Астане қаласындағы Силден Таблеткалары 100 Мг №1 | АО Софарма

Силден эректильді дисфункциясы бар ересек еркектерде қолдануға арналған, бұл қанағаттанарлық жыныстық қатынас үшін жеткілікті жыныс мүшесінің эрекциясына қол жеткізе алмау немесе оны ұстап тұру мүмкін емес.

Силденмен жүргізілетін емі тиімді болуы үшін жыныстық стимуляция қажет.

- силденафилге немесе осы дәрілік препараттың қалған кез келген құрамдас бөліктеріне аллергия (аса жоғары сезімталдық).

- құрамында нитраттар бар дәрілік препараттарды немесе амилнитрат секілді құрамында азот тотығы бар дәрілік препараттарды қабылдау. Бұл дәрілік препараттар стенокардияны (жүрек қыспасы немесе кеуденің ауыруы) жеңілдету үшін тағайындалады. Силден осы препараттардың әсерін күшейте алады және қан қысымын айтарлықтай төмендетеді. Қажет болған жағдайда дәрігердің кеңесі ұсынылады.

- жүректің немесе бауырдың ауыр зақымдануы.

- инсульт, жүрек ұстамасы немесе төмен қан қысымы.

- көздің сирек кездесетін тұқым қуалайтын аурулары (мысалы, пигментті ретинит).

- артериялық емес алдыңғы ишемиялық оптикалық нейропатия (АЕАИОН) нәтижесінде бір көздің көру қабілетінің жоғалуы.

- сирек тұқым қуалайтын галактоза жақпаушылығы, Лаппа лактаза тапшылығы немесе глюкоза мен галактоза мальабсорбциясы синдромы.

- риоцигуатты қабылдау. Бұл дәрілік препарат өкпенің артериялық гипертензиясын (яғни өкпедегі жоғары қан қысымы) және өкпенің созылмалы тромбоэмболиялық гипертензиясын (яғни, қан ұйындылары нәтижесінде өкпедегі жоғары қан қысымын) емдеу үшін қолданылады. Силден сияқты ФДЭ-5 тежегіштері осы дәрілік препараттың қан қысымын төмендету әсерін күшейтетіні дәлелденді. Егер риоцигуатты қабылдасаңыз немесе сенімді болмасаңыз, дәрігеріңізге хабарлаңыз.

Басқа дәрілік препараттарды, оның ішінде рецептісіз босатылатын дәрілік препараттарды қабылдаған жағдайда дәрігерге хабарлау ұсынылады.

Силден кейбір дәрілік препараттармен, әсіресе стенокардияны (кеуденің ауыруы) емдеу үшін қолданылатын дәрілермен өзара әрекеттесуі мүмкін. Шұғыл жағдайда дәрігерге Силденнің қабылдау фактісі мен уақыты туралы хабарлау қажет. Жүрек ұстамасы жағдайында барлық емдеуші дәрігерлерге Силден қабылдау туралы хабарлау керек. Дәрігердің ұсынысын қоспағанда, Силденді басқа дәрілік препараттармен бірге қабылдау ұсынылмайды.

Силден нитраттар және амилнитрат сияқты азот тотығы донаторлары деп аталатын дәрілік препараттардың әсерін күшейте алады. Олар көбінесе стенокардияны (кеуденің ауыруы) жеңілдету үшін қолданылады. Силденді жоғарыда көрсетілген дәрілік препараттармен біріктіріп қолдануға болмайды, өйткені осы дәрілік препараттардың біріктірілімі қан қысымының ықтимал қауіпті төмендеуіне әкелуі мүмкін.

Дәрігерге риоцигуатты қабылдау туралы хабарлау керек.

ЖИТС-ты емдеу үшін дәрілік препараттарды қабылдаған жағдайда басында Силденнің ең төмен дозасы (25 мг) ұсынылады.

Егер жоғары қан қысымын емдеу үшін немесе қуық асты безінің ұлғаюы кезінде альфа-блокаторлар (доксазозин) деп аталатын дәрілік препараттар қолданылса, силденафилді қолданғаннан кейінгі алғашқы 4 сағат ішінде дене қалпын отыру жағдайынан тұру жағдайына (ортостатикалық гипотензия) ауыстырған кезде бас айналуы немесе айналу сезімі болуы мүмкін. Кейбір пациенттер бұл симптомдарды альфа-блокаторлармен Силденді қабылдаған кезде бастан өткерді. Бұл симптомдардың пайда болу қаупін азайту үшін Силден қабылдағанға дейін альфа-блокаторының күнделікті дозасын қабылдау керек. Доксазозинмен және тұрақтандырылған қан қысымымен ұзақ уақыт емдегенде бұл симптомдардың пайда болу ықтималдығы уақыт өте келе төмендейді. Дәрігер Силденнің бастапқы дозасын 25 мг тағайындай алады.

Р450 цитохромының тежегіші және СУР3А4 спецификалық емес тежегіші болып табылатын циметидин (800 мг) силденафилмен (50 мг) бір мезгілде қолданғанда силденафилдің плазмалық концентрациясының (Силденнің белсенді заты) 56% жоғарылауын туындатады.

Грейпфрут шырыны ішек жақтауындағы CYP3А4-медиацияланған метаболизмнің әлсіз тежегіші болып табылады және силденафилдің плазмалық концентрациясының қалыпты жоғарылауына әкелуі мүмкін.

Антацидтің (магний гидроксиді/алюминий гидроксиді) бір реттік дозалары силденафилдің биожетімділігіне әсер етпейді.

Барлық дәрілік препараттармен дәрілік өзара әрекеттесулерге спецификалық зерттеулер жүргізілмегеніне қарамастан, популяциялық фармакокинетикалық талдау CYP2С9 (толбутамид, варфарин, фенитоин сияқты), CYP2D6 (серотонинді кері қармаудың селективті тежегіштері, трициклді антидепрессанттар сияқты) тежегіштері тобының дәрілік препараттарын, тиазидтер және ұқсас диуретиктер, ілмекті және калий сақтайтын диуретиктер, ангиотензин-өзгертетін фермент тежегіштері, кальций антагонистері, бета-адренорецепторлы антагонистер немесе CYP450-медиацияланған метаболизм индукторлары (рифампицин, барбитураттар сияқты) бір мезгілде қолданғанда силденафил фармакокинетикасына әсерін көрсетпейді. Эндотелин - бозентан рецепторының антагонисі (CYP3A4 [орташа], CYP2C9 және, мүмкін, CYP2C19 индукторы), күніне екі рет 125 мг және силденафилді 80 мг-ден үш рет бір мезгілде қолдану силденафилдің AUC және Cmax төмендеуіне әкелуі мүмкін.

Никорандил - калий арнасының активаторы мен нитрат арасындағы гибрид. Композициядағы нитрат компонентіне байланысты Силденмен күрделі әрекеттесу мүмкіндігі бар.

1 немесе 4 таблеткадан поливинилхлоридті мөлдір үлбірден және алюминий фольгадан жасалған пішінді ұяшықты қаптамаға салады.

1 пішінді ұяшықты қаптаманы медициналық қолдану жөніндегі қазақ және орыс тілдеріндегі нұсқаулықпен бірге бір жағынан пигментпен қапталған картон қорапшаға салады.

Түпнұсқалық қаптамада, жарықтан қорғау үшін 25° С-ден аспайтын температурада сақтау керек.

Балалардың қолы жетпейтін жерде сақтау керек!

4 жыл

Жарамдылық мерзімі өткеннен кейін қолдануға болмайды!