Астане қаласындағы Новокаин Ампуласы 0,5% 5 Мл №10 | Новосибхимфарм ОАО

- инфильтрациялық (оның ішінде сүйек ішілік) анестезия

- блокадаларды (вагосимпатикалық мойын, паранефральді, циркулярлық және паравертебральді) жүргізу үшін

- прокаинге (оның ішінде пара-аминобензой қышқылына және басқа да жергілікті анестетик-эфирлерге) және препарат компоненттеріне жоғары сезімталдық

- балалар (12 жасқа дейін)

- тіндердегі айқын фиброздық өзгерістер (сырғымалы инфильтрат әдісімен анестезия үшін)

- миастения

- артериялық гипотензия

- енгізу орнындағы іріңді процесс

- жедел қан жоғалтумен қатар жүретін шұғыл операциялар

Айрықша нұсқаулар

Аумақтық және жергілікті анестезияны тәжірибелі мамандар тиісті түрде жабдықталған үй-жайда жүрек қызметінің мониторингін және реанимациялық іс-шараларды жүргізу үшін қажетті жабдықтар мен препараттар дереу пайдалануға дайын болған кезде жүргізуге тиіс. Анестезияны жасайтын персонал білікті және анестезияны орындау техникасына үйретілуі тиіс, жүйелі уытты реакциялардың, жағымсыз құбылыстар мен реакциялардың және басқа асқынулардың диагностикасымен және емімен таныс болуы тиіс.

Препаратты бауыр қан ағымының төмендеуімен (мысалы, созылмалы жүрек жеткіліксіздігі, бауыр аурулары кезінде), жүрек-қантамырлар жеткіліксіздігінің өршуімен (әдетте жүрек блокадасының және шоктың дамуы салдарынан), псевдохолинэстераза тапшылығымен, бүйрек жеткіліксіздігімен, қабыну ауруларымен немесе инъекция орнының инфекциясымен қатар жүретін жағдайларда сақтықпен тағайындау керек.

Прокаинді қолдану кезінде жағымсыз реакциялардың дамуының негізгі себебі жоғары плазмалық концентрация болып табылады, ол артық дозалану, жылдам жүйелі абсорбция, қантамыр ішіне байқаусызда енгізу немесе баяу метаболизмдік деградация салдарынан байқалуы мүмкін. Сонымен қатар, төзімділіктің төмендеуі, оның ішінде қан плазмасындағы холинэстераза тапшылығы, ацидоз, гипоальбуминемияға әкелетін қатар жүретін аурулар, салдарынан плазма ақуыздарымен байланысуға басқа дәрілік заттармен бәсекелестік сияқты плазма ақуыздарымен байланысқа әсер ететін факторлардың болуы прокаиннің плазмалық концентрациясының жоғарылауына әкелуі мүмкін. Осыған байланысты анестезия кезінде организмнің өмірлік маңызды функцияларын бақылап отыру қажет.

Қолданар алдында препаратқа жеке сезімталдыққа сынама жүргізу міндетті. Жергілікті анестезия кезінде ерітіндінің концентрациясын ескеру қажет (бірдей жалпы дозаны қолданған кезде прокаиннің уыттылығы ерітіндінің концентрациясына байланысты әртүрлі болуы мүмкін). Шырышты қабықтардан сіңбейді және теріге қолданған кезде беткейлік анестезияны қамтамасыз етпейді.

Басқа дәрілік заттармен өзара әрекеттесу

Жергілікті анестетиктер басқа дәрілік заттардың орталық жүйке жүйесіне (ОЖЖ) бәсеңдететін әсерін күшейтеді.

Антикоагулянттар (ардепарин, далтепарин, данапароид, эноксапарин, гепарин, варфарин) новокаинмен бірге қолданғанда қан кетудің даму қаупін арттырады.

Новокаиннің инъекция орындарын ауыр металдардың тұздары бар дезинфекциялық ерітінділермен өңдеген кезде ауырсыну және ісіну түрінде жергілікті реакцияның пайда болу қаупі артады.

Новокаинді моноаминоксидаза тежегіштерімен (фуразолидон, прокарбазин, селегилин) қолдану гипотензияның даму қаупін арттырады, сондықтан оларды жергілікті анестетикті қолданудан 10 күн бұрын тоқтату керек.

Новокаин миорелаксациялайтын дәрілік заттардың әсерін күшейтеді және ұзартады.

Новокаинді есірткі анальгетиктерімен бірге тағайындау кезінде қосымша әсер байқалады, ол жұлын және эпидуральді анестезия кезінде қолданылады, бұл ретте тыныс алудың бәсеңдеуі күшейеді.

Вазоконстрикторлар (эпинефрин, метоксамин, фенилэфрин) новокаиннің жергілікті анестетикалық әсерін ұзартады.

Новокаин дәрілік заттардың миастенияға қарсы әсерін, әсіресе оны жоғары дозаларда пайдаланған кезде төмендетеді, бұл миастенияны емдеудің қосымша түзетілуін талап етеді.

Холинэстераза тежегіштері (антимиастениялық дәрілік заттар, циклофосфамид, демекарин, экотиофат, тиотепа) прокаиннің метаболизмін төмендетеді.

Прокаин метаболиті (пара-аминобензой қышқылы) сульфаниламидтердің бәсекелес антагонисі болып табылады және олардың микробқа қарсы әсерін әлсіретуі мүмкін, сондықтан осы препараттарды бір мезгілде қолдану ұсынылмайды.

Арнайы ескертулер

Егде жастағы пациенттер

Сақтықпен қабылдау керек.

Педиатрияда қолдану

Новокаинді балаларда (12 жастан 18 жасқа дейін) қолданғанда сақ болу керек.

Ауыр науқастар мен әлсіреген адамдар

Сақтықпен қабылдау керек

Жүктілік немесе лактация кезінде

Ана үшін болжамды пайданың және шаранаға немесе балаға ықтимал қауіптің арақатынасын бағалағаннан кейін сақтықпен және абсолютті көрсеткіштер бойынша тағайындау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау кезеңінде психофизикалық реакциялар жылдамдығын талап ететін жұмыс (көлік құралдарын, механизмдерді басқару және т.б.) кезінде сақ болу керек.

5 мл бейтарап шыны ампулада.

10 ампуладан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

5 немесе 10 ампуладан поливинилхлоридті үлбірден жасалған пішінді ұяшықты қаптамаға салады.

1 (10 ампуладан) немесе 2 (5 ампуладан) пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде, 5-тен 25 ºС-ге дейінгі температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 5-тен 25 ºС-ге дейінгі температурада сақтау керек.

Балалардың қолы жетпейтін жерде сақтау керек!