу керек. Дегенмен, егер вориконазолды қолдану жалғаса берсе, терінің обыралды ауруларын ерте анықтау және емдеу үшін дерматологиялық бағалау үнемі орындалуы керек. Егер терінің обыралды аурулары немесе жалпақ жасушалық обыр анықталса, вориконазолды қолдануды тоқтату керек.

Эксфолиативті тері реакциялары

Вориконазолмен емдеу кезінде Стивенс-Джонсон синдромы, уытты эпидермальді некролиз және өмірге қауіпті немесе өлімге әкелуі мүмкін эозинофилиясы және жүйелі көріністері бар дәрілік бөртпе (DRESS-cиндром) сияқты ауыр тері реакциялары тіркелді. Бөртпе пайда болған кезде пациентті мұқият бақылау және терінің зақымдануы үдеген кезде вориконазолды тоқтату керек.

Бүйрек үсті бездері тарапынан жағымсыз құбылыстар

Басқа азолдарды (мысалы, кетоконазол) қабылдайтын пациенттерде бүйрек үсті безінің жеткіліксіздігі жағдайлары байқалды.

Бүйрек үсті безінің жеткіліксіздігінің қайтымды жағдайлары вориконазол қабылдайтын пациенттерде тіркелген.

Вориконазол мен кортикостероидтарды ұзақ уақыт қабылдайтын пациенттер (ингаляциялық кортикостероидтарды қоса, мысалы, будесонид және интраназальді кортикостероидтар) емдеу кезінде де, вориконазолды тоқтатқаннан кейін де бүйрекүсті безі қыртысының дисфункциясы тұрғысынан мұқият бақылауда болуы тиіс.

Ұзақ емдеу

Вориконазолды (емдеу немесе профилактика мақсатында) 180 күннен (6 айдан) аса ұзақ уақыт қолданылғанда қауіп пен пайда арақатынасын мұқият бағалау қажет. Осыған орай, дәрігерлер препаратты қолдану ұзақтығын шектеудің мақсатқа сай болуын қарастыру керек.

Вориконазолмен ұзақ емдеген кезде жалпақ жасушалы тері обыры дамуы туралы хабарланған.

Трансплантацияны бастан өткерген пациенттерде фторлы қосылыстар мен сілтілік фосфатаза деңгейінің жоғарылауымен инфекциялық емес периостит жағдайлары туралы хабарланды. Пациентте сүйектерде ауырсыну және периоститтің рентгенологиялық белгілері пайда болған кезде басқа саладағы дәрігерлермен кеңескеннен кейін вориконазолды тоқтату мүмкіндігін қарастыру керек.

Көру тарапынан жағымсыз құбылыстар

Анық көрмеуді, көру жүйкесі невритін және көру жүйкесінің диск ісінуін қоса, көру мүшесі тарапынан ұзақ сақталған жағымсыз реакциялар жағдайлары хабарланды.

Бүйрек тарапынан жағымсыз құбылыстар

Вориконазол қабылдайтын ауыр науқастарда жедел бүйрек жеткіліксіздігінің даму жағдайлары байқалды. Вориконазол қабылдайтын пациенттер басқа да нефроуытты дәрілік заттарды қабылдауы және бүйрек функциясының төмендеуіне әкелетін қатар жүретін аурулары болуы мүмкін.

Бүйрек функциясына мониторинг

Пациенттерді бүйрек функциясының бұзылу белгілерін анықтау мақсатында қадағалау керек. Бұл үшін зертханалық зерттеулер жүргізу, атап айтқанда, сарысулық креатинин деңгейін анықтау қажет.

Ұйқы безі функциясының мониторингі

Жедел панкреатит қауіп факторлары бар, әсіресе бала жасындағы пациенттерге (мысалы, жақында өткен химиотерапия, гемопоэздік дің жасушаларын трансплантациялау (ГДЖТ)) вориконазолмен емдеу кезінде мұқият бақылау жүргізген жөн. Мұндай клиникалық жағдайда сарысулық амилаза немесе липаза деңгейін бақылау мүмкіндігі қарастырылуы мүмкін.

Бала жасындағы пациенттер

Препараттың қауіпсіздігі мен тиімділігі 2 жасқа толмаған балаларда анықталған жоқ. Вориконазол 2 жастан бастап және одан үлкен жасөспірімдерге тағайындалады. Балалар жасындағы пациенттер популяциясында бауыр ферменттері деңгейінің жоғарылауы жиі байқалды. Ересектердегі сияқты, балаларда бауыр функциясын бақылау керек. Пероральді қолданғанда препараттың биожетімділігі мальабсорбциясы бар және жасына сай қалып шегіне қатысты дене салмағы өте төмен 2 жастан < 12 жастағы балаларда төмендеуі мүмкін. Ондай жағдайларда вориконазолды вена ішіне енгізу ұсынылады.

Тері тарапынан күрделі жағымсыз реакциялар (ЖТО қоса)

Балаларда фотоуыттану реакцияларының даму жиілігі жоғары. ЖТО даму мүмкіндігін ескеріп, пациенттердің осы қауымында ультракүлгінді сәуле әсерінен қорғайтын қатаң шаралар қолдану ақталымды. Балаларда тіпті емді тоқтатудан кейін лентигиноз немесе секпіл сияқты терінің суретті қартаюымен байланысты құбылыстар дамығанда ультракүлгінді сәуле әсерінен сақтанып, кейіннен дерматологиялық қадағалауды жалғастыруға кеңес беріледі.

Жағымсыз әсерлер профилактикасы

Вориконазол қолданумен байланысты жағымсыз құбылыстар туындағанда (гепатоуыттылық, фотоуыттануды және ПТО қоса, ауыр тері реакциялары, көрудің ауыр немесе ұзаққа созылатын бұзылуы және периостит) вориконазолды тоқтатудың және зеңге қарсы альтернативті препараттар қолданудың мақсатқа сай болуын қарастыру керек.

Фенитоин (CYP2C9 субстраты және күшті CYP450 индукторы)

Фенитоин мен вориконазолды бір мезгілде қолданған кезде фенитоин деңгейін мұқият бақылау қажет. Вориконазол мен фенитоинді бірге қолданудан, күтілетін пайдасы ықтимал қауіптен басым жағдайларды қоспағанда, аулақ болу керек.

Эфавиренз (CYP450 индукторы; CYP3A4 тежегіші және субстраты)

Эфавирензбен бірге қолданған кезде вориконазолдың дозасын 12 сағат сайын 400 мг-ға дейін, ал эфавиренздің дозасын 24 сағат сайын 300 мг-ға дейін азайту керек.

Рифабутин (CYP450 күшті индукторы)

Рифабутин мен вориконазолды бірге қолданған кезде жалпы қан талдауының көрсеткіштерін және рифабутинді (мысалы, увеитті) жағымсыз реакцияларды мұқият бақылау ұсынылады. Вориконазол мен рифабутинді бірге қолданудан, күтілетін пайдасы ықтимал қауіптен басым жағдайларды қоспағанда, аулақ болу керек.

Ритонавир (CYP450 күшті индукторы; CYP3A4 тежегіші және субстраты)

Пайда мен қауіп арақатынасы пациентте вориконазолды қолдануды мақұлдайтын жағдайларды қоспағанда, вориконазолды және ритонавирді төмен дозаларда (тәулігіне 2 рет 100 мг) бірге қолданудан аулақ болу керек.

Эверолимус (CYP3A4 субстраты, Р-гликопротеин субстраты)

Вориконазол мен эверолимусты бірге қолдану ұсынылмайды, өйткені вориконазол эверолимустың концентрациясын едәуір арттырады деп болжанады. Бүгінгі күні қолда бар деректер осы жағдайда препаратты дозалау жөніндегі нұсқауларды шығару үшін жеткіліксіз.

Налоксегол (CYP3A4 субстраты)

Вориконазол мен налоксеголды бірге қолдану ұсынылмайды, өйткені вориконазол налоксеголдың концентрациясын едәуір арттырады деп болжанады. Қазіргі уақытта бұл жағдайда налоксеголды дозалау жөніндегі нұсқаулар беру үшін деректер жеткіліксіз.

Метадон (CYP3A4 субстраты)

Метадон мен вориконазолды бірге қолданған кезде QTc аралығының ұзаруын қоса, метадонның жағымсыз реакциялары мен уыттылық белгілерін жиі бақылау ұсынылады, өйткені вориконазолмен бірге қолданған кезде метадонның құрамы артады. Метадон дозасын төмендету қажет болуы мүмкін.

Қысқа әсер ететін апиындар (CYP3A4 субстраты)

Вориконазолмен альфентанил, фентанил және құрылымы бойынша альфентанилге ұқсас және метаболизденетін CYP3A4 (мысалы, суфентанил) қысқа әсер ететін басқа апиындарды бірге қолданған кезде аталған апиындардың дозасын төмендету мүмкіндігін қарастыру қажет. Альфентанилді вориконазолмен бірге қолданған кезде альфентанилдің жартылай шығарылу кезеңі 4 есе ұлғаятындықтан, сондай-ақ бір тәуелсіз зерттеудің жарияланған деректеріне сәйкес фентанил мен вориконазолды бір мезгілде қолдану фентанилдің AUC0-∞ орташа мәнінің ұлғаюына алып келгендігін ескере отырып, апиындарды қолданумен байланысты жағымсыз реакциялардың жиі мониторингі (тыныс алу функциясының анағұрлым ұзақ мониторингін қоса) талап етілуі мүмкін.

Ұзақ әсер ететін апиындар (CYP3A4 субстраттары)

Вориконазолмен оксикодонды және CYP3A4 метаболизденетін ұзақ әсер ететін басқа апиындарды (мысалы, гидрокодон) бірге қолданғанда аталған апиындардың дозасын төмендету мүмкіндігін қарастыру қажет. Апиындарды қолданумен байланысты жағымсыз реакцияларды жиі бақылау қажет болуы мүмкін.

Флуконазол (CYP2C9, CYP2C19 және CYP3A4 тежегіші)

Вориконазол мен флуконазолды бірге пероральді қолдану дені сау еріктілерде вориконазолдың C max және AUCτ айтарлықтай өсуіне әкелді. Вориконазол мен флуконазолды қолдану дозасының және/немесе жиілігінің қандай төмендеуі осы әсердің жойылуына әкелетіні белгісіз. Вориконазолды тікелей флуконазолдан кейін қабылдаған кезде вориконазолды қабылдауға байланысты жағымсыз реакцияларға мониторинг жүзеге асыру ұсынылады.

Басқа дәрілік препараттармен өзара әрекеттесуі

Вориконазол Р - 450 (CYP2C19, CYP2C9 және CYP3A4) цитохромы изоферменттерінің әсерімен метаболизденеді және олардың белсенділігін тежейді. Осы изоферменттердің тежегіштері немесе индукторлары тиісінше қан плазмасындағы вориконазол концентрациясының жоғарылауын немесе төмендеуін тудыруы мүмкін, сондай-ақ Р-450 цитохромының осы изоферменттерімен метаболизденетін заттардың вориконазолмен плазмалық концентрациясының жоғарылау ықтималдығы бар, атап айтқанда CYP3A4 изоферментімен метаболизденетін заттар үшін, өйткені вориконазол CYP3A4 күшті тежегіші болып табылады, дегенмен AUC жоғарылауы субстратқа байланысты.

Вориконазолды QTс аралығын ұзартуға қабілетті дәрілік заттармен сақтықпен қолдану керек, өйткені сирек жағдайларда бұл көп пішінді қарыншалық пароксизмальді тахикардияның туындауына әкелуі мүмкін. Вориконазолды CYP3A4 изоферментімен метаболизденетін заттармен (кейбір антигистаминдік препараттар, хинидин, цизаприд, пимозид жатады) бірге қолдануға да қарсы болады, олардың концентрациясы қан плазмасында ұлғаюы мүмкін.

Дәрілік заттардың өзара әрекеттесу кестесі

Вориконазол мен басқа дәрілік заттардың өзара әрекеттесуі төмендегі кестеде көрсетілген (шартты белгілер: тәулігіне бір рет — «1 р./тәул.», тәулігіне екі рет - «2 р./тәул.», тәулігіне үш рет - «3 р./тәул.» және анықталмаған — «А/Ж»). Әрбір фармакокинетикалық параметр үшін бағыттаманың бағыты орташа геометриялық мәндердің арақатынасының 90% сенімді аралығына негізделген және 80-125% диапазонның «шегінде» (↔), «төмен» (↓) немесе «жоғары» (↑) дегенді білдіреді. Жұлдызша (*) екі жақты өзара әрекеттесуді көрсетеді. AUC, AUCt және AUC0– уақыттың нөлдік белгісінен бастап бірінші анықталатын концентрацияға дейін және уақыттың нөлдік белгісінен шексіздікке дейін дозалау аралығы бойында фармакокинетикалық қисық астындағы ауданды белгілейді.

Кестедегі өзара әрекеттесулер мынадай тәртіппен ұсынылған: бір мезгілде қолдануға қарсы көрсетілген препараттар; дозаны түзетуді немесе мұқият клиникалық және/немесе биологиялық мониторингті талап ететін препараттар және елеулі фармакокинетикалық өзара әрекеттесулер жоқ, бірақ өзара әрекеттесулер осы терапиялық салада клиникалық қызығушылық тудыратын препараттар.

Вориконазол Р - 450 (CYP2C19, CYP2C9 және CYP3A4) цитохромы изоферменттерінің әсерімен метаболизденеді және олардың белсенділігін тежейді. Осы изоферменттердің тежегіштері немесе индукторлары тиісінше қан плазмасындағы вориконазол концентрациясының жоғарылауын немесе төмендеуін тудыруы мүмкін, сондай-ақ Р-450 цитохромының осы изоферменттерімен метаболизденетін заттардың вориконазолмен плазмалық концентрациясының жоғарылау ықтималдығы бар, атап айтқанда CYP3A4 изоферментімен метаболизденетін заттар үшін, өйткені вориконазол CYP3A4 күшті тежегіші болып табылады, дегенмен AUC жоғарылауы субстратқа байланысты.

Вориконазолды QTс аралығын ұзартуға қабілетті дәрілік заттармен сақтықпен қолдану керек, өйткені сирек жағдайларда бұл көп пішінді қарыншалық пароксизмальді тахикардияның туындауына әкелуі мүмкін. Вориконазолды CYP3A4 изоферментімен метаболизденетін заттармен (кейбір антигистаминдік препараттар, хинидин, цизаприд, пимозид жатады) бірге қолдануға да қарсы болады, олардың концентрациясы қан плазмасында ұлғаюы мүмкін.

Дәрілік заттардың өзара әрекеттесу кестесі

Вориконазол мен басқа дәрілік заттардың өзара әрекеттесуі төмендегі кестеде көрсетілген (шартты белгілер: тәулігіне бір рет — «1 р./тәул.», тәулігіне екі рет - «2 р./тәул.», тәулігіне үш рет - «3 р./тәул.» және анықталмаған — «А/Ж»). Әрбір фармакокинетикалық параметр үшін бағыттаманың бағыты орташа геометриялық мәндердің арақатынасының 90% сенімді аралығына негізделген және 80-125% диапазонның «шегінде» (↔), «төмен» (↓) немесе «жоғары» (↑) дегенді білдіреді. Жұлдызша (*) екі жақты өзара әрекеттесуді көрсетеді. AUC, AUCt және AUC0– уақыттың нөлдік белгісінен бастап бірінші анықталатын концентрацияға дейін және уақыттың нөлдік белгісінен шексіздікке дейін дозалау аралығы бойында фармакокинетикалық қисық астындағы ауданды белгілейді.

Кестедегі өзара әрекеттесулер мынадай тәртіппен ұсынылған: бір мезгілде қолдануға қарсы көрсетілген препараттар; дозаны түзетуді немесе мұқият клиникалық және/немесе биологиялық мониторингті талап ететін препараттар және елеулі фармакокинетикалық өзара әрекеттесулер жоқ, бірақ өзара әрекеттесулер осы терапиялық салада клиникалық қызығушылық тудыратын препараттар.

Дозалау режимі

Емді бастар алдында зеңдік өсірінді үлгілерін алу қажет және патогенді микроорганизмдер – инфекцияны қоздырғыштарды анықтау және идентификациялау үшін басқа да тиісті зертханалық зерттеулер (серологиялық, гистопатологиялық) жүргізу керек. Ем өсірінділік және басқа да зертханалық зерттеу нәтижелерін алғанға дейін басталуы мүмкін, алайда осы нәтижелерді алғаннан кейін инфекцияға қарсы емдеуді тиісінше түзету керек.

Гипокалиемия, гипомагниемия және гипокальциемия сияқты электролиттік бұзылулар қажет болса вориконазолмен емдеуді бастағанға дейін және ем кезінде анықталуы және түзетілуі тиіс.

Ересек пациенттер

Бірінші күні тепе-тең концентрацияға жақын қан плазмасында вориконазолдың концентрациясына қол жеткізу үшін вориконазолды вена ішіне енгізуді белгіленген қанықтыратын дозадан бастау керек.

Ішке қабылдаған кезде жоғары биожетімділігін (96%) ескере отырып, клиникалық көрсетілімдер болғанда вена ішіне қолданудан препаратты пероральді қолдануға дейін ауыстыруға болады.

Препаратты дозалау жөніндегі нұсқаулар туралы толық ақпарат келесі кестеде берілген:

Препарат 20 мм сұр бромбутилді тығындармен тығындалған, «flip-off» типті полипропиленнен жасалған күрең түсті дискілері бар 20 мм алюминий нығыздағыш сақиналармен қаусырылған, АҚШФ бойынша сыйымдылығы 25 мл І типті мөлдір түссіз шыныдан жасалған құтыларға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

25 °С-ден аспайтын температурада сақтау керек.

Қалпына келтірілген ерітіндінің сақтау мерзімі (2-8) 0С температурада тоңазытқышта 24 сағат бойы және 30 0С-ден жоғары емес температурада 2 сағат бойы.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Қалпына келтірілген ерітіндінің сақтау мерзімі (2-8) 0С температурада тоңазытқышта 24 сағат бойы және 30 0С-ден жоғары емес температурада 2 сағат бойы.

Балалардың қолы жетпейтін жерде сақтау керек!