Актобе қаласындағы Небивол Таблеткалары 5 Мг №28 | Специфар АО

Артериялық гипертензия

Эссенциальді гипертензияны емдеуде.

Созылмалы жүрек жеткіліксіздігі

Стандартты ем кезінде қосымша ем ретінде егде жастағы пациенттерде (70 жас және одан үлкен) жеңіл және орташа дәрежедегі тұрақты созылмалы жүрек жеткіліксіздігін емдеуде.

белсенді затқа немесе препараттың қосымша заттарының кез келгеніне аса жоғары сезімталдық

бауыр жеткіліксіздігі немесе бауыр функциясының бұзылуы

жедел жүрек жеткіліксіздігі, кардиогенді шок немесе оң инотропты әсері бар дәрілік препараттарды вена ішіне енгізуді талап ететін жүрек жеткіліксіздігінің декомпенсация эпизодтары

Фармакодинамикалық өзара әрекеттесуі

Төменде сипатталған өзара әрекеттесу формалары бета-адренорецепторлардың барлық блокаторларына қатысты.

Келесі препараттармен бір уақытта қолдану ұсынылмайды:

I класты аритмияға қарсы препараттар (хинидин, гидрохинидин, цибензолин, флекаинид, дизопирамид, лидокаин, мексилетин, пропафенон): атриовентрикулярлық өткізгіштік күшеюі және теріс изотропты әсер ұлғаюы мүмкін.

Верапамил/дилтиазем типті кальций иондарының антагонистері: миокард жиырылуына және атриовентрикулярлық өткізгіштікке жағымсыз ықпал. Бета-адреноблокаторлар қабылдайтын пациенттерге верапамилді вена ішіне енгізу айқын артериялық гипотензияға және атриовентрикулярлық блокадаға әкелуі мүмкін.

Орталықтан әсер ететін гипертензияға қарсы препараттар (клонидин, гуанфацин, моксонидин, метилдопа, рилменидин): орталықтан әсер ететін гипертензияға қарсы препараттарды бір уақытта қолдану орталық симпатомиметикалық тонусты төмендету (жүрек жиырылуы және жүрек лықсуы жиілігінің төмендеуі, вазодилатация) салдарынан жүрек жеткіліксіздігінің симптомдарын нашарлатуы мүмкін. Препаратты кенеттен тоқтату, әсіресе бета-адреноблокатордың қолдануды тоқтатқанға дейін «рикошеттік артериялық гипертензияның» туындау қаупін арттыруы мүмкін.

Аса сақтықпен қолдану қажет препараттар:

III класты аритмияға қарсы препараттар (амиодарон): атриовентрикулярлық өткізгіштікке ықпал күшеюі мүмкін.

Жалпы анестетиктер – құрамында галоген бар ингаляциялық дәрілер: бета-адреноблокаторларды жалпы анестетиктермен бірге қолдану рефлекторлық тахикардияны төмендетуі және артериялық гипотензияның туындау қаупін арттыру мүмкін. Бета-адреноблокаторлар қабылдауды кенеттен тоқтатудан аулақ болудың жалпы ережесін басшылыққа алу керек. Анестезиологқа пациенттің Небивол препаратын қабылдап жүргені туралы хабарлау қажет.

Инсулин және пероральді гипогликемиялық препараттар: небиволол глюкоза деңгейіне ықпал етпейтіндігіне қарамастан бір уақытта қолдану гипогликемия симптомдарын (қатты жүрек қағуы, тахикардия) бүркемелеуі мүмкін.

Баклофен (миорелаксант), амифостин (қосымша ісікке қарсы препарат): гипертензияға қарсы препараттармен бір уақытта қолдану, қанның артериялық қысымының төмендеу әсерін күшейтуі ықтимал; осыны ескеріп, гипертензияға қарсы препараттардың дозасын тиісінше түзетеді.

Мақсатқа сәйкестігін бағалауды талап ететін біріктірілген ем:

Жүрек гликозидтері: препараттарды бір уақытта қолдану атриовентрикулярлық өткізгіштіктің баяулауын туындатуы мүмкін. Небивололды клиникалық зерттеулер өзара әрекеттесудің клиникалық дәлелдерін анықтамады. Небиволол дигоксиннің фармакокинетикасына ықпал етпейді.

Дигидропиридин типті кальций иондарының антагонистері (амлодипин, фелодипин, лацидипин, нифедипин, никардипин, нимодипин, нитрендипин): мұндай препараттарды бір уақытта қолдану артериялық гипотензияның даму қаупін жоғарылатуы мүмкін, сондай-ақ жүрек жеткіліксіздігі бар пациенттерде қарыншалар функциясының әрі қарай нашарлауының жоғарғы қаупін жоққа шығаруға болмайды.

Психозға қарсы препараттар, антидепрессанттар (трициклдық антидепрессанттар, барбитураттар және фенотиазин туындылары): бір уақытта қолданғанда бета-адреноблокаторлардың гипотензиялық әсері (аддитивті әсер) күшеюі мүмкін.

Қабынуға қарсы стероидты емес препараттар (ҚҚСП): небивололдың гипотензиялық әсеріне ықпал етпейді.

Симпатомиметиктер: біріктіріп қолданғанда бета-адренорецептор блокаторларының белсенділігін төмендетуі мүмкін. Бета-адреноблокаторлар, альфа-адренергиялық, сондай-ақ бета-адренергиялық әсермен (артериялық гипертензияның, ауыр брадикардияның және жүрек блокадасының даму қаупі) симпатомиметиктердің кедергісіз альфа-адренергиялық белсенділігіне әкелуі мүмкін.

Фармакокинетикалық өзара әрекеттесулер

Небиволол метаболизмінде CYP2D6 изоферменті қатысатындықтан, бұл ферменттің тежегіштерін, әсіресе пароксетин, флуоксетин, тиоридазин және хинидин сияқты бір уақытта қолдану қан плазмасындағы небиволол деңгейінің жоғарылауына әкелуі мүмкін, бұл брадикардия және жағымсыз әсерлердің жоғарғы даму қаупімен байланысты.

Циметидинді бір уақытта қолдану клиникалық әсерлердің өзгерісінсіз қан плазмасындағы небиволол деңгейін жоғарылатады. Ранитидинді бір уақытта қолдану небиволол фармакокинетикасына ықпал етпейді. Небиволол антацидтік препараттармен, Небиволды тамақтану кезінде, ал антацидтік препараттарды - тағам қабылдаулар арасында қабылдаған жағдайда бірге қолдануға болады.

Небиволол мен никардипинді біріктіріп қолданғанда олардың клиникалық тиімділігі өзгерместен қан плазмасындағы екі препараттың да концентрациясы аздап жоғарылайды. Алкогольді бір уақытта қабылдау, фуросемидті немесе гидрохлоротиазидті қолдану небиволол фармакокинетикасына ықпал етпейді. Небиволол варфариннің фармакокинетикасына және фармакодинамикасына ықпал етпейді.

Дозалау режимі

Артериялық гипертензия

Ересектер

Доза тәулігіне бір таблетканы (5 мг) құрайды, оны әр күні бір уақытта ғана қабылдаған жөн. Гипотензиялық әсері 1-2 апта емнен кейін байқалады.

Сирек жағдайларда препараттың оңтайлы әсері 4 апта қабылдаудан кейін ғана дамиды.

Басқа гипертензияға қарсы дәрілік препараттармен біріктіріп қолдану

Бета-адреноблокаторлар монотерапияда немесе басқа гипертензияға қарсы препараттармен біріктірілімде қолданылуы мүмкін. Бүгінгі күні аддитивті гипертензияға қарсы әсер Небивол препараты мен гидрохлоротиазидті 12.5-25 мг дозада бір уақытта қолданғанда ғана байқалды.

Пациенттердің ерекше топтары

Бүйрек жеткіліксіздігі бар пациенттер

Бүйрек жеткіліксіздігі бар пациенттер үшін ұсынылатын бастапқы доза тәулігіне 2.5 мг құрайды. Қажет жағдайда тәуліктік дозаны 5 мг дейін ұлғайтуға болады.

Бауыр жеткіліксіздігі бар пациенттер

Препаратты бауыр жеткіліксіздігі бар немесе бауыр функциясы бұзылған пациенттерде қолдану тәжірибесі шектеулі. Сондықтан Небивол препаратын мұндай пациенттерде қолдануға болмайды.

Егде жастағы пациенттер

65 жастан асқан пациенттер үшін ұсынылатын бастапқы доза тәулігіне 2.5 мг құрайды.

Қажет жағдайда тәуліктік дозаны 5 мг дейін ұлғайтуға болады. Сонымен бірге, препаратты 75 жастан асқан пациенттерде қолданудың шектеулі тәжірибесін ескере отырып, сақтық таныту және мұндай пациенттерді мұқият қадағалау керек.

Балалар мен жасөспірімдер

Небивол препаратын 18 жасқа дейінгі балалар мен жасөспірімдерде қолданудың тиімділігі мен қауіпсіздігі зерттелмеген. Деректер жоқ. Осы себепті препаратты осы жас тобында қолдану ұсынылмайды.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!