Астане қаласындағы Метронидазол Таблеткалары 250 Мг №10 | Эйкос фарм ТОО

Препарат паразитке қарсы және бактерияға қарсы әсер көрсетеді.

Көрсеткіштер метронидазолға сезімтал микробтар тудыратын инфекциялармен шектеледі:

урогенитальді трихомониазда

этиологиясы анықталмаған вагинитте

лямблиозда

амебиазда

препаратқа сезімтал микроорганизмдерден пайда болған анаэробтық инфекцияларда

метронидазолға сезімтал анаэробтық микроорганизмдерден пайда болған хирургиялық инфекцияларды емдеу

Бактерияларға қарсы препараттарды тиісінше қолдануға қатысты жергілікті ресми нұсқауларды ескеру қажет.

- метронидазолға немесе басқа имидазолдарға, немесе қосымша заттардың біреуіне аса жоғары сезімталдық

- 6 жасқа дейінгі балалар.

Антабус реакциясы

Дәрілік препараттардың көбісі алкогольді қабылдағанда антабус реакцияларын туындатады, сондықтан оларды қолдану аясында алкогольді қабыладау ұсынылмайды.

Ұсынылмайтын біріктірілімдер

Алкоголь (ішімдік немесе қосымша зат)

Антабус реакциясы (ысынулар, терінің қызаруы, құсу, тахикардия). Алкогольді ішімдіктерді қабылдаудан және құрамында этил спирті бар дәрілік препараттарды қабылдаудан бас тарту керек. Алкогольді ішімдіктерді немесе құрамында спирт бар дәрілік препараттарды қолдануды қайта бастамас бұрын, олардың жартылай шығарылу кезеңіне сүйене отырып есептеуге болатын дәрілік препараттардың толық шығарылу уақытын ескеру керек.

Бусульфан

Бусульфанның жоғары дозаларын қабылдаған кезде: метронидазол бусульфанның концентрациясын екі есе арттырады.

Дисульфирам

Жедел психоз немесе сананың шатасуының даму қаупі, препараттардың мұндай біріктірілімін қабылдауды тоқтатқаннан кейін қайта орнына келеді.

QT аралығының ұзаруын тудыратын препараттар

QT аралығының ұзару жағдайлары, әсіресе метронидазолды QT аралығын ұзартуы мүмкін дәрілік заттармен бір мезгілде қолданғанда хабарланды.

Тағайындау кезінде сақ болу керек препараттардың біріктірілімі

Құрысуға қарсы препараттар-ферменттер индукторлары

Қан плазмасындағы метронидазол концентрациясының төмендеуі оның бауырда индуктор препараттармен метаболизмінің жылдамдығының артуына байланысты. Клиникалық бақылау, индуктор-препаратпен емдеу кезінде және оны тоқтатқаннан кейін метронидазол дозасын түзетуге болады.

Рифампицин

Рифампициннің оның бауырдағы метаболизмінің жылдамдығын арттыруына байланысты қан плазмасындағы метронидазол концентрациясының төмендеуі. Клиникалық бақылау, рифампицинмен емдеу кезінде және оны тоқтатқаннан кейін метронидазол дозасы түзетілуі мүмкін.

Литий препараттары

Қандағы литий концентрациясының литийдің артық дозалану белгілерімен уытты мәндерге дейін жоғарылауы. Қандағы литий концентрациясын мұқият бақылау, қажет болған жағдайда литий препараттарының дозалау режимін өзгерту.

Өзара әрекеттесуді ескеру қажет препараттардың біріктірілімі

Фторурацил (және экстраполяция арқылы, тегафур және капецитабин) Фторурацилдің уыттылығының жоғарылауы оның клиренсінің төмендеуіне байланысты.

ХҚҚ тұрақсыздығына байланысты ерекше проблемалар

Антибиотиктерді қабылдайтын пациенттерде пероральді антикоагулянттар белсенділігінің артуының көптеген жағдайлары хабарланды. Айқын инфекциялық немесе қабыну аурулардың болуы, пациенттің жасы және жалпы жай-күйі қауіп факторлары болып табылады. Мұндай жағдайларда ХҚҚ тұрақсыздығының инфекциялық аурумен немесе оны емдеумен байланысты екенін анықтау қиын. Алайда, мұндай жағдайлар антибиотиктердің белгілі бір кластарын, атап айтқанда фторхинолондарды, макролидтерді, тетрациклиндерді, котримоксазолды және кейбір цефалоспориндерді қолданғанда жиі кездеседі.

Арнайы ескертулер

Жүктілік

Жануарларға жүргізілген зерттеулер бойынша тератогенді әсері анықталмады. Жануарларда тератогенді әсері болмағандықтан, ұрықтың даму кемістіктері күтілмейді.

Талдау кезінде зерттелетін препаратпен емделген жүкті әйелдердің көбісінде метронидазолдың қандай да бір даму кемістіктері немесе фетотоксикалық әсерлері анықталмаған. Алайда эпидемиологиялық мәліметтер ғана қауіптің жоқтығын растай алады. Сондықтан, қажет болған жағдайда, метронидазолды жүктілік кезінде тағайындауға болады.

Лактация кезеңі

Метронидазол ана сүтіне түсетін болғандықтан, емізу кезінде бұл дәрілік затты қабылдаудан аулақ болу қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қызметі механизмдерді басқарумен байланысты болатын пациенттерде, әсіресе көлік жүргізушілеріне тағайындаған кезде бас айналу, сананың шатасуы, елестеулер, құрысулар немесе көрудің бұзылуы дамуы мүмкін екендігін ескерген жөн.

Дозалау режимі

Трихомониаз

Әйелдерде трихомониаз кезінде (трихомонадты уретрит және вагинит) келесідей он күндік аралас ем алған жақсырақ:

- 250 мг-ден таблеткалар күніне 2 рет, пероральді

- 500 мг-ден қынаптық суппозиторийлерді күніне 1 рет.

Серіктесінде Trichomonas vaginalis жұқтырудың клиникалық белгілері байқалмаса да, зертханалық талдаудың оң нәтижесі болмаса да, екі серіктес те бір уақытта емделуі керек.

Еркектерде трихомониаз кезінде (трихомонадты уретрит): 250 мг-ден таблеткалар күніне 2 рет 10 күн бойы.

Айрықша жағдайларда қажет болғанда тәуліктік дозаны 750-1000 мг-ге дейін арттыруға болады.

Лямблиозды 5 күн бойы емдейді:

- ересектерге 250-500 мг-ден тәулігіне 2-3 рет (ең жоғарғы 1,0 г/тәулік);

- 6-дан 10-жасқа дейінгі балаларға 125 мг-ден (½ таблетка) күніне 3 рет (тәуліктік доза 375 мг);

- 10-нан 15-жасқа дейінгі балаларға 250 мг-ден күніне 2 рет.

Амебиазда метронидазолды 7 күн бойы тағайындайды:

- ересектерге 500 мг-ден (2 таблетка) күніне 3 рет;

- балаларға 3 реттік қабылдау тәулігіне 30-40 мг/кг.

Абсцесс сатысында бауыр амебиазында абсцесстің жойылуы метронидазолмен емдеу кезінде жүргізілу керек.

Этиологиясы анықталмаған вагинитті емдеу кезінде 500 мг-ден күніне 2 рет 7 күн бойы. Серіктеспен бір уақытта емдеу жүргізілу керек.

Анаэробтық инфекцияларды емдегенде ересектерге метронидазолды тәулігіне 1,0-1,5 г, балаларға - тәулігіне 20-30 мг/кг есебімен тағайындайды.

Енгізу әдісі мен жолы

Метронидазолды, тамақтану алдында немесе тамақтанудан кейін, судың жеткілікті мөлшерімен ішіп, ішке қабылдайды.

Артық дозаланған жағдайда қолданылуы қажет шаралар

Өзіне-өзі қол жұмсау әрекеті кезінде 12 г-ге дейінгі бір реттік дозаны қабылдау және кездейсоқ артық дозалану жағдайлары хабарланды.

Симптомдар құсу, атаксия және жеңіл дәрежедегі бағдардан адасумен шектелді. Метронидазолмен артық дозалану кезіндегі арнайы антидоты жоқ. Жаппай артық дозаланған жағдайда емдеу симптоматикалық болып табылады.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

Қан және лимфа жүйесі тарапынан бұзылулар

Белгісіз: нейтропения, агранулоцитоз, тромбоцитопения.

Жүрек-қантамыр аурулары

Белгісіз: QT аралығының ұзару жағдайлары, әсіресе метронидазолды QT аралығын ұзартуы мүмкін препараттармен бірге қолданғанда хабарланды.

Психикалық бұзылыстар

Белгісіз: елестеулер, суицидтік идеялармен немесе суицидтік әрекеттермен бірігуі мүмкін паранойямен және/немесе сандырақтаумен психикалық реакциялар, депрессия.

Жүйке жүйесі тарапынан бұзылулар

Жиі емес: бас ауыруы, бас айналуы, сананың шатасуы.

Сирек: шеткері сенсорлық нейропатия, құрысулар.

Белгісіз: энцефалопатия, ол МРТ-дағы патологиялық өзгерістермен біріктірілуі мүмкін. Әдетте, бұл бұзылулар емдеуді тоқтатқаннан кейін басылады. Жекелеген өліммен аяқталған жағдайлар тіркелген, жеделге жуық мишық синдромы (атаксия, дизартрия, жүрістің бұзылуы, нистагм, тремор), асептикалық менингит.

Көру мүшесі тарапынан бұзылулар

Белгісіз: анық көрмеу сияқты көрудің өтпелі нашарлауы, диплопия, миопия, көру өткірлігінің төмендеуі, түсті қабылдаудың бұзылуы, нейропатия/ көру жүйкесінің невриті.

Асқазан-ішек жолы тарапынан бұзылулар

Жиі емес: ауыр емес асқазан-ішек бұзылыстары (эпигастрияның ауыруы, жүрек айну, құсу, диарея), ауыздың құрғау сезімімен қатар жүретін глоссит, стоматит, дәмді қабылдаудың бұзылуы, анорексия.

Белгісіз: емдеуді тоқтатқан кезде қайтымды панкреатит, тілдің түсінің немесе сыртқы түрінің өзгеруі (микоз).

Бауыр және өт шығару жолының тарапынан бұзылулар

Белгісіз: бауыр ферменттері деңгейінің жоғарылауы (АЛТ, АСТ, сілтілі фосфатаза), цитолизбен (кейде сарғаюмен), холестазбен немесе олардың бірігуімен қатар жүретін бауырдың жедел зақымдануының жекелеген жағдайлары. Бауыр трансплантациясын қажет ететін бауыр-жасушалық жеткіліксіздіктің жекелеген жағдайлары туралы хабарланды.

Тері және тері асты тіндері тарапынан бұзылулар

Сирек: гиперемия, қышыну, тері бөртпелері, кейде дене қызуының жоғарылауымен, есекжеммен, Квинкенің ісінуімен, анафилаксиялық шокпен қатар жүреді.

Белгісіз: жедел жайылған экзантематозды пустулездің жекелеген жағдайлары, Лайелл синдромы, Стивенс-Джонсон синдромы, тіркелген пигментті эритема.

Басқалары

Жиі емес: препараттың метаболизмі процесінде суда еритін пигменттердің түзілуіне түрткі болған несептің қызыл-қоңыр түске боялуы.

10 таблеткадан екі жағынан полимер жабыны бар қаптамалық қағаздан жасалған пішінді ұяшықсыз қаптамада. 250 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықтармен бірге картон қорапқа (топтық қаптамаға) салынады.

10 таблеткадан екі жағынан полимер жабыны бар қаптамалық қағаздан жасалған пішінді ұяшықсыз қаптамада. 10 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. 24 картон қорапшадан картон қорапқа (топтық қаптама) салынады.

30 таблеткадан полипропилен қақпақтары бар полиэтиленнен жасалған банкілерде. Банкілердегі бос орын медициналық гигроскопиялық мақтамен толтырылады. 20 банкіден медициналық қолдану жөніндегі қазақ және орыс тілдеріндегі нұсқаулықтармен бірге картон қорапқа (топтық қаптамаға) салынады.

30 таблеткадан полипропилен қақпақтары бар полиэтиленнен жасалған банкілерде. 1 банкіден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. 20 картон қорапшадан картон қорапқа (топтық қаптама) салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 25˚С-ден аспайтын температурада сақтау керек.

Балалардың қолы жетпейтін жерде сақтау керек!

Құрғақ, жарықтан қорғалған жерде 25˚С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 25˚С-ден аспайтын температурада сақтау керек.

Балалардың қолы жетпейтін жерде сақтау керек!