Астане қаласындағы Меронем 1 Г Бөтелке | ЭйСиЭс Добфар С.п.А.

Меронем® 3 айдан асқан балалар мен ересектерде мынадай ауруларды емдеу үшін көрсетілген:

ауыр, оның ішінде ауруханалық және ӨЖЖ астасқан пневмонияларда;

муковисцидоздан зардап шегетін пациенттердегі өкпе және бронх инфекцияларында;

несеп шығару жолдарының асқынған инфекцияларында;

құрсақ қуысының асқынған инфекцияларында;

босану кезіндегі және босанудан кейінгі инфекцияларда;

тері және жұмсақ тіндердің асқынған инфекцияларында;

жедел бактериялық менингит.

Пробенецидтен басқа нақты дәрілік заттармен өзара әрекеттесуіне зерттеулер жүргізілмеген.

Пробенецид Меронем® препаратының бүйрек арқылы экскрециясын тежей және жартылай шығарылу кезеңі мен плазмадағы концентрациясын арттыра отырып, белсенді өзекшелік сөлініс үшін меропенеммен бәсекелеседі. Меропенемді және пробенецидті бір мезгілде енгізу сақтықты талап етеді. Басқа препараттардың ақуыздармен байланысуына Меронем® препаратының ықтимал әсері немесе метаболизмі зерттелген жоқ. Меронем® препаратының ақуыздармен байланысуы өте елеусіз болғандықтан, плазма ақуыздарынан ығыстыруға негізделген басқа препараттармен өзара әрекеттесуі болмауы тиіс.

Вальпрой қышқылын/натрий вальпроатын/вальпромидті карбапенемдермен бір мезгілде қолдануға болмайды.

Пероральді антикоагулянттар

Антибиотиктер мен варфаринді бір мезгілде қолданғанда соңғысының антикоагулянттық белсенділігі күшейтіледі. Пероральді антикоагулянттардың, соның ішінде варфариннің, антибиотиктерді бір мезгілде алған пациенттерде ұюға қарсы әсерінің күшейгені туралы көп рет хабарланды. Қаупі инфекция түріне, жасына және пациенттің жалпы жағдайына байланысты болуы мүмкін, сондықтан антибиотиктің халықаралық қалыптасқан қатынастың жоғарылауына әсерін бағалау (ХҚҚ) қиын. Антибиотиктер мен пероральді антикоагулянтты бір мезгілде қолданған кезде, сондай-ақ осындай бірлескен қолдануды тоқтатқаннан кейін біраз уақыт ХҚҚ жиі бақылау ұсынылады.

Арнайы ескертулер

Педиатрияда қолдану

Дәрілік өзара әрекеттесулерді зерттеу тек ересек пациенттерде ғана жүргізілді.

Жүктілік немесе лактация кезінде қолдану

Егер сіз жүкті болсаңыз немесе баланы емізсеңіз, жүктіліктің болуын болжасаңыз немесе жүктілікті жоспарласаңыз, осы препаратты қабылдау алдында дәрігермен немесе фармацевтпен кеңесіңіз.

Жүктілік

Жүктілік кезінде меропенемді қолданудан аулақ болу керек.

Меронем® қолдану туралы шешімді сіздің дәрігеріңіз қабылдауы тиіс.

Емшекпен емізу

Меропенемді қабылдар алдында бала емізіп жүрсеңіз немесе болашақта емізетін болсаңыз, емдеуші дәрігерге хабарлау қажет. Бұл препараттың аз мөлшері емшек сүтіне енуі мүмкін. Сондықтан Меронем® препаратын емшекпен емізу кезінде қолдану туралы шешімді дәрігер қабылдауы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік құралдарын басқару және механизмдермен жұмыс істеу қабілетіне әсері бойынша зерттеулер жүргізілген жоқ.

Меронем® қабылдауы бас ауруы және теріні шаншу немесе шымшығандай ауырумен (парестезия) қоса жүруі мүмкін. Осы жағымсыз әсерлердің кез келгені автомобильді және басқа да механизмдерді басқару қабілетіне әсер етуі мүмкін. 

Меронем® бұлшықеттердің еріксіз тартылуын тудыруы мүмкін, бұл дененің тез және бақыланбайтын діріліне (құрысуға) әкелуі мүмкін. Бұл ретте, әдетте естен тану болуы мүмкін. Мұндай жағымсыз әсердің пайда болуы кезінде автокөлік құралын басқаруға немесе механизмдермен жұмыс істеуге болмайды.

Меронем® құрамындағы натрий

Бұл препараттың 1 г және 500 мг дозасында тиісінше 90 мг немесе 45 мг натрий (тамаққа пайдаланылатын тұздың негізгі компоненті) бар. Бұл ересектерге арналған тағаммен натрий тұтынудың ұсынылған ең жоғары тәуліктік мөлшерінің тиісінше 4,5% және 2,25% құрайды.

Егер қандай да бір ауруға байланысты сізге тұтынылатын натрий мөлшерін бақылау ұсынылса, бұл туралы емдеуші дәрігерге, фармацевтке немесе медбикеге хабарлаңыз.

Қолдану жөніндегі нұсқаулар

Дозалау режимі

Әрқашан бұл препаратты дәрігер, фармацевт немесе медбике ұсынған сияқты қолданыңыз. Егер сізде препаратты қолдану туралы күмән бар болса, дәрігермен, фармацевтпен немесе медбикемен кеңесіңіз.

Ересектерде қолданылуы

Доза инфекцияның түріне, инфекция анықталған органға және инфекцияның ауырлығына байланысты. Дәрігер қажетті дозаны анықтайды.

Ересектерге ұсынылған доза әдетте 500 мг-нан (миллиграмм) 2 г-ға дейін (грамм). Әдетте препараттың дозасын әрбір 8 сағат сайын енгізеді. Бүйрек аурулары болған жағдайда дәрігер препараттың төмендетілген дозасын тағайындай алады.

Дозалау режимі

Әрқашан бұл препаратты дәрігер, фармацевт немесе медбике ұсынған сияқты қолданыңыз. Егер сізде препаратты қолдану туралы күмән бар болса, дәрігермен, фармацевтпен немесе медбикемен кеңесіңіз.

Ересектерде қолданылуы

Доза инфекцияның түріне, инфекция анықталған органға және инфекцияның ауырлығына байланысты. Дәрігер қажетті дозаны анықтайды.

Ересектерге ұсынылған доза әдетте 500 мг-нан (миллиграмм) 2 г-ға дейін (грамм). Әдетте препараттың дозасын әрбір 8 сағат сайын енгізеді. Бүйрек аурулары болған жағдайда дәрігер препараттың төмендетілген дозасын тағайындай алады.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-ден < 1/100-ге дейін), сирек (≥ 1/10000-ден < 1/1000-ге дейін), өте сирек (< 1/10000),белгісіз (бар деректердің негізінде анықтау мүмкін емес).

Жиі

іштің ауыруы (асқазан)

жүрек айнуы, құсу

диарея

бас ауыруы

тері бөртпесі, тері қышынуы

ауыру және қабыну

қандағы тромбоциттер санының жоғарылауы

қан сарысуындағы аланинаминотрансфераза, аспартатаминотрансфераза, сілтілі фосфатаза, лактат-дегидрогеназа концентрациясының жоғарылауы

Жиі емес

тромбоциттер санының азаюы, лейкоциттер санының артуы, басқа лейкоциттер санының төмендеуі, агранулоцитоз, гемолиздік анемия, билирубин деңгейінің жоғарылауы

қан сарысуындағы креатининнің жоғары деңгейі

қан сарысуындағы мочевина деңгейінің жоғарылауы

шаншу (шымшылау) сезімі

ауыз қуысының инфекциялары немесе зеңнен (кандидоз) туындаған

қынап инфекциялары

ішектің диареямен қабынуы

Меронем® енгізілген жердегі венадағы ауырсыну

қандағы басқа өзгерістер. Симптомдары жиі инфекциялар, температураның жоғарылауы және тамақтың ауыруы болуы мүмкін. Мезгіл-мезгіл дәрігер қан талдауын тағайындай алады.

анафилаксия, ангионевроздық ісіну

уытты эпидермальді некролиз, Стивенс-Джонсон синдромы, мультиформалы эритема, есекжем

Сирек

ұстамалар (құрысулар)

жедел бағдар жоғалту және сананың шатасуы (делирий)

Препарат сыйымдылығы 20 мл (0,5 г дозасы үшін) немесе 30 мл (1 г дозасы үшін), резеңке тығындармен тығындалған және пластмасса қақпақшалы алюминий қалпақшалармен қаусырылған түссіз шыныдан жасалған құтыларға салынған.

10 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Болюсты енгізу үшін 50 мг/мл концентрацияға дейін инъекцияға арналған суда дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 12 сағат бойы тұрақты.

Инфузия түрінде енгізу үшін 1-ден 20 мг/мл-ге дейінгі концентрацияға дейін натрий хлоридінің 0,9 % ерітіндісінде дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 24 сағат бойы тұрақты.

Инфузия түрінде енгізу үшін 1-ден 20 мг/мл-ге дейінгі концентрацияға дейін декстрозаның (глюкоза) 5% ерітіндісінде дайындалған ерітінді  дайындалғаннан кейін дереу пайдаланылуы тиіс.

Барлық дайындалған ерітінділерді мұздатып қатыруға болмайды!

Құтыны ашу/қалпына келтіру/еріту әдісі микробиологиялық тұрғыдан ластанудың микробиологиялық қаупінің алдын алған жағдайлардан басқасында, препаратты дереу пайдаланған жөн. Егер ол дереу пайдаланылмаса, пайдалану сәтіне дейін сақтау уақыты мен шарттары үшін пайдаланушы жауапты болады.

Дәрілік препараттарды кәріз жүйесіне немесе тұрмыстық қоқысқа тастамаңыз. Керек емес препараттарды қайда тастау туралы фармацевтен сұраңыз. Бұл шаралар қоршаған ортаны қорғауға көмектеседі.

4 жыл

Жарамдылық мерзімі өткеннен кейін қолдануға болмайды!

Сақтау шарттары

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Болюсты енгізу үшін 50 мг/мл концентрацияға дейін инъекцияға арналған суда дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 12 сағат бойы тұрақты.

Инфузия түрінде енгізу үшін 1-ден 20 мг/мл-ге дейінгі концентрацияға дейін натрий хлоридінің 0,9 % ерітіндісінде дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 24 сағат бойы тұрақты.

Инфузия түрінде енгізу үшін 1-ден 20 мг/мл-ге дейінгі концентрацияға дейін декстрозаның (глюкоза) 5% ерітіндісінде дайындалған ерітінді  дайындалғаннан кейін дереу пайдаланылуы тиіс.

Барлық дайындалған ерітінділерді мұздатып қатыруға болмайды!

Құтыны ашу/қалпына келтіру/еріту әдісі микробиологиялық тұрғыдан ластанудың микробиологиялық қаупінің алдын алған жағдайлардан басқасында, препаратты дереу пайдаланған жөн. Егер ол дереу пайдаланылмаса, пайдалану сәтіне дейін сақтау уақыты мен шарттары үшін пайдаланушы жауапты болады.

Дәрілік препараттарды кәріз жүйесіне немесе тұрмыстық қоқысқа тастамаңыз. Керек емес препараттарды қайда тастау туралы фармацевтен сұраңыз. Бұл шаралар қоршаған ортаны қорғауға көмектеседі.