Актобе қаласындағы Асменол Таблеткалары 10 Мг №28 | Polpharma S.A.

Ингаляциялық кортикостероидтарды қолдану кезінде демікпе жеткілікті дәрежеде бақыланбайтын және «қажеттігіне қарай» қысқа әсер ететін β-агонистерін қолдану аясында демікпе талапқа сай клиникалық түрде бақыланбайтын, жеңіл немесе орташа ауырлықтағы персистирлейтін демікпесі бар пациенттерде демікпені емдеудегі қосымша препарат ретінде. Монтелукаст көрсетілген демікпесі бар пациенттерде, препарат сондай-ақ маусымдық аллергиялық риниттің симптомдарын жеңілдетеді.

Негізгі компоненті дене жүктемесінен туындаған бронх түйілуі болып табылатын демікпе профилактикасында.

белсенді затқа немесе қосымша заттардың кез келгеніне жоғары сезімталдықта

препараттың қауіпсіздігі мен тиімділігі туралы деректердің болмауына байланысты 15 жасқа дейінгі балалар

тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Монтелукастты бронх демікпесін ұзақ емдеу мен профилактикасы үшін қолданылатын басқа дәрілік препараттармен қабылдауға болады. Дәрілермен өзара әрекеттесуін зерттеуде монтелукастты ұсынылған клиникалық дозада қолдану төмендегі дәрілік заттардың фармакокинетикасына клиникалық елеулі әсермен қатар жүрмеді: теофиллин, преднизон, преднизолон, пероральді контрацептивтер (этинилэстрадиол/норэтиндрон 35/1), терфенадин, дигоксин және варфарин.

Қатар жүретін препарат ретінде фенобарбитал препаратын қабылдаған пациенттерде монтелукаст үшін «плазмадағы концентрациясы - уақыт» қисық астындағы ауданы (AUC) шамамен 40%-ға төмендеген. Монтелукаст CYP 3A4, 2C8 және 2C9 изоферменттерімен метаболизденетін болғандықтан монтелукастты фенитоин, фенобарбитал және рифампицин сияқты CYP 3A4, 2C8 және 2C9 индукторларымен бірге қолданғанда, әсіресе балаларды емдегенде сақ болу керек. Монтелукаст CYP 2C8 күшті әсер ететін тежегіші болып табылады. Алайда монтелукаст пен розиглитазонды (метаболизмі көбінесе CYP 2C8 арқылы жүзеге асырылатын дәрілік заттар тобының өкілі болып табылатын маркерлік субстрат) қолданумен дәрілік өзара әрекеттесудің деректері монтелукаст CYP 2C8 in vivo тежемейтінін көрсетті. Сондықтан монтелукаст осы фермент (мысалы, паклитаксел, розиглитазон және репаглинид) арқылы жүзеге асырылатын дәрілік заттардың метаболизміне елеулі әсер етпейді деп болжанады.

Монтелукаст CYP 2C8 және, айтарлықтай аз дәрежеде, 2C9 және 3A4 субстраты болып табылады. Монтелукаст пен гемфиброзилді (CYP 2C8 және 2C9 тежегіштері) қолданумен дәрілік өзара әрекеттесулер, гемфиброзил монтелукасттың жүйелік әсер ету деңгейін 4,4 есе арттырды. Бұл ретте, әдетте, гемфиброзилді немесе басқа да CYP 2C8 күшті әсер ететін тежегіштерін біріктіріп қолданған кезде монтелукасттың дозасын түзетудің қажеті жоқ, бірақ дәрігер жағымсыз реакциялардың пайда болу ықтималдығының артуы туралы хабардар болуы тиіс.

In vitro деректері негізінде CYP 2C8 күшті әсер ететін тежегіштерімен (мысалы, триметоприммен) клиникалық елеулі дәрілік өзара әрекеттесудің болмауын болжауға болады. Монтелукастты итраконазолмен, CYP 3A4 белсенді тежегішімен біріктіріп қолдану монтелукасттың жүйелік әсер ету деңгейінің елеулі артуымен қатар жүрмеді.

Дозалау режимі

Демікпесі бар немесе демікпесі және қатарлас маусымдық аллергиялық риниті бар 15 жастағы және одан үлкен пациенттер үшін доза тәулігіне, кешке 10 мг (1 таблетка) құрайды.

Жалпы ұсыныстар

Асменолдың бронх демікпесінің ағымын көрсететін көрсеткіштерге емдік әсері бірінші күн ішінде дамиды. Пациенттер Асменолды ауру ағымының жақсаруы кезінде де, нашарлау кезеңінде де қабылдауды жалғастыруы керек.

Асменолды құрамында осындай белсенді зат – монтелукаст бар басқа препараттармен бір мезгілде қабылдамаған жөн.

Егде жастағы пациенттерге, сондай-ақ бауыр функциясының жеңіл және орташа деңгейдегі бұзылуы бар немесе бүйрек жеткіліксіздігі бар пациенттерге дозаны түзетудің қажеті жоқ. Бауыр функциясы бұзылуының ауыр түрі бар пациенттерге қатысты деректер жоқ. Ерлер мен әйелдер үшін доза бірдей.

Енгізу әдісі және жолы

Ішке қабылдау үшін. Асменолды тамақтануға қарамастан қолдануға болады.

Демікпені емдеудің басқа әдістеріне байланысты Асменол препаратымен емдеу

Асменолды пациентке жүргізіліп жатқан емдеуге қосуға болады.

Ингаляциялық кортикостероидтар

Асменол препаратымен емдеуді ингаляциялық кортикостероидтарды қолдану және қажеттілігі бойынша β-агонистерді қолдану демікпенің жеткілікті клиникалық бақылауын қамтамасыз етпейтін пациенттерде қосымша ем ретінде қолдануға болады. Асменол ингаляциялық кортикостероидтарды алмастырмауы тиіс.

Балалар және жасөспірімдер

Асменол үлбірлі қабықпен қапталған 10 мг таблеткалар препаратын қолдану 15 жасқа толмаған балаларда осы жас тобында препараттың қауіпсіздігі мен тиімділігі туралы деректердің болмауына байланысты ұсынылмайды.

Артық дозалану жағдайында қабылдануы қажетті шаралар

Артық дозаланудың көптеген жағдайларында жағымсыз реакциялар туындаған жоқ.

Симптомдары: абдоминальді ауыру, ұйқышылдық, шөлдеу, бас ауыруы, құсу және психомоторлық аса жоғары белсенділік.

Емі: препаратты тоқтату, симптоматикалық ем. Монтелукаст перитонеальді диализ немесе гемодиализ кезінде шығарылатыны белгісіз.

Дәрілік препараттың бір немесе бірнеше дозасын жіберіп алғанда қажетті шаралар

Препараттың кезекті дозасын жіберіп алған кезде оны мүмкіндігінше тезірек қабылдау керек. Егер кезекті дозаны қабылдағанға дейін біраз уақыт қалса, оны жоспарланған уақытта қабылдау керек. Жіберіп алған дәрінің орнын толтыру үшін препараттың қосарлы дозасын қабылдамаған жөн.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында дәрігердің кеңесіне жүгініңіз.

ОПА/ алюминий фольгадан/ ПВХ/ алюминий фольгадан жасалған пішінді ұяшықты қаптамада 10 таблеткадан.

3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.