Астане қаласындағы Потант-сановель Таблеткалары 500 Мг №7 | Сановель Фармако-индустриальная торговая компания

Потант-сановель дәрілік препараты, таблеткалар, ересек пациенттерде келесі инфекцияларды емдеу үшін қолданылады:

- жедел пиелонефрит және несеп шығару жолдарының асқынған инфекциялары

- созылмалы бактериялық простатит

- сібір ойық жарасының өкпедегі түрі: жанасудан кейінгі профилактика және емдеу.

Төменде аталған инфекциялар үшін, әдетте, осы инфекциялардың старттық емі ретінде ұсынылатын бактерияға қарсы дәрілер пайдаланудың мүмкін еместігі негізделген жағдайларда ғана Потант-сановельді қолдану керек:

- жедел бактериялық синусит

- бронхитті қоса, өкпенің созылмалы обструкциялық ауруының өршуі

- ауруханадан тыс пневмония

- терінің және жұмсақ тіндердің асқынған инфекциялары

- асқынбаған цистит.

Таблеткалардағы Потант-сановель препаратын вена ішіне левофлоксацин енгізумен старттық ем жүргізуден кейін жай-күйі жақсаруы байқалған пациенттерде емдеу курсын жалғастыру үшін қолдануға болады.

Бактерияға қарсы дәрілерді тиісінше қолдануға қатысты ресми нұсқаулықтарды қадағалау қажет.

- левофлоксацинге немесе басқа хинолондарға, немесе компоненттерінің қандайда болсын біреуіне аса жоғары сезімталдық

- эпилепсия

- бұған дейін хинолондармен ем жүргізгенде сіңірлердің зақымдануы

- 18 жасқа дейінгі балалар және жасөспірімдер

- жүктілік және лактация кезеңі

Қолдану кезіндегі қажетті сақтық шаралары

- препаратты дәрігердің тағайындауы бойынша қолданыңыз

- препаратты қолданар алдында қосымша-парақшаны мұқият оқып шығыңыз

- түпнұсқалық қаптамада, балалардың қолы жетпейтін жерде сақтаңыз.

Басқа препараттардың левофлоксацинге әсері

Темір тұздары, мырыш тұздары, құрамында магний немесе алюминий бар антацидтер, диданозин

Левофлоксациннің сіңуі құрамында магний мен алюминий бар антацидтермен, сондай-ақ құрамында темір тұздары бар препараттармен немесе диданозинмен (буферлік заттарының құрамында алюминий немесе магний бар, диданозиннің дәрілік формалары ғана) бір мезгілде қабылдағанда едәуір төмендейді. Фторхинолондарды құрамында мырыш бар поливитаминдермен бір мезгілде пероральді қабылдағанда олардың сіңуін төмендетеді. Левофлоксацин мен осы препараттарды қабылдау арасындағы ұсынылатын аралық – кемінде 2 сағат. Кальций тұздары ішке қабылдағанда левофлоксациннің сіңуіне өте аз әсер етеді.

Сукральфат

Левофлоксациннің биожетімділігі сукральфатпен бір мезгілде қабылдағанда едәуір төмендейді. Осы препараттарды қабылдау арасындағы аралық 2  сағаттан кем болмауы тиіс.

Теофиллин, фенбуфен немесе осыларға ұқсас қабынуға қарсы стероидты емес препараттар

Левофлоксацин мен теофиллин арасында өзара әрекеттесу болады, дегенмен, хинолондарды теофиллинмен, қабынуға қарсы стероидты емес препараттармен және құрысу шегін төмендететін басқа дәрілермен бір мезгілде қолданғанда құрысу шегі едәуір төмендеуі мүмкін.

Препаратты фенбуфенмен бір мезгілде қолданғанда левофлоксациннің концентрациясы шамамен 13%-ға жоғары болды

Пробенецид пен циметидин

Пробенецид пен циметидин левофлоксациннің элиминациясын баяулатады. Левофлоксациннің бүйректік клиренсі пробенецидті бір мезгілде қолданғанда 34%-ға, циметидинді бірге қолданғанда  24%-ға төмендейді, өйткені екі препарат та левофлоксациннің өзекшелік секрециясын бөгеуге қабілетті. Дегенмен, зерттеуде қолданылған дозаларда қолданғанда, статистикалық маңызды кинетикалық айырмашылықтардың клиникалық мәнге ие болуы екіталай.

Левофлоксацинді пробенецид және циметидин сияқты өзекшелік секрецияға әсер ететін препараттармен, әсіресе бүйрек қызметі бұзылған емделушілерде сақтықпен қолдану керек.

Левофлоксациннің басқа дәрілік заттарға әсері

Циклоспорин

Циклоспориннің жартылай шығарылу кезеңі левофлоксацинмен бір мезгілде қолданғанда  33%-ға артады.

K дәруменінің антагонистері

Левофлоксацин мен К витаминінің антагонисі (мысалы, варфарин) біріктірілімін қабылдаған емделушілерде коагуляция сынамаларының жоғарылауы (ПУ/ХҚҚ) және/немесе ауыр болуы мүмкін қан кетуі туындаған жағдайлар туралы хабарланды. Левофлоксацинді К дәруменінің антагонистерімен (мысалы, варфаринмен) бір мезгілде қолданғанда қанның ұйығыштығының көрсеткіштерін бақылау қажет.

QT аралығының ұзаруын тудыратын дәрілік заттар

Левофлоксацинді QT аралығын ұзартуға қабілетті дәрілік препараттармен (мысалы, аритмияға қарсы IA және III класының препараттары, үшциклдік антидепрессанттар, макролидтер) бір мезгілде қабылдағанда сақ болған жөн.

Басқа да маңызды ақпарат

Глюкокортикостероидтармен бір мезгілде қолданғанда сіңірлердің үзілу қаупі жоғарылайды.

Левофлоксацин теофиллиннің (ол CYP1A2 үшін субстрат үлгісі болып табылады) фармакокинетикасына әсерін тигізбеді, бұл левофлоксациннің CYP1A2 ингибиторы емес екенін көрсетеді.

Левофлоксациннің фармакокинетикасы кальций карбонатымен, дигоксинмен, глибанкламидпен, ранитидинмен және варфаринмен бір мезгілде қолданғанда клиникалық құндылығы бар жеткілікті дәрежеге дейін өзгермейді.

Препаратты тамақтану алдында немесе тамақтану арасында кез келген уақытта қабылдауға болады, себебі ас қабылдау препараттың сіңуіне әсер етпейді.

Поливинилхлоридті/поливинилиденхлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамада 7 таблеткадан. Пішінді 1 қаптама медициналық қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынады.

25˚С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Сақтау шарттары

25˚С-ден аспайтын температурада сақтау керек.

Балалардың қолы жетпейтін жерде сақтау керек!